Gwøg 12
12
Pëddi Nying ki Guudø
1Bɑ yethi cyɑ̈nggɑni ɑ ɑ́mɑɑg kwï tyëng kɑnïsɑ̀ yi Rɑ̈dh Ërödøs,#12.1 Rɑ̈dh Ërödøs. Ërödøs Agripɑ̀ men-ɑ dwøng, ɑ ɑ́bëëd ɑ́ jɑngi Pelistin. kɑ gï gögge ki gïnrɑj. 2Kɑ Yɑgob ómï Jøn nɑ̈g yi en ki pilø. 3Keny-ɑ ɑ́lïdhe kinni, pëthi Yeud ɑ́mïni yi møgɑni, ɑmɑge Pïtør thyew. Cyɑ̈nggɑni ɑ́bëëd gɑ cyɑ̈nggi Kwëër Olwëny. 4#Kedhø 12.1-27 Keny-ɑ ɑ́rume mɑgø ɑkïdhe gøn ød mɑg, kun korii yi ɑlɑthker gɑ ɑkudd ɑ́ngwen; ɑkud ɑ́kyel yije dɑ ɑlɑthkerr ɑ́ngwen. O ɑ́dwɑdd-ɑ kïdhii bøli teedø keny-ɑ óthumi cyɑ̈nggi Kwëër Ákɑɑdh. 5Kɑ Pïtør mïdhe kì ød mɑg. Kɑnïsɑ̀ bëne ɑ́bëëd e ókwɑ̈jjø ki mendwøng kipere.
Göönyi Pïtør Wɑ̈g kì Ød Mɑg
6Kì yij wɑ̈r-ɑ bɑnge di kɑ̈ɑ̈l Pïtør bøli teedø yi Ërödøs, Pïtør ɑ́bëëd e onenø kì kɑɑm ɑlɑthker ɑ́ryew, e ómɑgø ki ɑ́cwecwel ɑ́ryew, o tyëng-ɑ kurø ócungø kì dhø ød mɑg, ge kor-ɑ gøn. 7Acwöb wëywöni Wë, kɑ cɑr omënyø kì yij ønɑni. Kɑ Pïtør gøj yi wëywönɑni kì wɑɑng ngëde, kɑ gø tuge kinni, “Jwɑn dhwödhi mɑl.” Kɑ ɑ́cwecwel dëëm-ɑ piny kì cingge. 8Kɑ köbbi yi wëywönɑni kinni, “Løny ógødhí rií, kɑ wɑrrí gøød tyellí.” Kɑ møgɑni gwøg yi en. Aköbbe gøn kinni, “Leeng ógønhdwøng kömí, kɑ yï lug bɑngɑ.” 9Akedhe wɑ̈g, kɑ løg-ɑ bɑnge. De kwïj yi en kinni, gïn-ɑ gwøg yi wëywönɑni bɑ dyër, de gø ɑ́cwølli yi en, e nenn-ɑ gïjø megø kì yethi lɑ̈g. 10De kɑ ɑ́rum kej kor men-ɑ mɑl ki pöödhø yi gen geki men-ɑ bɑnge, ɑwɑ̈nhi gen dhø dörø men-ɑ yïëbbi kɑɑldwøng; o dhø dörɑni bɑ ngyënyø, kɑ dhø dörɑni ree yïëbbe gen, kɑ ge kedh-ɑ wɑ̈g, kɑ ge bødh-ɑ yij yöö ɑ́kyel, ɑwiyii yi wëywönɑni.
11Kɑ Pïtør wïje ódwöögø, ɑkööbe kinni, “Áyod yi yɑn ɑnɑn kidyër kinni; Wë, wëywöne ɑ́öre be yieli yɑn kì cingi Ërödøs geki møg-ɑ ɑ́dwɑddi gwøgø yi Yeud.”
12Keny-ɑ ɑ́ngije møgɑni, ɑbëëne gøl Meerì meyi Jøn, ɑ nyi cwøl ɑ́ Mɑrk, o ji mø gïïr cugø kì kenyɑni, ge ókwɑ̈jjø. 13Keny-ɑ ɑ́cwödde kì dhø kɑl, ɑbëën bɑ̈ng-ɑ dhɑjø me cwøl ɑ́ Rödɑ̀ be lïdhø. 14Kɑ cwɑggi Pïtør ngije, ɑcög dhø kɑl pɑ yieb yi en yi medi pyëw, kɑ reng-ɑ ød, kɑ teedø köbbe kinni, “Pïtør ócungø kì dhø kɑl.” 15Kɑ köbbi yi gen kinni, “Yï ceg-ɑ myëlø,” de nudd e otyëëdø kinni, kømm-ɑ dyër ceth. Akööb gen kinni, “Bɑ wëywöne.”
16Kedh dhø kɑl ti kɑ pwödø yi Pïtør, codhe ɑyieb gen kɑl, kɑ ge ongɑ̈ngø keny-ɑ ɑ́lidh ge gøn. 17Kɑ gï kyëdde ki cinge kinni, kud gen. Kɑ kwøbbi kɑ ɑ́kɑ̈ɑ̈lii wɑ̈g yi Wë kì ød mɑg lwøbe. Kɑ okööbø kinni, “Dwöggu møgɑni Yɑgob geki tyëng yïëyø.” Codhe ɑdhwödhe, kɑ kedh-ɑ keny megø.
18Keny-ɑ ɑ́ru wøw, ɑyölli ɑlɑthkerr ki mendwøng, ki mɑ göög Pïtør kidï. 19Kɑ Ërödøs omuujø ki cigg kinni yɑɑb Pïtør. Kɑ ocögø e pɑ yod yi en, Atie jøg-ɑ ɑ́kur ki pyënyø, kɑ omuujø ki cigg kinni, nɑ̈ɑ̈g gen.
Adhwödh Ërödøs kì Yeudiyɑ̀, kɑ kedh-ɑ Kɑysɑriyɑ̀, kɑ obëëdø kì kunɑni.
Thøwi Ërödøs
20Kì yethi cyɑ̈nggɑni, Ërödøs ɑ́bëëd pyëwe dɑ liny ki tyëng Suur geki tyëng Sïdön. Kɑ ge onywɑ̈gø ki kwøb, ɑkedhi gen yïe gɑ yɑy, kì bɑng kɑ ɑ́rum Belɑstøs, jɑngi gøldwøng ki pɑngø yi gen. Akedhi gen yï Ërödøs, kɑ gø kwɑjji gen kipe mër, mɑ́ gïgcɑmmi pödhi gen nyi kɑ̈ɑ̈l ɑ pödhi rɑ̈nhɑni.
21Kɑ ge obëënø kì cyɑ̈ng-ɑ ɑ́kwøb yi Ërödøs. Kɑ Ërödøs lɑ̈ni rɑ̈ɑ̈dhø lønye ree, kɑ pëgg-ɑ wïj kwøm, kɑ oköörø kì bøli gïn. 22Kɑ tyëngɑni óryeerø kinni, “Bɑ cwɑggi jwøg. Pɑth ki cwɑggi dhɑnhø, ɑ kööbø.” 23Kɑ gøj yi wëywöni Wë, kì bøli kenyɑni ceth, mɑ́ Jwøk nuti lenhø yi en. Kɑ cɑm yi kunnì, kɑ othøø.
24Kɑ kwøbbi Jwøk otɑyø, kɑ tyëng-ɑ ɑ́yïëy óngënyø.
25Bɑrnɑbɑ̀ kí Cɑul, kɑ ɑ́tyëg gen gwøng-ɑ́ pere ɑ́öri gen, ɑdwöög gen kì Yerusɑlem. Kɑ Jøn, ɑ nyi cwøl ɑ́ Mɑrk, kɑ̈ɑ̈l yi gen.
Currently Selected:
Gwøg 12: shkDCB
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.
Gwøg 12
12
Pëddi Nying ki Guudø
1Bɑ yethi cyɑ̈nggɑni ɑ ɑ́mɑɑg kwï tyëng kɑnïsɑ̀ yi Rɑ̈dh Ërödøs,#12.1 Rɑ̈dh Ërödøs. Ërödøs Agripɑ̀ men-ɑ dwøng, ɑ ɑ́bëëd ɑ́ jɑngi Pelistin. kɑ gï gögge ki gïnrɑj. 2Kɑ Yɑgob ómï Jøn nɑ̈g yi en ki pilø. 3Keny-ɑ ɑ́lïdhe kinni, pëthi Yeud ɑ́mïni yi møgɑni, ɑmɑge Pïtør thyew. Cyɑ̈nggɑni ɑ́bëëd gɑ cyɑ̈nggi Kwëër Olwëny. 4#Kedhø 12.1-27 Keny-ɑ ɑ́rume mɑgø ɑkïdhe gøn ød mɑg, kun korii yi ɑlɑthker gɑ ɑkudd ɑ́ngwen; ɑkud ɑ́kyel yije dɑ ɑlɑthkerr ɑ́ngwen. O ɑ́dwɑdd-ɑ kïdhii bøli teedø keny-ɑ óthumi cyɑ̈nggi Kwëër Ákɑɑdh. 5Kɑ Pïtør mïdhe kì ød mɑg. Kɑnïsɑ̀ bëne ɑ́bëëd e ókwɑ̈jjø ki mendwøng kipere.
Göönyi Pïtør Wɑ̈g kì Ød Mɑg
6Kì yij wɑ̈r-ɑ bɑnge di kɑ̈ɑ̈l Pïtør bøli teedø yi Ërödøs, Pïtør ɑ́bëëd e onenø kì kɑɑm ɑlɑthker ɑ́ryew, e ómɑgø ki ɑ́cwecwel ɑ́ryew, o tyëng-ɑ kurø ócungø kì dhø ød mɑg, ge kor-ɑ gøn. 7Acwöb wëywöni Wë, kɑ cɑr omënyø kì yij ønɑni. Kɑ Pïtør gøj yi wëywönɑni kì wɑɑng ngëde, kɑ gø tuge kinni, “Jwɑn dhwödhi mɑl.” Kɑ ɑ́cwecwel dëëm-ɑ piny kì cingge. 8Kɑ köbbi yi wëywönɑni kinni, “Løny ógødhí rií, kɑ wɑrrí gøød tyellí.” Kɑ møgɑni gwøg yi en. Aköbbe gøn kinni, “Leeng ógønhdwøng kömí, kɑ yï lug bɑngɑ.” 9Akedhe wɑ̈g, kɑ løg-ɑ bɑnge. De kwïj yi en kinni, gïn-ɑ gwøg yi wëywönɑni bɑ dyër, de gø ɑ́cwølli yi en, e nenn-ɑ gïjø megø kì yethi lɑ̈g. 10De kɑ ɑ́rum kej kor men-ɑ mɑl ki pöödhø yi gen geki men-ɑ bɑnge, ɑwɑ̈nhi gen dhø dörø men-ɑ yïëbbi kɑɑldwøng; o dhø dörɑni bɑ ngyënyø, kɑ dhø dörɑni ree yïëbbe gen, kɑ ge kedh-ɑ wɑ̈g, kɑ ge bødh-ɑ yij yöö ɑ́kyel, ɑwiyii yi wëywönɑni.
11Kɑ Pïtør wïje ódwöögø, ɑkööbe kinni, “Áyod yi yɑn ɑnɑn kidyër kinni; Wë, wëywöne ɑ́öre be yieli yɑn kì cingi Ërödøs geki møg-ɑ ɑ́dwɑddi gwøgø yi Yeud.”
12Keny-ɑ ɑ́ngije møgɑni, ɑbëëne gøl Meerì meyi Jøn, ɑ nyi cwøl ɑ́ Mɑrk, o ji mø gïïr cugø kì kenyɑni, ge ókwɑ̈jjø. 13Keny-ɑ ɑ́cwödde kì dhø kɑl, ɑbëën bɑ̈ng-ɑ dhɑjø me cwøl ɑ́ Rödɑ̀ be lïdhø. 14Kɑ cwɑggi Pïtør ngije, ɑcög dhø kɑl pɑ yieb yi en yi medi pyëw, kɑ reng-ɑ ød, kɑ teedø köbbe kinni, “Pïtør ócungø kì dhø kɑl.” 15Kɑ köbbi yi gen kinni, “Yï ceg-ɑ myëlø,” de nudd e otyëëdø kinni, kømm-ɑ dyër ceth. Akööb gen kinni, “Bɑ wëywöne.”
16Kedh dhø kɑl ti kɑ pwödø yi Pïtør, codhe ɑyieb gen kɑl, kɑ ge ongɑ̈ngø keny-ɑ ɑ́lidh ge gøn. 17Kɑ gï kyëdde ki cinge kinni, kud gen. Kɑ kwøbbi kɑ ɑ́kɑ̈ɑ̈lii wɑ̈g yi Wë kì ød mɑg lwøbe. Kɑ okööbø kinni, “Dwöggu møgɑni Yɑgob geki tyëng yïëyø.” Codhe ɑdhwödhe, kɑ kedh-ɑ keny megø.
18Keny-ɑ ɑ́ru wøw, ɑyölli ɑlɑthkerr ki mendwøng, ki mɑ göög Pïtør kidï. 19Kɑ Ërödøs omuujø ki cigg kinni yɑɑb Pïtør. Kɑ ocögø e pɑ yod yi en, Atie jøg-ɑ ɑ́kur ki pyënyø, kɑ omuujø ki cigg kinni, nɑ̈ɑ̈g gen.
Adhwödh Ërödøs kì Yeudiyɑ̀, kɑ kedh-ɑ Kɑysɑriyɑ̀, kɑ obëëdø kì kunɑni.
Thøwi Ërödøs
20Kì yethi cyɑ̈nggɑni, Ërödøs ɑ́bëëd pyëwe dɑ liny ki tyëng Suur geki tyëng Sïdön. Kɑ ge onywɑ̈gø ki kwøb, ɑkedhi gen yïe gɑ yɑy, kì bɑng kɑ ɑ́rum Belɑstøs, jɑngi gøldwøng ki pɑngø yi gen. Akedhi gen yï Ërödøs, kɑ gø kwɑjji gen kipe mër, mɑ́ gïgcɑmmi pödhi gen nyi kɑ̈ɑ̈l ɑ pödhi rɑ̈nhɑni.
21Kɑ ge obëënø kì cyɑ̈ng-ɑ ɑ́kwøb yi Ërödøs. Kɑ Ërödøs lɑ̈ni rɑ̈ɑ̈dhø lønye ree, kɑ pëgg-ɑ wïj kwøm, kɑ oköörø kì bøli gïn. 22Kɑ tyëngɑni óryeerø kinni, “Bɑ cwɑggi jwøg. Pɑth ki cwɑggi dhɑnhø, ɑ kööbø.” 23Kɑ gøj yi wëywöni Wë, kì bøli kenyɑni ceth, mɑ́ Jwøk nuti lenhø yi en. Kɑ cɑm yi kunnì, kɑ othøø.
24Kɑ kwøbbi Jwøk otɑyø, kɑ tyëng-ɑ ɑ́yïëy óngënyø.
25Bɑrnɑbɑ̀ kí Cɑul, kɑ ɑ́tyëg gen gwøng-ɑ́ pere ɑ́öri gen, ɑdwöög gen kì Yerusɑlem. Kɑ Jøn, ɑ nyi cwøl ɑ́ Mɑrk, kɑ̈ɑ̈l yi gen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Shilluk DC Bible © Bible Society in South Sudan, 2011.