Gwøg 13
13
Myegi Bɑrnɑbɑ̀ geki Pøøl kí Öri Gen
1Ádɑ jøtöng geki jøpwönyø kì yij kɑnïsɑ̀ ki Anthɑkiyɑ̀, gen ɑ Bɑrnɑbɑ̀, kí Simeon (ɑ nyi cwøl ɑ́ Ditɑ̈ng), kí Luciyøs (jɑl Serin), kí Menɑin ɑ ɑ́bëëd ɑ́ mɑ̈ɑ̈dh modïr Ërödøs#13.1 Ërödøs. Bɑ Ërödøs Antipɑs, jɑngi Gɑlelì (lidh Lk 3.1). ki këër thïnh, kí Cɑul. 2Kɑ kɑ̈ng-ɑ ɑ́mɑlli gen Wë, ge othuumø, ɑköbbi gen yi Wëykwërø kinni, “Cïb wun Bɑrnɑbɑ̀ geki Cɑul wɑ̈yi gen kiperɑ, o ge gwøg gen gwøng-ɑ́ pere ɑ́cöllɑ gen.”
3Athuum gen ge ókwɑ̈jjø, ɑthɑɑny gen cinggi gen kömi gïn, kɑ gï ör gen.
Kì Kobros
4Kɑ ge ör yi Wëykwërø, ɑkedhi gen Seleukiyɑ̀, kɑ ge kɑdh-ɑ yij sɑpïnɑ̀ kì kenyɑni ge kedh-ɑ Kobros. 5Keny-ɑ ɑ́wɑ̈dhi gen Sɑlɑmis, ɑpwönyi kwøbbi Jwøk yi gen kì yethi sinɑgøgg. Jøn ɑ́cyɑ̈dhi kɑ gen, e gögg-ɑ gen.
6Kɑ ge cør-ɑ yij munyɑni bëne gïti kɑ ɑ́wɑ̈dhi gen Pɑpøs, ɑcwɑ̈nyi gen ki ɑjwøgø megø kì kenyɑni me bɑ Yeudì, me cwøl ɑ́ Bɑryësos, o ree cwølle cem ɑ́ jɑltöng. 7Jɑlɑni ɑ́bëëd ɑ buti modïr, Serjiøs Pøøl, jɑl-ɑ rumme nud. Kɑ Bɑrnɑbɑ̀ cwøl geki Cɑul yi modïrɑni, kɑ gï kwɑjje kinni dwɑdd-ɑ lïngi kwøbbi Jwøk. 8Kɑ ge dyël yi Elimɑis, eni ɑjwøgø, (kipe menɑni bene gïn-ɑ wɑngi yi nyinge) kɑ wïj modïr bɑ̈nne, o cöge e pɑ yïëy. 9Kɑ Cɑul, ɑ cwøl ɑ́ Pøøl thyew, opɑ̈ngø yi Wëykwërø, ɑnenne yï ɑjwøngɑni. 10Kɑ gø köbbe kinni, “Yïn, wɑ̈d Ngɑnrɑj, yï mɑɑn-ɑ gïndøj, o yijí pɑ̈ng yi wëënyø! Yïde ɑ pɑ wïyí ki döddi yëthi Wë, yëth-ɑ bɑ óbödhh? 11Cingi Wë ópɑ̈dhi rií ɑnɑn; yï ceg-ɑ cørø, o cɑɑr cɑ̈ng koo lidh yi yïn ki kɑɑm megø.”
Kɑ nyinge rïm yi ólɑbø me looj, ɑcɑ̈ge ki werri ree e oyɑ̈bø ki ngɑn pyejjii kì cinge. 12Kɑ modïr oyïëyø kɑ ɑ́lidhe gïn-ɑ ɑ́cwöb, kɑ ongɑ̈ngø yi pwönyi Wë.
Kì Anthɑkiyɑ̀ Pïsïdiyɑ̀
13Codhe, ɑdhwödh Pøøl geki mɑ̈dhhe kì Pɑpøs, ɑkedh gen ki sɑpïnɑ̀ ge bï-ɑ Perjɑ̀ kì Pɑmpïliyɑ̀. Kɑ ge wiy piny yi Jøn, kɑ døøg-ɑ Yerusɑlem. 14Kɑ ge odhwödhø kì Perjɑ̀, ge kedh-ɑ Anthɑkiyɑ̀ kì Pïsïdiyɑ̀. Kɑ ge kedh-ɑ sinɑgøg kì cyɑ̈ɑ̈ng Sɑbɑth, kɑ ge pëgg-ɑ piny. 15Aödi jɑggi sinɑgøg yï gen, ge okööbø kinni, “Nyiimïɑ, keløg e dɑ kwøb mø nud kì yï wun møg cïju teedø, kwøbu gen.” 16Adhwödhi Pøøl mɑl, kɑ ónyudhø ki cinge. Kɑ ócɑ̈gø kwøb kinni,
“Wun ɑ tyëng Isrɑil, kí wu tyëng-ɑ nyi wør Jwøk, lïng wun. 17#Kedhø 1.7; 12.51 Jwøøg tyëng Isrɑil, kweyyee ɑ́yienye, kɑ gï løge ji mø per gen teg keny-ɑ ɑ́bëëd gen gɑ wëdhh kì Rïp. Kɑ gï kɑ̈ɑ̈le wɑ̈g kì Rïp ki tegø me dwøng. 18#Kwɑn 14.34; Jølø 1.31 Angine kwøbbi gïn kì yij pɑ̈l ki runn pyɑ̈r ɑ́ngwen. 19#Jølø 7.1; Jöc 14.1 Anɑ̈ɑ̈ge ki jurrì ɑ́bïryew kì piny Kɑnɑɑn, kɑ piny gïn mëgge jie. 20#Jɑgg 2.16; 1 Sɑm 3.20 Møgɑni bënn ɑ́tyëg-ɑ runn miy ɑ́ngwen kí pyɑ̈r ɑ́bïj.
“Codhe, ɑthödhe gïn ki jɑgg gïti ri Sɑmwel jɑltöng. 21#1 Sɑm 8.5; 10.21 Kɑ ge ócwöddø ki rɑ̈dh. Amëggi gen Cɑul wɑ̈d Kïc kwɑɑr Ben Yɑmïn, yi Jwøk, kɑ obëëdø ɑ́ rɑ̈ɑ̈dh gen ki runn pyɑ̈r ɑ́ngwen. 22#1 Sɑm 13.14; 16.12; Wör 89.20 Kɑ gø pɑ̈de, ɑgwøøge Debïd ɑ́ rɑ̈ɑ̈dh gen, o ɑ́kööb kì ree kinni, ‘Debïd wɑ̈d Yesì, bɑ jɑl mɑ ɑ́yïëy yi pyëwɑ, o gïg-ɑ dwɑddɑ ógwøg yi en. 23Bɑ Yëso kwɑɑr Debïd, ɑ ɑ́gwøg yi Jwøk ɑ́ Yïëdi mi tyëng Isrɑil, ni kɑ ɑ́könge. 24#Mk 1.4; Lk 3.3 Kɑ tyëng Isrɑil bënn köbbi yi Jøn kinni yewi gen kɑ ge jwɑ̈ɑ̈g. 25#Mt 3.11; Mk 1.7; Lk 3.16; Jn 1.20, 27 Kɑ kì bøli keny-ɑ ɑ́kømi kej Jøn tyëgø yi en, ɑkööbe kinni, ‘Yɑ pɑth ki ngɑn-ɑ rømmi yi wun. Obëënø kì bɑngɑ, o yɑ pɑ døøj ki göödi wɑrre wɑ̈g kì tyelle.’
26“Nyiimïɑ, wun ɑ kwɑrri Abrɑhɑm, kí tyëng-ɑ kelli wun, møg-ɑ wør Jwøk, bene wɑ ɑ ɑ́ödi ki kwøbbi yuu yieli dhɑnhø. 27Mesiy nuti yodø yi tyëng Yerusɑlem geki jɑggi gen, gen ɑ kwøbbi jøtöng møg-ɑ nyi rɑng kì cyɑ̈ɑ̈ng Sɑbɑth, kɑ møgɑni tyëg gen ki kuumii ki thøø. 28#Mt 27.22-23; Mk 15.13-14; Lk 23.21-23; Jn 19.15 Pilɑtø ɑ́köbbi yi gen kinni kuume gøn ki thøø, e bong gïn bɑɑj en. 29#Mt 27.57-61; Mk 15.42-47; Lk 23.50-56; Jn 19.38-42 Keny-ɑ ɑ́rum gen ki tyëgi møg-ɑ ɑ́gwed bënn kipere, ɑkɑ̈ɑ̈l ge gøn piny kì wïj yɑdh, kɑ gø cïb gen yij rörø. 30De ɑ́tug yi Jwøk kì yij thøø. 31#Gwøg 1.3 Kɑ nyii cwöbø kì yethi cyɑ̈ng mø ngenyø kì bøli tyëng-ɑ ɑ́bï Yerusɑlem ki en bënn ge kɑ̈ɑ̈l-ɑ Gɑlelì. O bɑ tyëngɑni ɑ bɑ cwɑ̈gg møge ɑnɑn kì bøli teedø. 32O wø muuj-ɑ wun wöndøj men-ɑ ɑ́köbbi kweyyee yi Jwøk; 33#Wör 2.7 møgɑni ɑ́pɑ̈dhi kɑ̈jji gïn kì riee, wɑ ɑ bɑ nyigi gen, kɑ ɑ́tuge Yëso mɑl. Bene møgɑni ɑ ógwedø thyew kì yij Wɑ̈nyi Wör kinni,
‘Yï bɑ Wɑ̈dɑ;
yɑ ɑ́göög ki wïyí dicyɑ̈ngtïn.’
34 #
Icɑ 55.3 (LXX) De kipe kwøbbi kɑ ɑ́tuge gøn kì yij thøø, kɑ dële ocögø e pɑ kwɑ̈g, møgɑni ɑ́kwøbe kinni,
‘Wu ónëngi yi yɑn ki gyëdhhi tirø,
gen ɑ gyëdhh-ɑ ɑ́kwøbɑ kinni ge ómëggɑ Debïd.’
35 #
Wör 16.10
Bene ɑ ɑ́kööbe kì yethi wör møøgø kinni,
‘Bɑ̈ngí, bɑ̈ng-ɑ tir, koo wëggí kwɑ̈ɑ̈g yij rörø.’
36Debïd, kɑ ɑ́rume gwøgi møg-ɑ ɑ́dwɑddi yi Jwøk kì kelli rïj gen, ɑ́thøw kɑ koony buti kweyye, kɑ kwɑ̈ɑ̈g-ɑ yij rörø. 37De ngɑn-ɑ ɑ́tug mɑl yi Jwøk, nuti kwɑ̈gø. 38Ngɑ̈nyu wøw, wun ɑ nyiimïɑ kinni, wø muuj-ɑ wun wööni Yëso kipe lɑ̈ɑ̈nyi orøg. 39O kì ree, ji-ɑ yïëy bënn, bɑ ɑgøny kì yij orøg; gïn-ɑ pɑ cuggi lwɑ̈ngø yi Ciggi Mosɑ̀ ki gwøgø. 40Koru ri wun cyee, kipe ge óbï kömi wun, gen ɑ møg-ɑ ɑ́kømmi yi jøtöng kinni,
41 #
Abɑ 1.5 (LXX) “Lïdhi wun, wun ɑ jøgɑg! Ngɑ̈ng wun, kɑ wu thøw wun!
Mɑ́ gïn-ɑ ógwøg yi yɑn dicyɑ̈ngtïn
bɑ gïjø me koo yïëy yi wun
cɑgg e di ngɑn löbbii wun.’ ”
42Keny-ɑ ɑ́kedhi gen wɑ̈g kì sinɑgøg, ɑkwɑjji gen yi teedø o kwøbbɑni døøg yi gen ki kwøbø ki cyɑ̈ɑ̈ng Sɑbɑth men-ɑ óbï. 43Keny-ɑ ɑ́dɑ̈ngi burɑni, kɑ Yeud mø gïïr geki tyëng-ɑ nyi wør Jwøk møg-ɑ ɑ́løg ri gen Yeud, løg-ɑ bɑng Pøøl geki Bɑrnɑbɑ̀. Kɑ tyëngɑni pwönyi yi Pøøl geki Bɑrnɑbɑ̀, ge cïj-ɑ gïn kinni o ge bëëd gen kì yij dhwɑ̈ng-ɑ kɑ̈ɑ̈l yï Jwøk.
44Kì cyɑ̈ɑ̈ng Sɑbɑth men-ɑ bɑnge, kɑ tyëng kɑɑlɑni cug-ɑ be lïngi kwøbbi Wë. 45De kɑ ɑ́liidh teedø ge gïïr yi Yeud, ɑmɑɑg gen yi tyiel, kɑ møg-ɑ kømmi yi Pøøl dëddi yi gen, kɑ Pøøl gwɑddi gen. 46Kɑ Pøøl geki Bɑrnɑbɑ̀ okööbø kinni, “Bɑ wun ɑ di kwøng yi wøn ki köbbi kwøbbi Jwøk. De kɑ ɑ́bɑɑny gen yi wun, kɑ ri wun cɑy yi wun kinni, wu pɑ døøj ki yïddø ki nënn-ɑ ɑtheer, ri wøn ólugi wøn tyëng-ɑ pɑth ki Yeud. 47#Icɑ 42.6; 49.6 Mɑ́ wø ɑ́ceg yi Wë kinni,
‘Yï ɑ́gwøg yi yɑn, yï bɑ cɑr kipe pödhh-ɑ kyeelø
kipe kinni o kömi piny bëne yiel.’ ”
48Keny-ɑ ɑ́lïngi møgɑni yi tyëng-ɑ pɑth ki Yeud, ɑmïni pëthi gen, kɑ kwøbbi Jwøk lejji yi gen. Kɑ ji-ɑ bɑ ɑyieny kipe nënn-ɑ ɑtheer kì kelli gen oyïëyø.
49Kɑ kwøbbi Wë otɑyø kì yij pönhɑni bëne. 50Kɑ tyëng-ɑ mɑ̈nn møg-ɑ per gen teg, møg-ɑ nyi wør Jwøk geki jøgdøngi kɑɑlɑni pɑng yi Yeud, kɑ nyingi gen ocuulø ki Pøøl geki Bɑrnɑbɑ̀, kɑ gï cyeed gen wɑ̈g kì kɑɑl gen. 51#Mt 10.14; Mk 6.11; Lk 9.5; 10.11 Kɑ tør tyelli gen tënggi gen tyëng kɑɑlɑni, kɑ ge kedh-ɑ Ayköniyɑ̀. 52De tyëng-ɑ ɑ́yïëy kì Anthɑkiyɑ̀ ɑ́bëëd pëthi gen med cɑrø, o ge pɑ̈ngø yi Wëykwërø.
Currently Selected:
Gwøg 13: shkDCB
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
Gwøg 13
13
Myegi Bɑrnɑbɑ̀ geki Pøøl kí Öri Gen
1Ádɑ jøtöng geki jøpwönyø kì yij kɑnïsɑ̀ ki Anthɑkiyɑ̀, gen ɑ Bɑrnɑbɑ̀, kí Simeon (ɑ nyi cwøl ɑ́ Ditɑ̈ng), kí Luciyøs (jɑl Serin), kí Menɑin ɑ ɑ́bëëd ɑ́ mɑ̈ɑ̈dh modïr Ërödøs#13.1 Ërödøs. Bɑ Ërödøs Antipɑs, jɑngi Gɑlelì (lidh Lk 3.1). ki këër thïnh, kí Cɑul. 2Kɑ kɑ̈ng-ɑ ɑ́mɑlli gen Wë, ge othuumø, ɑköbbi gen yi Wëykwërø kinni, “Cïb wun Bɑrnɑbɑ̀ geki Cɑul wɑ̈yi gen kiperɑ, o ge gwøg gen gwøng-ɑ́ pere ɑ́cöllɑ gen.”
3Athuum gen ge ókwɑ̈jjø, ɑthɑɑny gen cinggi gen kömi gïn, kɑ gï ör gen.
Kì Kobros
4Kɑ ge ör yi Wëykwërø, ɑkedhi gen Seleukiyɑ̀, kɑ ge kɑdh-ɑ yij sɑpïnɑ̀ kì kenyɑni ge kedh-ɑ Kobros. 5Keny-ɑ ɑ́wɑ̈dhi gen Sɑlɑmis, ɑpwönyi kwøbbi Jwøk yi gen kì yethi sinɑgøgg. Jøn ɑ́cyɑ̈dhi kɑ gen, e gögg-ɑ gen.
6Kɑ ge cør-ɑ yij munyɑni bëne gïti kɑ ɑ́wɑ̈dhi gen Pɑpøs, ɑcwɑ̈nyi gen ki ɑjwøgø megø kì kenyɑni me bɑ Yeudì, me cwøl ɑ́ Bɑryësos, o ree cwølle cem ɑ́ jɑltöng. 7Jɑlɑni ɑ́bëëd ɑ buti modïr, Serjiøs Pøøl, jɑl-ɑ rumme nud. Kɑ Bɑrnɑbɑ̀ cwøl geki Cɑul yi modïrɑni, kɑ gï kwɑjje kinni dwɑdd-ɑ lïngi kwøbbi Jwøk. 8Kɑ ge dyël yi Elimɑis, eni ɑjwøgø, (kipe menɑni bene gïn-ɑ wɑngi yi nyinge) kɑ wïj modïr bɑ̈nne, o cöge e pɑ yïëy. 9Kɑ Cɑul, ɑ cwøl ɑ́ Pøøl thyew, opɑ̈ngø yi Wëykwërø, ɑnenne yï ɑjwøngɑni. 10Kɑ gø köbbe kinni, “Yïn, wɑ̈d Ngɑnrɑj, yï mɑɑn-ɑ gïndøj, o yijí pɑ̈ng yi wëënyø! Yïde ɑ pɑ wïyí ki döddi yëthi Wë, yëth-ɑ bɑ óbödhh? 11Cingi Wë ópɑ̈dhi rií ɑnɑn; yï ceg-ɑ cørø, o cɑɑr cɑ̈ng koo lidh yi yïn ki kɑɑm megø.”
Kɑ nyinge rïm yi ólɑbø me looj, ɑcɑ̈ge ki werri ree e oyɑ̈bø ki ngɑn pyejjii kì cinge. 12Kɑ modïr oyïëyø kɑ ɑ́lidhe gïn-ɑ ɑ́cwöb, kɑ ongɑ̈ngø yi pwönyi Wë.
Kì Anthɑkiyɑ̀ Pïsïdiyɑ̀
13Codhe, ɑdhwödh Pøøl geki mɑ̈dhhe kì Pɑpøs, ɑkedh gen ki sɑpïnɑ̀ ge bï-ɑ Perjɑ̀ kì Pɑmpïliyɑ̀. Kɑ ge wiy piny yi Jøn, kɑ døøg-ɑ Yerusɑlem. 14Kɑ ge odhwödhø kì Perjɑ̀, ge kedh-ɑ Anthɑkiyɑ̀ kì Pïsïdiyɑ̀. Kɑ ge kedh-ɑ sinɑgøg kì cyɑ̈ɑ̈ng Sɑbɑth, kɑ ge pëgg-ɑ piny. 15Aödi jɑggi sinɑgøg yï gen, ge okööbø kinni, “Nyiimïɑ, keløg e dɑ kwøb mø nud kì yï wun møg cïju teedø, kwøbu gen.” 16Adhwödhi Pøøl mɑl, kɑ ónyudhø ki cinge. Kɑ ócɑ̈gø kwøb kinni,
“Wun ɑ tyëng Isrɑil, kí wu tyëng-ɑ nyi wør Jwøk, lïng wun. 17#Kedhø 1.7; 12.51 Jwøøg tyëng Isrɑil, kweyyee ɑ́yienye, kɑ gï løge ji mø per gen teg keny-ɑ ɑ́bëëd gen gɑ wëdhh kì Rïp. Kɑ gï kɑ̈ɑ̈le wɑ̈g kì Rïp ki tegø me dwøng. 18#Kwɑn 14.34; Jølø 1.31 Angine kwøbbi gïn kì yij pɑ̈l ki runn pyɑ̈r ɑ́ngwen. 19#Jølø 7.1; Jöc 14.1 Anɑ̈ɑ̈ge ki jurrì ɑ́bïryew kì piny Kɑnɑɑn, kɑ piny gïn mëgge jie. 20#Jɑgg 2.16; 1 Sɑm 3.20 Møgɑni bënn ɑ́tyëg-ɑ runn miy ɑ́ngwen kí pyɑ̈r ɑ́bïj.
“Codhe, ɑthödhe gïn ki jɑgg gïti ri Sɑmwel jɑltöng. 21#1 Sɑm 8.5; 10.21 Kɑ ge ócwöddø ki rɑ̈dh. Amëggi gen Cɑul wɑ̈d Kïc kwɑɑr Ben Yɑmïn, yi Jwøk, kɑ obëëdø ɑ́ rɑ̈ɑ̈dh gen ki runn pyɑ̈r ɑ́ngwen. 22#1 Sɑm 13.14; 16.12; Wör 89.20 Kɑ gø pɑ̈de, ɑgwøøge Debïd ɑ́ rɑ̈ɑ̈dh gen, o ɑ́kööb kì ree kinni, ‘Debïd wɑ̈d Yesì, bɑ jɑl mɑ ɑ́yïëy yi pyëwɑ, o gïg-ɑ dwɑddɑ ógwøg yi en. 23Bɑ Yëso kwɑɑr Debïd, ɑ ɑ́gwøg yi Jwøk ɑ́ Yïëdi mi tyëng Isrɑil, ni kɑ ɑ́könge. 24#Mk 1.4; Lk 3.3 Kɑ tyëng Isrɑil bënn köbbi yi Jøn kinni yewi gen kɑ ge jwɑ̈ɑ̈g. 25#Mt 3.11; Mk 1.7; Lk 3.16; Jn 1.20, 27 Kɑ kì bøli keny-ɑ ɑ́kømi kej Jøn tyëgø yi en, ɑkööbe kinni, ‘Yɑ pɑth ki ngɑn-ɑ rømmi yi wun. Obëënø kì bɑngɑ, o yɑ pɑ døøj ki göödi wɑrre wɑ̈g kì tyelle.’
26“Nyiimïɑ, wun ɑ kwɑrri Abrɑhɑm, kí tyëng-ɑ kelli wun, møg-ɑ wør Jwøk, bene wɑ ɑ ɑ́ödi ki kwøbbi yuu yieli dhɑnhø. 27Mesiy nuti yodø yi tyëng Yerusɑlem geki jɑggi gen, gen ɑ kwøbbi jøtöng møg-ɑ nyi rɑng kì cyɑ̈ɑ̈ng Sɑbɑth, kɑ møgɑni tyëg gen ki kuumii ki thøø. 28#Mt 27.22-23; Mk 15.13-14; Lk 23.21-23; Jn 19.15 Pilɑtø ɑ́köbbi yi gen kinni kuume gøn ki thøø, e bong gïn bɑɑj en. 29#Mt 27.57-61; Mk 15.42-47; Lk 23.50-56; Jn 19.38-42 Keny-ɑ ɑ́rum gen ki tyëgi møg-ɑ ɑ́gwed bënn kipere, ɑkɑ̈ɑ̈l ge gøn piny kì wïj yɑdh, kɑ gø cïb gen yij rörø. 30De ɑ́tug yi Jwøk kì yij thøø. 31#Gwøg 1.3 Kɑ nyii cwöbø kì yethi cyɑ̈ng mø ngenyø kì bøli tyëng-ɑ ɑ́bï Yerusɑlem ki en bënn ge kɑ̈ɑ̈l-ɑ Gɑlelì. O bɑ tyëngɑni ɑ bɑ cwɑ̈gg møge ɑnɑn kì bøli teedø. 32O wø muuj-ɑ wun wöndøj men-ɑ ɑ́köbbi kweyyee yi Jwøk; 33#Wör 2.7 møgɑni ɑ́pɑ̈dhi kɑ̈jji gïn kì riee, wɑ ɑ bɑ nyigi gen, kɑ ɑ́tuge Yëso mɑl. Bene møgɑni ɑ ógwedø thyew kì yij Wɑ̈nyi Wör kinni,
‘Yï bɑ Wɑ̈dɑ;
yɑ ɑ́göög ki wïyí dicyɑ̈ngtïn.’
34 #
Icɑ 55.3 (LXX) De kipe kwøbbi kɑ ɑ́tuge gøn kì yij thøø, kɑ dële ocögø e pɑ kwɑ̈g, møgɑni ɑ́kwøbe kinni,
‘Wu ónëngi yi yɑn ki gyëdhhi tirø,
gen ɑ gyëdhh-ɑ ɑ́kwøbɑ kinni ge ómëggɑ Debïd.’
35 #
Wör 16.10
Bene ɑ ɑ́kööbe kì yethi wör møøgø kinni,
‘Bɑ̈ngí, bɑ̈ng-ɑ tir, koo wëggí kwɑ̈ɑ̈g yij rörø.’
36Debïd, kɑ ɑ́rume gwøgi møg-ɑ ɑ́dwɑddi yi Jwøk kì kelli rïj gen, ɑ́thøw kɑ koony buti kweyye, kɑ kwɑ̈ɑ̈g-ɑ yij rörø. 37De ngɑn-ɑ ɑ́tug mɑl yi Jwøk, nuti kwɑ̈gø. 38Ngɑ̈nyu wøw, wun ɑ nyiimïɑ kinni, wø muuj-ɑ wun wööni Yëso kipe lɑ̈ɑ̈nyi orøg. 39O kì ree, ji-ɑ yïëy bënn, bɑ ɑgøny kì yij orøg; gïn-ɑ pɑ cuggi lwɑ̈ngø yi Ciggi Mosɑ̀ ki gwøgø. 40Koru ri wun cyee, kipe ge óbï kömi wun, gen ɑ møg-ɑ ɑ́kømmi yi jøtöng kinni,
41 #
Abɑ 1.5 (LXX) “Lïdhi wun, wun ɑ jøgɑg! Ngɑ̈ng wun, kɑ wu thøw wun!
Mɑ́ gïn-ɑ ógwøg yi yɑn dicyɑ̈ngtïn
bɑ gïjø me koo yïëy yi wun
cɑgg e di ngɑn löbbii wun.’ ”
42Keny-ɑ ɑ́kedhi gen wɑ̈g kì sinɑgøg, ɑkwɑjji gen yi teedø o kwøbbɑni døøg yi gen ki kwøbø ki cyɑ̈ɑ̈ng Sɑbɑth men-ɑ óbï. 43Keny-ɑ ɑ́dɑ̈ngi burɑni, kɑ Yeud mø gïïr geki tyëng-ɑ nyi wør Jwøk møg-ɑ ɑ́løg ri gen Yeud, løg-ɑ bɑng Pøøl geki Bɑrnɑbɑ̀. Kɑ tyëngɑni pwönyi yi Pøøl geki Bɑrnɑbɑ̀, ge cïj-ɑ gïn kinni o ge bëëd gen kì yij dhwɑ̈ng-ɑ kɑ̈ɑ̈l yï Jwøk.
44Kì cyɑ̈ɑ̈ng Sɑbɑth men-ɑ bɑnge, kɑ tyëng kɑɑlɑni cug-ɑ be lïngi kwøbbi Wë. 45De kɑ ɑ́liidh teedø ge gïïr yi Yeud, ɑmɑɑg gen yi tyiel, kɑ møg-ɑ kømmi yi Pøøl dëddi yi gen, kɑ Pøøl gwɑddi gen. 46Kɑ Pøøl geki Bɑrnɑbɑ̀ okööbø kinni, “Bɑ wun ɑ di kwøng yi wøn ki köbbi kwøbbi Jwøk. De kɑ ɑ́bɑɑny gen yi wun, kɑ ri wun cɑy yi wun kinni, wu pɑ døøj ki yïddø ki nënn-ɑ ɑtheer, ri wøn ólugi wøn tyëng-ɑ pɑth ki Yeud. 47#Icɑ 42.6; 49.6 Mɑ́ wø ɑ́ceg yi Wë kinni,
‘Yï ɑ́gwøg yi yɑn, yï bɑ cɑr kipe pödhh-ɑ kyeelø
kipe kinni o kömi piny bëne yiel.’ ”
48Keny-ɑ ɑ́lïngi møgɑni yi tyëng-ɑ pɑth ki Yeud, ɑmïni pëthi gen, kɑ kwøbbi Jwøk lejji yi gen. Kɑ ji-ɑ bɑ ɑyieny kipe nënn-ɑ ɑtheer kì kelli gen oyïëyø.
49Kɑ kwøbbi Wë otɑyø kì yij pönhɑni bëne. 50Kɑ tyëng-ɑ mɑ̈nn møg-ɑ per gen teg, møg-ɑ nyi wør Jwøk geki jøgdøngi kɑɑlɑni pɑng yi Yeud, kɑ nyingi gen ocuulø ki Pøøl geki Bɑrnɑbɑ̀, kɑ gï cyeed gen wɑ̈g kì kɑɑl gen. 51#Mt 10.14; Mk 6.11; Lk 9.5; 10.11 Kɑ tør tyelli gen tënggi gen tyëng kɑɑlɑni, kɑ ge kedh-ɑ Ayköniyɑ̀. 52De tyëng-ɑ ɑ́yïëy kì Anthɑkiyɑ̀ ɑ́bëëd pëthi gen med cɑrø, o ge pɑ̈ngø yi Wëykwërø.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.