Kuen 33
33
Jiɛɛn kä I-jëp wädiɛn kä Mo-ab
1Nɛmɛ ɛ jiɛɛn ëë jiɛc kɛ ji̱ I-thɛ-rɛl muun I-jëp kɛ thuk duëlikiɛn kɛ böth Muthɛ kɛnɛ Ä-ron. 2Kä cu Muthɛ tuk jiɛɛnädiɛn gɔ̱r kɛnɛ gua̱th tëë la puɔ̱tkɛ thi̱n kɛ ruac Kuɔth Nhial. Kä ti̱ti̱ kɛ gua̱th tëë la puɔ̱tkɛ thi̱n ni mëë ku kɛ jiɛɛn. 3Cu kɛ jiɛɛn kä Ra-mɛ-theth kɛ cäŋ kä wäl dhieec kä pay in jio̱l. Kɛ kɔr ca̱ŋ bälä, cu ji̱ I-thɛ-rɛl wä raar kɛ tet Kuɔth mi bum waaŋ ji̱ I-jëp diaal, 4kɛ gua̱a̱th ëë kony ji̱ I-jëp gaatkiɛn diaal tin key, tëë ci Kuoth Nhial kɛ näk. Kä ci Kuoth Nhial kuthkiɛn luk.
5Kä cu ji̱ I-thɛ-rɛl jiɛɛn kä Ra-mɛ-theth cu kɛ pua̱t kä Cu-koth. 6Kä cu kɛ jiɛɛn kä Cu-koth cukɛ pua̱t kä E-tham min te peek rɛy dɔaar. 7Kä cu kɛ jiɛɛn lockɛ jɔk kɛ Pi-ɣa-ɣi-rot kui̱ käny ca̱ŋ Baal-dhɛ-pon. Kä cu kɛ pua̱t a /ka̱n Mig-dol ni cop. 8Kä cu kɛ jiɛɛn kä Pi-ɣa-ɣi-rot kä cukɛ wä kɛ Bar Gutdä wäkɛ rɛy dɔaar, cu kɛ rɛy dɔaar E-tham jäl kɛ ni̱n diɔ̱k, kä cu kɛ pua̱t kä Maraa. 9Kä cu kɛ jiɛɛn kä Maraa cu kɛ pua̱t kä E-lim. Kä E-lim tëë kɛ wäŋ pi̱i̱ni da̱ŋ wäl rɛw kɛ nöör jiɛn bärɔw. 10Kä cu kɛ jiɛɛn thi̱n, kä cu kɛ pua̱t gekä Bar Gutdä. 11Kä cu kɛ jiɛɛn Bar Gutdä cu kɛ pua̱t rɛy dɔaar thi̱n. 12Kä cu kɛ jiɛɛn thi̱n cu kɛ ben pua̱t kä Dɔp-kaa. 13Kä cu kɛ jiɛɛn kä Dɔp-kaa cu kɛ ben pua̱t kä A-luc. 14Kä cu kɛ jiɛɛn kä A-luc cukɛ ben pua̱t kä Rɛ-pi-dim mi cu thil pi̱w ti mathkɛ ɛ naath. 15Kä cu kɛ jiɛɛn kä Rɛ-pi-dim cukɛ ben pua̱t rɛy dɔaar Thi-nay. 16Kä cu kɛ jiɛɛn thi̱n cu kɛ ben pua̱t kä Kib-rot-ɣata-waa. 17Kä cu kɛ jiɛɛn thi̱n cu kɛ ben pua̱t kä Ɣä-dhe-rot. 18Kä cu kɛ jiɛɛn kä Ɣä-dhe-rot cukɛ ben pua̱t kä Rit-maa. 19Kä cu kɛ jiɛɛn thi̱n cu kɛ ben pua̱t kä Rit-maa. 20Kä cu kɛ jiɛɛn thi̱n cu kɛ ben pua̱t kä Lib-na. 21Kä cukɛ jiɛɛn kä Lib-na cukɛ ben pua̱t kä Ritha. 22Kä cukɛ jiɛɛn kä Ritha cukɛ ben pua̱t kä Kɛ-ɣe-la-taa. 23Kä cu kɛ jiɛɛn thi̱n cukɛ ben pua̱t Pääm Ca-pɛr. 24Kä cu kɛ jiɛɛn thi̱n cukɛ ben pua̱t kä Ɣä-ra-daa. 25Kä cu kɛ jiɛɛn thi̱n cukɛ ben pua̱t kä Mak-ɣe-lot. 26Kä cukɛ jiɛɛn thi̱n cukɛ ben pua̱t kä Taath. 27Kä cukɛ jiɛɛn kä Taath, kä cukɛ pua̱t kä Tɛra. 28Kä cukɛ jiɛɛn kä Tɛra cukɛ ben pua̱t kä Mit-kaa. 29Kä cukɛ jiɛɛn kä Mit-kaa cukɛ ben pua̱t kä Ɣac-mo-naa. 30Kä cukɛ jiɛɛn thi̱n cukɛ ben pua̱t kä Mo-the-rot. 31Kä cukɛ jiɛɛn thi̱n cukɛ ben pua̱t kä Bɛne-ya-äkɔn. 32Kä cukɛ jiɛɛn thi̱n cukɛ ben pua̱t kä Ɣor-ɣa-gid-gad. 33Kä cukɛ jiɛɛn kä Ɣor-ɣa-gid-gad cukɛ ben pua̱t kä Yɔt-ba-taa. 34Kä cukɛ jiɛɛn thi̱n cukɛ ben pua̱t kä Ab-ro-naa. 35Kä cukɛ jiɛɛn thi̱n cukɛ ben pua̱t kä Ɛ-dhon-ga-bɛr. 36Kä cukɛ jiɛɛn thi̱n cukɛ ben pua̱t rɛy dɔaar Dhin (min la Ka-dɛc). 37Kä cukɛ jiɛɛn kä Ka-dɛc cukɛ ben pua̱t pääm Ɣor min te peek muɔ̱ɔ̱n Ɛ-dɔm.
38Kä cu bo̱o̱th palä ni Ä-ron wä wi̱i̱ Pa̱a̱m Ɣor kɛ ruac Kuɔth Nhial, kä cuɛ wä li̱w thi̱n, kɛ cäŋ in jio̱l kä pay dhieec kɛ jiɛɛn ŋuaan runi kɛ kɔr kä mëë ci ji̱ I-thɛ-rɛl ben raar muun I-jëp. 39Kä mëë li̱w Ä-ron pääm Ɣor tëë kɛ run ti kuɔ̱r wi̱cdɛ jiɛɛn da̱ŋ rɛw wi̱cdɛ diɔ̱k.
40Kä cu kuäär Ä-radh ni Kɛ-naan min cieŋ kä Nɛ-gɛb muun Kɛ-naan ben ji̱ I-thɛ-rɛl liŋ.
41Kä cikɛ jiɛɛn Pääm Ɣor cikɛ ben pua̱t kä Dhal-mo-naa. 42Kä cukɛ ji̱ ɛn thi̱n cukɛ ben pua̱t kä Pu-non. 43Kä cukɛ jiɛɛn thi̱n cukɛ ben pua̱t kä O-bot. 44Kä cukɛ jiɛɛn thi̱n cukɛ ben pua̱t kä Iye-ä-ba-rim rɛy cieŋ O-bot. 45Kä cukɛ jiɛɛn thi̱n cukɛ ben pua̱t kä Di-bon-gad. 46Cukɛ jiɛɛn thi̱n cukɛ ben pua̱t kä Al-mon-dib-la-ta-yim. 47Kä cukɛ jiɛɛn thi̱n cukɛ ben pua̱t pääm Ä-ba-rim a /ka̱n Nɛbo ni cop. 48Kä cukɛ jiɛɛn thi̱n cukɛ ben pua̱t rɛy tɔ̱ɔ̱rä Mo-ab kui̱ yiëër Jɔr-dɛn kä Jɛ-ri-ko. 49Cukɛ pua̱t gekä Jɔr-dɛn a känɛ ni kä Beth-yɛ-ci-moth a räth ni kä A-bel-ci-tim rɛy tɔ̱ɔ̱rä Mo-ab.
Ruaacni a /ka̱n yier Jɔr-dɛn ni jiɛth
50Kä cu Kuoth Nhial ruac kɛ Muthɛ rɛy tɔ̱ɔ̱rä Mo-ab kui̱ yiëër Jɔr-dɛn kä Jɛ-ri-ko i̱, 51“Jio̱kni ji̱ I-thɛ-rɛl, mi wä yɛn wä kui̱ yiëër Jɔr-dɛn wädun muun Kɛ-naan. 52Juɔcɛ nɛy diaal tin cieŋ thi̱n raar nhiamdun, kä da̱kɛ päämkiɛn diaal tin ca la̱t, kɛnɛ kuth baaŋ tin ca täth, kä da̱kɛ gua̱th pali diaal. 53Kä ciaŋɛ mun ala duŋdun, kɛ ɣöö cä ka̱m yɛ bia ciɛŋ. 54Kä bia ka̱n ɛn mun kɛ yor gaakni ce̱tkɛ pek dho̱rikun. Kä bia thok duëël in di̱i̱t ka̱m pek mi di̱i̱t, kä bia thok duëël mi tɔt ka̱m pek mi tɔt. Kä gua̱th ɔ bi gaak ran pɛn thi̱n ɔ ba duŋdɛ. Bia ka̱n ɛn mun nikɛ thuk duëli guuri. 55Kä mi wä yɛn tey a /cia nɛy tin cieŋ muun bi joc nhiamdun, kɛn tɔ̱tɔ̱ bikɛ ce̱tnikɛ pir waaŋdun, kä bikɛ ce̱tnikɛ kui̱c nenädun, kä bä yɛ moc riɛk muun in bia ciɛŋ. 56Kä bä yɛ lät kä min caarä dëë lät kä kɛ.”
Currently Selected:
Kuen 33: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
