Liib 22
22
Ŋuɔ̱t kɛ kui̱ mucni
1Cu Kuoth Nhial Muthɛ la̱r lär 2jiök ni Ä-ron kɛnɛ gaatkɛ i̱, “Tiɛtdɛ gɔy mucni ji̱ I-thɛ-rɛl, tin ca lëy ɣä, kɛ ɣöö /cikɛ ciötdä min rɛl gɔɔydɛ rɔ bi ya̱r. Ɛ ɣän Kuoth Nhial. 3Jiök nikɛ i̱, ‘Mi wec tekɛ raan kä kuayku diaal rɛy ri̱cnikiɛn mi wä ben gekä mucni tin rɛl gɔɔydiɛn rɔ, tin lëy kɛ Kuoth Nhial ɛ ji̱ I-thɛ-rɛl, kä /cɛ gɔaa, ɛn ram ɛmɔ /cɛ la̱tdä bi nyɔk kɛ lätni. Ɛ ɣän Kuoth Nhial. 4A thil raan kä gaat Ä-ron mi tekɛ dhɔp kiɛ löny pua̱ny mi jiäk, mi bi tin lɛy gɔɔydiɛn rɔ cam a ni mi cɛ gɔaa. Kä bööth palä mɔ bi duɔ̱ɔ̱r mi jiäk mi ci li̱w thiap ɔ kiɛ wut mi tekɛ ti̱i̱y, 5kiɛ ram mi ci muɔl piny nyɔt mi dëë jɛ jak kä jiäk kiɛ jëk ɛ jɛ kä raan, 6ɛn ram ɔ ci duɔ̱ɔ̱r nyɔt ɔ bɛ jiäk mäni thiaŋ kä /cɛ bi mi̱th kä tin rɛl gɔɔydiɛn rɔ a ni mi cɛ puak. 7Mi wä cäŋ kony bɛ gɔaa. Ɛn wa̱nɔ derɛ cu mi̱th kä tin rɛl gɔɔydiɛn rɔ, kɛ ɣöö kɛ mi̱thkɛ. 8Kä ɛn mɔ bi li̱w kä rɔa kiɛ ca näk ɛ le̱y dɔaar ɔ /ci bo̱o̱th palä jɛ bi cam, derɛ puɔ̱nydɛ ya̱r kɛ jɛ. Ɛ ɣän Kuoth Nhial. 9Ɛ bööth palä ŋuɔ̱tkä tit, mi cikɛn kɛ bi tit bikɛ duer kä bikɛ li̱w, ɛ ɣän Kuoth Nhial min jakɛ kä gɔw.
10“ ‘A thil ram mi bä raar gölä kä ji̱ dhɔaar bööth palä mi bi mi̱th kä muc in rɛl gɔɔydɛ rɔ. A cäŋɛ ja̱l gɔaal bööth palä kiɛ ja̱ŋdɛ /cɛ jɛ bi cam. 11Duundɛ ɣöö mi ci bööth palä ja̱ŋ kɔk kɛ yio̱w, ɛn ja̱ŋ ɛmɔ bɛ mi̱th thi̱n. Kä kɛn tin diaal tin ca dap dhɔrɛ bikɛ mi̱ethdɛ cam. 12Kä nya bööth palä mi ca kuɛn raar /cɛ bi mi̱th kä muc tin rɛl gɔɔydiɛn rɔ. 13Ɛ ni mi nya bööth palä ɛ ciek jɔkä kiɛ ɛ kɛ̈ɛ̈, kä thil ɛ jɛ gat, kä cɛ luny dhɔr gua̱n, ce̱tkɛ mëë tëë nyi̱etdä, derɛ mi̱eth gua̱n cam. Kä ŋotdɛ thilɛ ram mi bä raar mi bi jɛ cam. 14Mi ci raan mi̱eth in rɛl gɔɔydɛ rɔ cam a cɛ lot ni jɛ, bɛ jɛ rëp nikɛ dhieec dhieecni kä bɛ jɛ ka̱m bööth palä. 15Kä ɛn bööth palä cɛ nyin I-thɛ-rɛl tin rɛl gɔɔydiɛn rɔ bi ya̱r, tin ca thöp Kuoth Nhial, 16Kä a /cikɛ bi jak kä dui̱rkɛ, kɛ mi̱ethdiɛn kɛ tin rɛl gɔɔydiɛn rɔ, inɔ bɛ duer nööŋ mi bikɛ moc riɛk. Ɛ ɣän Kuoth Nhial min jak yɛ kä gɔw.’ ”
17Cu Kuoth Nhial Muthɛ jiök, 18ruacni kɛ Ä-ron kɛnɛ gaatkɛ kɛ ji̱ I-thɛ-rɛl diaal i̱, “Mi wä raan dhɔaar I-thɛ-rɛl kiɛ ram mi cieŋ rɛydiɛn mucdɛ nööŋ, ɛ muc cutdä yäcä kiɛ ɛ muc lɔacdɛ mi thöpɛ Kuoth ala muc mi waŋ, 19kɛ ɣöö ba nhɔk ala tuut mi thil diw, ruath tha̱a̱k rɔɔmä kiɛ böw. 20/Cu duɔ̱ɔ̱r mi tekɛ diw thöp, kɛ ɣöö /ci Kuoth Nhial ɛ bi nhɔk. 21Kä mi wä raan muc malädɛ wä thöp Kuoth Nhial, mi yacɛ ni rɔ kiɛ muc lɔacdɛ, bɛ jɛ ka̱n rɛy ɣɔ̱ɔ̱kɛ kiɛ rɛy deetkɛ, kɛ ɣöö bi Kuoth Nhial ɛ nhɔk ba mi kök kök, mi thil diw puɔ̱nydɛ. 22/Cuarɛ muc mi waŋkɛ thöp Kuoth Nhial wi̱i̱ yi̱kä kä le̱y ɛ ti. Ley mi cɔr, ŋɔl, kiɛ mi löny puɔ̱nydɛ, kiɛ te kuat, kiɛ cäk. 23Kä thäk kɛnɛ ruath ro̱mä tin tɔ̱ cäkni bia kɛ nöŋ ala muc tɛthkä lɔacdun, kä mi wec wa̱a̱ muc yäcä ca jɛ bi nhɔk. 24Kä mi te le̱y mi ca nhiandɛ kuit kiɛ ca doŋ, /cia jɛ bi thöp Kuoth Nhial kä cɛ bia luur guäth ciɛŋädun 25/cuarɛ le̱y mi nööŋkɛ ɛ ram mi guä thöp Kuothdun ala luur mi̱eth kä tekɛ kɛ diw kä kɛ cäkni, /ci Kuoth Nhial ɛ bi nhök yɛ.”
26Cu Kuoth Nhial Muthɛ jiök i̱, 27“Mi wa ruath wä diëth ɛ rɔam kiɛ ɛ böw, bɛ man luɛth kɛ ni̱n bärɔw, kɛ cäŋ in bädäkdiɛn, dëë jɛ nhɔk ala muc mi wa̱ŋkɛ Kuoth Nhial. 28Cu yaŋ thöp ala muc kɛnɛ dɔwdɛ kiɛ rɔam kɛnɛ ruathdɛ kɛn cäŋ ɛ kɛlɔ. 29Kä mi wee muc tɛthkä lɔaac wä thöp Kuoth Nhial, guuri ŋuɔ̱tkɛ kɛ ɣöö ba jɛ nhök yɛ. 30Kä ba jɛ cam niɛ cäŋ ɔ, thil ɛ mi bi duɔth mi bi runwaŋ cop. Ɛ ɣän Kuoth Nhial.
31“Inɔ tiɛtdɛ ŋuɔ̱tkä kä la̱t ɛ kɛ. Ɛ ɣän Kuoth Nhial. 32Kä /cuarɛ ciötdä yär, duundɛ ɣöö bi gɔɔydä rɔ rɛl rɛy ji̱ I-thɛ-rɛl. Ɛ ɣän Kuoth min jak yɛ kä gɔw 33mëë käm yɛ raar rööl I-jëp min la Kuothdun. Ɛ ɣän Kuoth Nhial.”
Currently Selected:
Liib 22: nusNHB
Highlight
Copy
Compare
Share
Want to have your highlights saved across all your devices? Sign up or sign in
Nuer Bible © Bible Society in South Sudan 1998,2012.
