Kuen 30
30
Ŋuɔ̱t kɛ kui̱ yäcä mi lät mänɛ
1Kä cu Muthɛ bööth thuk duëli ji̱ I-thɛ-rɛl jiök i̱, “Nɛmɛ ɛ jɛn min laar Kuoth Nhial ɛ. 2Mi wä raan rɔ yac kɛ mi bɛ ka̱m Kuoth Nhial, kiɛ cɛ guk la̱t, a jɛ /ci ruacdɛ nyɔk. A jɛ lät tin diaal tin cɛ lar i̱ bɛ la̱t. 3Kiɛ mi wä ciek rɔ ya̱c Kuoth Nhial kɛ mi bɛ ka̱m jɛ, kä ŋotdɛ dhɔr gua̱n, 4kä ci gua̱n ya̱cdɛ liŋ kɛnɛ min cɛ lar i̱ bɛ thöp, kä thilɛ mi ci gua̱n ɛ la̱r jɛ. Bi ya̱cdɛ te thi̱n, kä bi tin diaal tin cɛ lar te thi̱n. 5Kä mi wä gua̱n ɛ wä gak kɛ jɛn cäŋ in yaacɛ ni rɔ, /ci ya̱cdɛ, kɛnɛ min cɛ lar i̱ bɛ thöp bi te thi̱n. Kä bi Kuoth Nhial jɛ päl ikä, kɛ ɣöö ci gua̱n ɛ gak. 6Kä mi ca kuɛn ɛ wut kɛ kɔr kä min cɛ ya̱c la̱t, kä cɛ duɔ̱ɔ̱r lar a /kenɛ jɛ car. 7Kä ci cɔwdɛ jɛ liŋ, kä thilɛ mi cɛ la̱r jɛ kɛ cäŋ ëë liŋɛ ni jɛ. Inɔ bi ya̱cdɛ te thi̱n, kä bi min cɛ lar te thi̱n. 8Kä mi ci cɔwdɛ jɛ gak kɛ cäŋ ëë liŋɛ ni jɛ, bɛ ya̱cdɛ min tekɛ jɛ päl /kenɛ jɛ car a gɔaa ɛn min cɛ lar kɛ lɛpdɛ. Kä bi Kuoth Nhial ɛ pälikä. 9Duundɛ ɣöö ya̱c ciek jɔkä kɛnɛ ciek mi ci da̱k, bi tin diaal tin cɛ lar te cuŋä kä jɛ. 10Kä mi yaacɛ rɔ dhɔr cɔadɛ kiɛ cɛ rɔ yac kɛ duɔ̱ɔ̱r, 11kä ci cɔwdɛ jɛ liŋ, kä thilɛ mi cɛ la̱r jɛ kä /kenɛ jɛ gak. Inɔ bi ya̱cdɛ te thi̱n, kä bi tin diaal tin cɛ lar te thi̱n. 12Kä mi ci cɔwdɛ jɛ gak kɛ cäŋ ëë liŋɛ ni jɛ, kɛn tin diaal tëë cɛ yac ni rɔ kä cɛ lar i̱ bɛ thöp, /cikɛ bi te thi̱n. Ci cɔwdɛ kɛ gak, kä bi Kuoth Nhial ɛ pälikä. 13Kä ya̱c mi ci ciek ɛ la̱t kɛnɛ mi cɛ lar kɛ yac, dëë cɔwdɛ jɛ jak kä thuɔ̱k, kä derɛ jɛ jak kä thil. 14Kä mi thilɛ mi ci cɔwdɛ jɛ lar ɛn cäŋ ɛmɔ, luɔtdɛ ɣöö ci cɔwdɛ tin diaal tin cɛ lat nhɔk. Kɛ ɣöö thilɛ mi cɛ la̱r jɛ kɛ cäŋ ëë liŋɛ ni kɛ. 15Kä duundɛ ɣöö mi wee kɛ wä gak kɛ kɔr kä min cɛ liŋ, bi riɛkdɛ tekɛ jɛ.”
16Kä ti̱ti̱ kɛ kɛn ŋuɔ̱t tëë ci Kuoth Nhial kɛ la̱r Muthɛ kɛ kam wutdä kɛnɛ ciekdɛ, kɛ kam wutdä kɛnɛ nyaadɛ, min ŋotdɛ ɛ nyal dhɔr gua̱n.
Currently Selected:
Kuen 30: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
