Mt 3
3
Pwönyi Jøn Jɑljwɑ̈g
(Mk 1.1-8; Lk 3.1-8; Jn 1.19-28)
1Yethi cyɑ̈nggɑni ɑ ɑ́kedhi Jøn Jɑljwɑ̈g yij pɑ̈ɑ̈l Yeudiyɑ̀, kɑ ócɑ̈gø ki pwönyø kinni, 2#Mt 4.17; Mk 1.15 “Yewi wun ki orøøg wun, mɑ́ Pödhi Jwøk cyɑ̈gi.” 3#Icɑ 40.3 (LXX) Bene en ɑ ɑ́wɑngi yi Icɑyɑ̀ jɑltöng, kɑ ɑ́kööbe kinni,
“Ngɑn megø ócwöddø kì pɑ̈l kinni,
‘Tyenyu yuu Wë,
gwøgu yëth-ɑ cyɑ̈dhe gɑ óbödh.’ ”
4 #
2 Rɑ̈nhì 1.8
Jøn nyi rug-ɑ ógødh men-ɑ ócwɑ̈jø ki yëyyi ɑmɑlø, o wëne bɑ dël, o gïgcɑmme bɑ bɑ̈nyy kí møøw kïc. 5Akedhi tyëng Yerusɑlem yïe, kí tyëng Yeudiyɑ̀ bënn, kí tyëng-ɑ myërri kömi Nɑm Urdun. 6Kɑ orøøg gen töng yi gen, kɑ ge jwɑ̈ɑ̈g yi Jøn kì Nɑm Urdun.
7 #
Mt 12.34; 23.33 Jøn keny-ɑ ɑ́lidhe Jøpɑresì geki Jøsɑduk mø gïïr ge bï-ɑ yïe be jwɑ̈ɑ̈gø, ɑköbbe gïn kinni, “Wu bɑ thöllì, ɑ́ men ɑ ɑ́köbbi wun kinni pɑru cɑ́y-ɑ ɑ́cyɑ̈ngi? 8Göög wun ki gïndøj men nyodh kinni, wu ɑ́yewi. 9#Jn 8.33 Kɑ wu ko nyi rum ki pëthi wun kinni, wu óbødh ki cɑyø kɑ̀ kööb wun kinni, Abrɑhɑm bɑ kweyi wun. Yɑ köbb-ɑ wun kinni, tuggi kïttì møg ócuggø kwɑnyø yi Jwøk kɑ gï gwøge gɑ kwɑrri Abrɑhɑm. 10#Mt 7.19 Dørø ɑ́rum ki cïb tyeli yɑdh, o yɑnh pɑ kɑ̈ni ki nywøl mø døøj, ceg kɑ ngølø, o leeng mɑc. 11Yɑ jwɑ̈ɑ̈g-ɑ wun ki pï ɑ́ ngïji yewø, de ngɑn-ɑ óbï kì bɑngɑ wu ójwɑ̈ɑ̈g yi en kɑ Wëykwërø kí mɑc. Dwøng cɑrø kibølɑ; o yɑ pɑ døøj ki kɑ̈lli wɑrre. 12Ólɑng-ɑ kwööde ki byel ying-ɑ cinge, byelle ókwøre kidøøj. Byelle ókïdhe yij thebø, de cong órɑ̈b yi en ki mɑc me pɑ thøw.”
Jwɑ̈ngi Yëso
(Mk 1.9-11; Lk 3.21-22)
13Kɑ Yëso obëënø kì Gɑlelì, e bï-ɑ be jwɑ̈ɑ̈gø yi Jøn kì kömi Nɑm Urdun. 14De ɑ́kyëddi yi Jøn kinni, “Yɑn ɑ ceg dwɑddi jwɑ̈ɑ̈gø yi yïn, de yïde ɑ yöd yï bï-ɑ yïɑ?”
15De møge ɑ́løøg yi Yëso kinni, “Wiy bëëde kinøw ɑnɑn. O bene yöö men-ɑ gwøg wɑ gïn-ɑ dwɑddi yi Jwøk.” Kɑ Jøn oyïëyø.
16Keny-ɑ ɑ́rum Yëso ki jwɑ̈ɑ̈gø ceth, ɑbëëne wɑ̈g kì yethi pï. Kɑ mɑl ree yiebe, kɑ Wëykwërø lidhe, e bï-ɑ piny e nɑ ɑkur, kɑ pëgg-ɑ köme. 17#Cɑ̈gø 22.2; Wör 2.7; Icɑ 42.1; Mt 12.18; 17.5; Mk 1.11; Lk 9.35 Kɑ cwɑg mø kɑ̈ɑ̈l mɑl okööbø kinni, “Men bene Wɑ̈dɑ, wɑ̈n-ɑ mɑɑrɑ, pyëwɑ med ki en.”
Currently Selected:
Mt 3: shkDCB
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.