Filipi 1
1
1 #
Ehanita 16:12
Ani alia Paulo iko Timoteyo; hohoi egiamak Kristo Yesu —
Jio aati Hollum 'daŋ hutto Filipi hulle inosoi 'to iko Kristo Yesu, 'daŋ iko jio elettaha buo aluak iluluŋ heruhok:
2Ijiara Hollum Monye hohoi, iko Yesu Kristo Lamonye, isiarani jihatai ayiji iko elik tajia!
Omojo Paulo te Eruhok hutto Filipi
3Esiaratta ni ahumo jio Hollum hoŋ, oŋitek 'daŋ elle egigilo ni te itai. 4Amojotio buo fe ni ta amuno oŋitek 'daŋ, alla amojo ni te itai 'daŋ, 5nyio, iluahata nyia itai ani bebe ittittoyere asayyo ayijok, tetteri many iko ahana. 6Tania, amijak ni luŋa jio, Hollum linyia itter 'to esiarana jihatai egiama honyi onno oyyu 'to ania, odulo adi buo fe inyi awanan ikatai many ituhoniette itai egiama ania jio Oloŋ onno ocohuniere Kristo Yesu. 7Iduloro itai itaji hoŋ! Inyi luŋa onno obisari inyi jihoŋ igigilori tetai ihuo nyia. Nyio, ninyia esiyere ni asayyo ayijok hunne ettittoyo ni ihuania ibabus, iluahata nyia itai 'daŋ ani jio egiama ania enne isiarak Hollum jihoŋ. 8Hode, omijak luŋa Hollum jio, amuno ni itai bebe, ihuo onno omunori Kristo Yesu itai.
9Amojo ni jio ijiara etabuorio tajia hatai obobolororo, buo fe oŋida iwanata iko elofioro buo amijana, 10ihaniere erre ayijok; ittata rahan aliborok buo fe ibiaŋata iwanata iko obo epali jio Noloŋ onno ocohuniere Kristo. 11Ifut adi amanya hatai iko ehanita ayijok hunno ofuonni 'to jio Yesu Kristo, iyaŋuniere akuatan iko etahabuyo jio Hollum.
Amanya to Yesu
12Illarak iko haniyarak hoŋ, awak ni itai imijana jio aluahi luŋa erre hunyia iduoŋi 'to jihoŋ, itisarrahiniere asayyo ayijok. 13#Ehanita 28:30Tania, amijani erririak iko aati hullomuk 'daŋ jio, efita ni ibabus dini te eram Kristo. 14Iyaŋuno buo fe efita hoŋ arriai heruhok iyihiniere jio Lamonye; ania, ihumarik atajia hosi golon ittittoyere asayyo#1:14 asayyo : ojiori omuk egierita jio, asayyo Hollum. oŋitek 'daŋ, obeŋi abaŋi.
15Hode, ittittoye omuk hulosi eram Kristo ta ahaini iko te ehutuk; buo hullomuk ittittoye ta ayiji tajia. 16Ittittoye huttehalu hulo ta abuaran tajia, nyio, omijani isi jio ihanak Hollum ani dini ifayere asayyo ayijok. 17Buo hulla ahaini 'to jihohoi ittittoye eram Kristo te ewahiti hutto tajia hosi. Odulori isi egigilo ifonihiniere ettigemita jihoŋ buo ni hawon ibabus.
18Orriama 'daŋ! Duadi bu ittittoye eram Kristo ta atajia hunne ipali kuyya hunno obisi; ariŋ onno oyyu 'to, ittittoye eram honyi te ekotia 'daŋ. Eram ania onno odulori amuno itua hoŋ, 19nyio, amijak ni jio italuahuni adi ani te emojiti hatai iko ta aluahio onno ottu 'to jio Oloholio Yesu Kristo. 20Awak luŋa atua hoŋ jio hèlaha nani etarroho egiama hoŋ. Duadi bu esu kuyya aye ni, awak ni luŋa jio ijiara ataji hoŋ odulo agolon ihuo enne ihumari inyi igolori ihuania; oŋida ani eyaŋuno akuatan jio Kristo ta amanya hoŋ 'daŋ. 21Ara amanya hoŋ to Kristo, buo alla attohori ani, oluak adi aye hoŋ itisarrahiniere asayyo ayijok. 22Buo alla adulo esu hoŋ iyaŋutta jihoŋ ehanio egiama onno oyyu, atimo ni anani adi anna anyimu tehiji hosi. 23Ettidani ani erre huna arrihai hunia. Awak duo ni luŋa idiaharu afau ana iwanari iko Kristo; ariŋ ania onno oyyu 'to bebe. 24Ati, te eram hatai, oyyu bebe alla adulo ni esu. 25Inyi anna amijaniere ni luŋa jio, adulo adi ni ikatai 'daŋ iluahiere itai ahosiere, oŋida iwanata iko amuno onno obolo jio neruk hatai; 26oŋida bati etadara hatai obolo bebe te enoso hatai iko Kristo Yesu to ni, elle enyiak ni ittuna jihatai.
27Tania, amanyati luŋa amanya onno osiru 'to ta asayyo ayijok huno Kristo; duadi bu alo ni imijuno itai kuyya obeŋ, oŋida bati ani etayiru jio ara egigilo hatai abotie, igiamati arabotie, buo fe ipuloti arabotie te eruk hatai asayyo ayijok. 28Hèbaŋata amiorok hatai; oduloro etagolio tajia. Itahutak adi ania jihosi jio, onyurani adi isi ettigemio, buo itai inyurana etalahuno. Hollum adi ihan eram ania. 29Itasiru Hollum itai amiji, igiamari jio Kristo; te neruk jihonyi iko ta arumana ettigemita te eram honyi. 30#Ehanita 16:19-40Ihuania, owotiati ikoŋ jio arrem ania. Inyi ania arrem ninyia igonyuna itai ani arrem berien, buo fe itaniŋuna jio harasa ni irrem.
Currently Selected:
Filipi 1: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Filipi 1
1
1 #
Ehanita 16:12
Ani alia Paulo iko Timoteyo; hohoi egiamak Kristo Yesu —
Jio aati Hollum 'daŋ hutto Filipi hulle inosoi 'to iko Kristo Yesu, 'daŋ iko jio elettaha buo aluak iluluŋ heruhok:
2Ijiara Hollum Monye hohoi, iko Yesu Kristo Lamonye, isiarani jihatai ayiji iko elik tajia!
Omojo Paulo te Eruhok hutto Filipi
3Esiaratta ni ahumo jio Hollum hoŋ, oŋitek 'daŋ elle egigilo ni te itai. 4Amojotio buo fe ni ta amuno oŋitek 'daŋ, alla amojo ni te itai 'daŋ, 5nyio, iluahata nyia itai ani bebe ittittoyere asayyo ayijok, tetteri many iko ahana. 6Tania, amijak ni luŋa jio, Hollum linyia itter 'to esiarana jihatai egiama honyi onno oyyu 'to ania, odulo adi buo fe inyi awanan ikatai many ituhoniette itai egiama ania jio Oloŋ onno ocohuniere Kristo Yesu. 7Iduloro itai itaji hoŋ! Inyi luŋa onno obisari inyi jihoŋ igigilori tetai ihuo nyia. Nyio, ninyia esiyere ni asayyo ayijok hunne ettittoyo ni ihuania ibabus, iluahata nyia itai 'daŋ ani jio egiama ania enne isiarak Hollum jihoŋ. 8Hode, omijak luŋa Hollum jio, amuno ni itai bebe, ihuo onno omunori Kristo Yesu itai.
9Amojo ni jio ijiara etabuorio tajia hatai obobolororo, buo fe oŋida iwanata iko elofioro buo amijana, 10ihaniere erre ayijok; ittata rahan aliborok buo fe ibiaŋata iwanata iko obo epali jio Noloŋ onno ocohuniere Kristo. 11Ifut adi amanya hatai iko ehanita ayijok hunno ofuonni 'to jio Yesu Kristo, iyaŋuniere akuatan iko etahabuyo jio Hollum.
Amanya to Yesu
12Illarak iko haniyarak hoŋ, awak ni itai imijana jio aluahi luŋa erre hunyia iduoŋi 'to jihoŋ, itisarrahiniere asayyo ayijok. 13#Ehanita 28:30Tania, amijani erririak iko aati hullomuk 'daŋ jio, efita ni ibabus dini te eram Kristo. 14Iyaŋuno buo fe efita hoŋ arriai heruhok iyihiniere jio Lamonye; ania, ihumarik atajia hosi golon ittittoyere asayyo#1:14 asayyo : ojiori omuk egierita jio, asayyo Hollum. oŋitek 'daŋ, obeŋi abaŋi.
15Hode, ittittoye omuk hulosi eram Kristo ta ahaini iko te ehutuk; buo hullomuk ittittoye ta ayiji tajia. 16Ittittoye huttehalu hulo ta abuaran tajia, nyio, omijani isi jio ihanak Hollum ani dini ifayere asayyo ayijok. 17Buo hulla ahaini 'to jihohoi ittittoye eram Kristo te ewahiti hutto tajia hosi. Odulori isi egigilo ifonihiniere ettigemita jihoŋ buo ni hawon ibabus.
18Orriama 'daŋ! Duadi bu ittittoye eram Kristo ta atajia hunne ipali kuyya hunno obisi; ariŋ onno oyyu 'to, ittittoye eram honyi te ekotia 'daŋ. Eram ania onno odulori amuno itua hoŋ, 19nyio, amijak ni jio italuahuni adi ani te emojiti hatai iko ta aluahio onno ottu 'to jio Oloholio Yesu Kristo. 20Awak luŋa atua hoŋ jio hèlaha nani etarroho egiama hoŋ. Duadi bu esu kuyya aye ni, awak ni luŋa jio ijiara ataji hoŋ odulo agolon ihuo enne ihumari inyi igolori ihuania; oŋida ani eyaŋuno akuatan jio Kristo ta amanya hoŋ 'daŋ. 21Ara amanya hoŋ to Kristo, buo alla attohori ani, oluak adi aye hoŋ itisarrahiniere asayyo ayijok. 22Buo alla adulo esu hoŋ iyaŋutta jihoŋ ehanio egiama onno oyyu, atimo ni anani adi anna anyimu tehiji hosi. 23Ettidani ani erre huna arrihai hunia. Awak duo ni luŋa idiaharu afau ana iwanari iko Kristo; ariŋ ania onno oyyu 'to bebe. 24Ati, te eram hatai, oyyu bebe alla adulo ni esu. 25Inyi anna amijaniere ni luŋa jio, adulo adi ni ikatai 'daŋ iluahiere itai ahosiere, oŋida iwanata iko amuno onno obolo jio neruk hatai; 26oŋida bati etadara hatai obolo bebe te enoso hatai iko Kristo Yesu to ni, elle enyiak ni ittuna jihatai.
27Tania, amanyati luŋa amanya onno osiru 'to ta asayyo ayijok huno Kristo; duadi bu alo ni imijuno itai kuyya obeŋ, oŋida bati ani etayiru jio ara egigilo hatai abotie, igiamati arabotie, buo fe ipuloti arabotie te eruk hatai asayyo ayijok. 28Hèbaŋata amiorok hatai; oduloro etagolio tajia. Itahutak adi ania jihosi jio, onyurani adi isi ettigemio, buo itai inyurana etalahuno. Hollum adi ihan eram ania. 29Itasiru Hollum itai amiji, igiamari jio Kristo; te neruk jihonyi iko ta arumana ettigemita te eram honyi. 30#Ehanita 16:19-40Ihuania, owotiati ikoŋ jio arrem ania. Inyi ania arrem ninyia igonyuna itai ani arrem berien, buo fe itaniŋuna jio harasa ni irrem.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003