Tito 2

Ettiyenio onno Obis 'to

1Buo jihoi Tito, ittiyenie luŋa erre hunno obisi 'to. 2Isiŋa lamaruak; ijiara ossi hosi afaŋi, ijiara egigilita hosi obisi; ijiara buo fe isi ihumi ittoŋotio ahuattek hosi. Hèlaha luŋa isi itapuahi neruk hosi iko abuaran tajia hosi buo nadihan hosi. 3Ihuo nyia buo fe, isiŋa namaruak; ijiara amanyai aŋoruo hunne isiori 'to amanya hosi jio Hollum. Hèlaha arai a hetarrohojak fureta waati kuyya a harumak balu. Ijiara luŋa isi ittiyenie erre hunno oyiji 'to, 4oŋida isi ittiyenie aŋoruo anyarhalu itabuoriere atajia jio habiok hosi iko jio aduri hosi. 5Ijiara buo fe isi ottoŋotie ahuattek hosi onno oyyu, ijiara anyalami, ijiara arai aŋoruo ayijok, hunno oniŋie 'to habiok hosi; nyio, ŋadi obo atulo ikiana onno orroho te eram sayyo hunno ofuonni 'to jio Hollum.

6Ihuo nyia buo fe, ihuma buo fe ittittohina nyarhalu hulla arai 'to aliawa, ijiara ottoŋotie ahuattek hosi onno oyyu. 7Oduloi irahan a hetamijani jio aati hullomuk. Ittiyenie luŋa ta ataji onno olibo, hèbala elle ittiyenio iyye. 8Ittiyenie te ekenita hunno obisi 'to, hunno obeŋ tulo oremik itipal. Anyahini adi ariri amiorok hoi alla abeŋi isi orumani obo epali ikianari to hohoi.

9Ijiara luŋa apiti itamunoye elettaha hosi ta aniŋio hirre 'daŋ hunne iramani jihosi. Hèlaha isi itarraŋai iko elettaha hosi, 10kuyya ohoholuni erre hosi. Ati, ijiara luŋa isi itahutani abisan iko ayiji hosi. Oŋida bati aati 'daŋ itahabuye ettiyenio ono Hollum etalahani hohoi te erre 'daŋ hunne ihanie isi.

11Nyio, italeyehi Hollum ayiji taji honyi italahuniere aati 'daŋ. 12Ettiyenio hohoi ayiji taji ania, ibusaniere emanyiti hunno orrohoji 'to iko ewahiti huno afau ana. Awak inyi hohoi emanya jio afau ana onno oyyu, obeŋ enyobio, 13buo etilari, te eyihina Noloŋ eyijo, anna alari akuatan ono Hollum hohoi alla agalik 'to iko ono Yesu Kristo etalahani#2:13 Hollum hohoi alla agalik 'to iko ono Yesu Kristo etalahani : kuyya, Hollum alla agalik 'to iko Yesu Kristo etalahani hohoi.. 14#1Pet 2:9Isiarak nyia inyi ahuan honyi to hohoi, italahuniere hohoi jio eyyata 'daŋ jio, oŋida era a waati honyi aliborok, hulla awahi 'to ehanio erre hunno obisi 'to.

15Ittiyenie erre hunia; igiamari elohittok ottonohoi itagoliere atajia iko iriŋiere etayirak hoi. Hèlaha obo jihosi iyasio iyye.

Currently Selected:

Tito 2: EA2003

Highlight

Copy

Compare