ETALEYEHINA 2

Asayyo jio Eluluŋ Heruhok otto Efeso

1“Igiorok erre huna jio ajilo olo eluluŋ heruhok otto Efeso:

“Asayyo huna hunne ifahu lia, ollo oŋuahatio 'to elelefi hattarik ihani iŋet honyi, buo fe adaha ihiji etawojita 'lomohien ayyeli huna hattarik. 2Amijak ni ehanita hoi; amijak ni apulo hoi bebe iko adihan hoi. Amijak ni jio ittallik iyye idihan eyyak, ati ikem nyia iyye aati hullo ojiori 'to isi lefahat, buo obeŋi arai ihuo nyia; itte iyye inyurana agesemi hosi. 3Amijak ni adihan iko arumana hoi ettigemita te eram fure hoŋ, buo ibeŋ ihorok. 4Ati eloŋojita ni jihoi te eram ana: Idehi iyye ihuania etabuorio taji jihoŋ, ninyia owon 'to jihoi tetteri. 5Ogilu amanya hoi ninyia oyyu 'to bebe; hèbeŋ iyye iyyau! Idehi eyyata hoi, ihanie erre hunyia ihanio iyye tetteri. Elle ibeŋ iyye idehi eyyata hoi, attu adi ni jihoi iduhari etawoji 'lomo hoi addi to maji honyi. 6Ati eram onno oyyu 'to jihoi ana: Iliwari iyye ehanita waati Nikolaus ihuo ani.

7 # Eta 22:2 “Alla awoni ayyaha jihoi, itaniŋie eram enne ikiana Oloholio jio eluluŋi heruhok!

“Jio hia, hulle itatturi 'to egoliti huno neyyau, aŋatak adi ni isi oŋiye eŋija 'yani ono nesu, onno owon 'to iginana Hollum.

Asayyo jio Eluluŋ Heruhok otto Simirna

8 # Eta 1:17; 22:13 “Igiorok erre huna jio ajilo olo eluluŋ heruhok otto Simirna jio:

“Asayyo huna hunne ifahu lia, alla ara 'to etteri iko ecuŋi, linyia oye 'to ette inyiak isu. 9Amijak ni ettigemita iko elociaŋ hoi, ati isam iyye! Amijak ni etisiahita hunne itisiahiniere iyye aati hullo ojiori 'to jio, isi Yudei buo obeŋi arai ahode. Isi hulia, aati hutte iluluŋ Sittan! 10Hèbaŋata ettigemio onno olo 'to iduoŋ jihatai. Imijie! Ottu adi Olorroho ibironia omuk jihatai ibabus ikemiere itai. Oŋitek 'tomon, owon adi ettigemio jihatai. Iyihina jihoŋ many iye, nyio, esio adi ni jihatai nesiorio ono nesu.

11 # Eta 20:14; 21:8 “Alla awoni ayyaha jihoi, itaniŋie eram enne ikiana Oloholio jio eluluŋi heruhok!

“Hia, hulle itatturi 'to egoliti huno neyyau, obeŋ adi naye etarrihi#2:11 Naye etarrihi : ikiana inyi te eram tulo elle itamuhini iko oloholio honyi 'daŋ. iriafu isi.

Asayyo jio Eluluŋ Heruhok otto Pergamum

12“Igiorok erre huna jio ajilo olo eluluŋ heruhok otto Pergamum jio:

“Asayyo huna hunne ifahu lia, ollo owon 'to iko ademi erremit onno ofi 'to aŋacio arrihai. 13Amijak ni amaji enne imanyari iyye, inyi amaji anna awanari aseger ilohittok Sittan; ati igottiere iyye afure hoŋ. Ibeŋ nyia iyye ibusak neruk hoi nani, duadi bu to ninyia ottohiniere Antipas, egiamani hoŋ oloyijio, dinia, imaji anna amanyari Sittan. 14Ati owoni omuk erre kai hunne eloŋojitari ni jihoi. Owoni omuk aati ihiji hatai hulle iruhi nettiyenita Balaam, linyia ittiyanak 'to Balak irihori aati Israele iyyau. Isusuhi nyia inyi isi iŋiyere erre hunne isiori jio arrijiorita jiohin, buo fe ihaniere erre somon. 15Ihuo nyia buo fe, owoni omuk hulatai hulle iruhi ettiyenita huno lejifak Nikolaus. 16Ihuania, idehina eyyata hatai. Elle ibiaŋata itai idehina eyyata hatai, attu adi ni kuak jihatai irriomoniere iko aati hia ta ademi erremit otto hutuk hoŋ.

17“Alla awoni ayyaha jihatai, itaniŋiete eram enne ikiana Oloholio jio eluluŋi heruhok!

“Jio hia, hulle itatturi 'to egoliti huno neyyau, esio adi ni aŋiria enne idimani anna anya manaa. Esio adi ni buo fe jihosi amoruo anaboŋ, enne ikiafanierek afure aŋejuk onno obeŋ tulo omijak, arari fe lia elle ifuotu 'to inyi.

Asayyo jio Eluluŋ Heruhok otto Tiatira

18“Igiorok erre huna jio ajilo olo eluluŋ heruhok otto Tiatira jio:

“Asayyo huna, hunne ifahu Lonyi Hollum, ollo owulori oŋite ihuo eema, buo eejek honyi opipiahi ihuo abilata onno opoti. 19Amijak ni ehanita hoi. Amijak ni abuaran taji hoi, neruk hoi, egiama hoi iko nadihan hoi. Amijak ni jio, igiama iyye agalik ninyia tetteri. 20Ati eram ana enne eloŋojitari ni jihatai, ta adihan hatai aŋotte ania, Jesebel, onno ojio 'to jio ara inyi a hekianani Hollum. Te ettiyenita honyi, itisiaba inyi egiamak hoŋ ihaniere erre somon buo fe iŋiyere erre hunne isiarani jio arrijiorita jiohin. 21Esiarak nyia ni jihonyi oŋitek idehiniere eyyata honyi, ati, obeŋ inyi iruk edehina erre somon huttononyi. 22Tania, abuarak adi ni inyi ijiara ififiata ijotit, buo hia hulle ihanie 'to erre somon ikonyi onyurani ettigemio onno orroho, arari fe elle idehini isi ehanio hirre hunno orrohoji 'to, hunne ihanie isi ikonyi. 23Attoho adi ni ejifak honyi, buo eluluŋi heruhok 'daŋ ette imijana jio, ani alia alla amijak 'to egigilita iko ewahiti waati 'daŋ ababo. Esio adi ni jihatai 'daŋ ababo erre hunno osiruni 'to te ehanita hatai.

24“Ati jihatai aati Tiatira hullomuk, hulle ibiaŋata 'to ijifatiete nettiyenita hunno orrohoji 'to hunia; itai hulle hèbiaŋata 'to ittiyenuna erre hunne iloŋoi aati hullomuk ‘Erre Sittan hunno oddiŋi 'to’, ajio ni jihatai jio, abeŋ adi ni enyiak ifuanana obo ettigemio jihatai. 25Ati ogolihina jio erre hunno owoni 'to jihatai many attuniere ni. 26-27Jio hia, hulle itatturi 'to egoliti huno neyyau, hia hullo odulori 'to many isidi ehanio erre hunna awak ni, attu adi ni isiarana jihosi elohittok ninyia efuotu ni jio Monyoŋ. Esiarak adi ni jihosi agolon ilohittohori ifauhien 'daŋ obeŋ amehino, buo fe ibiboriere isi sar sar ihuo atobuaha. 28Esiarak adi ni buo fe jihosi elelef otto taŋatio motie.

29“Alla awoni ayyaha jihoi, itaniŋie eram enne ikiana Oloholio jio eluluŋi heruhok!

Currently Selected:

ETALEYEHINA 2: EA2003

Highlight

Copy

Compare