Liib 3
3
Muc malä
1“Kä mi wä raan mucdɛ wä nööŋ, ala luur nyuaakä kä ɣɔ̱ɔ̱kɛ, tut kiɛ ŋuɔ̱t ala mi thil diw nhiam Kuɔth Nhial. 2Kä a bukɛ kä a jɛ näkɛ thok kɛmɛkä ro̱mä kɛ Kuoth Nhial nath kɛ Kuoth, kä bi gaat Ä-ron tin la bööth palä riɛmdɛ kiɛth pëkni yi̱kä da̱ŋ ŋuaan. 3Kä ɛn muc matdä ɛmɔ, ba muc mi waŋkɛ Kuoth Nhial kɛnɛ paarɛ kɛɛliw kɛ kɔali jiɛcdɛ diaal. 4Kɛ rokɛ diaal kɛn kɔalikiɛn amäni go̱o̱k cua̱ny. 5Kä bi bööth palä kɛ waŋ wi̱i̱ yi̱kä, kɛ kɛ muc tin waŋ, kä bi miɛl luurä mi̱eth ɛmɛ a mi tɛth lɔc Kuɔth Nhial.
6“Kä mi wä mucdɛ a kɛl kä rɔɔmkɛ kiɛ böwnikɛ ala mi thil diw. 7Kä mi wee thöp ni ruath rɔɔmä a jɛ nööŋɛ nhiam Kuɔth Nhial. 8Bi jɛ buk kä bɛ cu näk thok kɛmɛkä ro̱mä kɛ Kuoth Nhial. Kä bi bööth palä riɛmdɛ kiɛth kui̱ni yi̱kä diaal. 9Kä bikɛ cuŋkɛ ti̱ti̱ ka̱m Kuoth ala luur mi̱eth, thiɔlɛ kɛnɛ thiɔl jua̱a̱lɛ tɛmɛ ni ɣo̱o̱ydɛ kɛ paar jiɛcdɛ ni kɛɛliw. 10Amäni rokɛ nikɛ kɔalikiɛn kɛnɛ go̱o̱k cua̱nydɛ. 11Kä bi bööth palä kɛ waŋ wi̱i̱ yi̱kä ala luur mi̱eth Kuɔth Nhial.
12“Kä mi wä raan mucdɛ a dɛl mi böw, a jɛ thöpɛ nhiam Kuɔth Nhial. 13Bɛ jɛ buk kä bɛ cu näk thok duëël ro̱mä. Kä bi bööth palä riɛmdɛ kiɛth kui̱ni yi̱kä da̱ŋ ŋuaan. 14Kä bɛ cuŋkɛ ti̱ti̱ thöp Kuoth Nhial ala luur mi̱eth, thiɔl jiɛcdɛ ni kɛɛliw. 15Kɛɛliw amäni rokɛ kɛ thiɔliɛn kɛ kɛ go̱o̱k cua̱ny. 16Kä bɛ kɛ waŋ wi̱i̱ yi̱kä ala luur mi̱th mi tɛth lɔc Kuɔth Nhial. 17Kä ɛn nɛmɛ bɛ la ŋuɔ̱t kä gaat I-thɛ-rɛl, gua̱th ɛ bikɛ tëk thi̱n ɔ, ɛn ɣöö thilɛ ram mi bi thiɔl kiɛ riɛm cam, rɛy ri̱cnikiɛn diaal.”
Currently Selected:
Liib 3: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
