Efeso 6
6
Aduri iko Esiok Hosi
1 #
Kol 3:20
Aduri, abaŋata esiok hatai; nyio, ariŋ ania onno osiru 'to jihatai ihaniere ta arahan hatai a Kristiani#6:1 Obeŋi omuk egierita owoni iko, ihaniere ta arahan hatai a Kristiani.. 2“Abaŋa monyohoi iko honyohoi”, efahi ania etteri onno owon 'to iko ecorit onno ojio 'to jio, 3“Oŋida erre 'daŋ oyiji jihoi, buo fe oŋida bati iyye imanya fur ifau ana.”
4 #
Kol 3:21
Hèlaha itai esiok ihaniete erre hunne iyaŋunie 'to eloŋojita jio aduri hatai. Ati itaboloruna isi te emanyiti iko te ettiyenita huno Kristiani.
Apiti iko Hiamonyie Hosi
5 #
Kol 3:22-25
Apiti, oniŋiete luŋa hiamonyie hatai hutta afau ana ta abaŋi onno obolo 'to bebe. Ta atajia hatai 'daŋ, oniŋiete luŋa isi ihuo enne iniŋiete itai Kristo. 6Oduloro aniŋio isi oŋitek 'daŋ, obiaŋara jio elle irririai isi itai, kuyya itamunoyere isi. Ati, ta arahan hatai a hegiamak Kristo, ihaniete luŋa erre 'daŋ hunna awak Hollum ta atajia hatai 'daŋ. 7Igiamati ta amuno, ihuo elle igiamati itai jio Lamonye, buo obiaŋara jio aati. 8Omijana jio, duadi bu ira iyye apit kuyya obeŋ, olo adi Lamonye isiarana jihohoi 'daŋ ababo esiorita te ehanio onno oyyu.
9 #
Kol 3:25; 4:1 Hiamonyie, ihaniete buo fe ihuo nyia jio apiti hatai; hètabaŋiete isi. Omijana jio, irata itai iko apiti hatai 'daŋ a hulo Lamonye abotie, ettedou, ollo obeŋ owon iko egigia.
Arriomonio iko Egoliti Huno Neyyau
10Isidi 'daŋ, ijiara aduaran iko agolon ono Lamonye itagol itai. 11Iduhuna erremiti 'daŋ hunne isiarak Hollum jihatai irriomori iko Sittan, oŋida bati iremehina iwojuna enyobita honyi. 12Nyio, ebeŋ erriomonio iko aati, ati erriomonio iko aminiaŋa hunno orrohoji 'to buo ajiohin hunno ogoli 'to, hunne ilohittohi 'to ihiji edou iko afau; isi hunia egoliti hunno owoni 'to jio oŋitek huna huno edumele. 13Ihuania, iduhuna erremiti 'daŋ hunne isiarak Hollum, oŋida iremehina iwojuna erumonia miorok itai, alla attu oloŋ erroho. Irasati adi itai imaji hatai, elle iwojuna itai afere ania many lisidi.
14Tania, ihuhumata ahuattek. Ijiara elahode ara ihuo agas onno ottodoni ihuluk, buo abisan ara ihuo abilata enne iyyafani isuhe; 15buo awahan ittittoyere Asayyo Ayijok hunne iyaŋunie 'to nelik taji, ara ihuo amuha. 16Oŋitek 'daŋ ijiara eruk hatai ara ihuo abuhu, oŋida iremehina igeruna awwa 'daŋ hunno owulori 'to ahima, hunno oŋoru Olorroho. 17Ijiara etalahuno enne ifuotuna itai jio Hollum ara ihuo olohuluk, buo ekiana Hollum enne isiarak Oloholio jihatai ara ihuo ademi erremit. 18Ihaniete erre hunia 'daŋ ta amojo; omojuna aluahio jio Hollum. Oduloro imojo ihuo iyyahatio Oloholio itai. Te eram ania, ihumata mijio, hèhoronia. Omojoti ta aati Hollum 'daŋ. 19Omojoti buo fe toni, oŋida bati Hollum itahutak jihoŋ ariŋ anna alo ni ikiana ta agolon taji, italeyehiniere eram Sayyo Ayijok, eram anna agalik 'to ofioro tulo. 20Ifahini nyia nani igiamari te eram ono Asayyo Ayijok, duadi bu efita ni ihuania ibabus. Omojoti jio, ijiara ataji hoŋ ogol ikianari asayyo ayijok ihuo aremik ni.
Efonyita Etisidita
21 #
Ehanita 20:4; 2Tim 4:12 #
Kol 4:7-8
Olo adi illa hohoi, Tikikos, iramana eram hoŋ 'daŋ jihatai, oŋida bati imijana awon ni aŋai. Inyi egiamani oloyijio, elle igiama 'to jio Lamonye ihuo hohoi. 22Inyi eram ania enne efahiniere ni inyi jihatai, itagoliere itai buo fe iramaniere itai owon amanya hohoi aŋai.
23Ijiara Hollum Monye iko Yesu Kristo, Lamonye, isiarani jio Kristiani 'daŋ, elik iko abuaran tajia buo neruk. 24Ijiara ayiji taji hatawana jio hia 'daŋ, hullo obuori atajia hosi Yesu Kristo, Lamonye, ta abuaran taji onno osio 'to 'tulaŋ.
Currently Selected:
Efeso 6: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Efeso 6
6
Aduri iko Esiok Hosi
1 #
Kol 3:20
Aduri, abaŋata esiok hatai; nyio, ariŋ ania onno osiru 'to jihatai ihaniere ta arahan hatai a Kristiani#6:1 Obeŋi omuk egierita owoni iko, ihaniere ta arahan hatai a Kristiani.. 2“Abaŋa monyohoi iko honyohoi”, efahi ania etteri onno owon 'to iko ecorit onno ojio 'to jio, 3“Oŋida erre 'daŋ oyiji jihoi, buo fe oŋida bati iyye imanya fur ifau ana.”
4 #
Kol 3:21
Hèlaha itai esiok ihaniete erre hunne iyaŋunie 'to eloŋojita jio aduri hatai. Ati itaboloruna isi te emanyiti iko te ettiyenita huno Kristiani.
Apiti iko Hiamonyie Hosi
5 #
Kol 3:22-25
Apiti, oniŋiete luŋa hiamonyie hatai hutta afau ana ta abaŋi onno obolo 'to bebe. Ta atajia hatai 'daŋ, oniŋiete luŋa isi ihuo enne iniŋiete itai Kristo. 6Oduloro aniŋio isi oŋitek 'daŋ, obiaŋara jio elle irririai isi itai, kuyya itamunoyere isi. Ati, ta arahan hatai a hegiamak Kristo, ihaniete luŋa erre 'daŋ hunna awak Hollum ta atajia hatai 'daŋ. 7Igiamati ta amuno, ihuo elle igiamati itai jio Lamonye, buo obiaŋara jio aati. 8Omijana jio, duadi bu ira iyye apit kuyya obeŋ, olo adi Lamonye isiarana jihohoi 'daŋ ababo esiorita te ehanio onno oyyu.
9 #
Kol 3:25; 4:1 Hiamonyie, ihaniete buo fe ihuo nyia jio apiti hatai; hètabaŋiete isi. Omijana jio, irata itai iko apiti hatai 'daŋ a hulo Lamonye abotie, ettedou, ollo obeŋ owon iko egigia.
Arriomonio iko Egoliti Huno Neyyau
10Isidi 'daŋ, ijiara aduaran iko agolon ono Lamonye itagol itai. 11Iduhuna erremiti 'daŋ hunne isiarak Hollum jihatai irriomori iko Sittan, oŋida bati iremehina iwojuna enyobita honyi. 12Nyio, ebeŋ erriomonio iko aati, ati erriomonio iko aminiaŋa hunno orrohoji 'to buo ajiohin hunno ogoli 'to, hunne ilohittohi 'to ihiji edou iko afau; isi hunia egoliti hunno owoni 'to jio oŋitek huna huno edumele. 13Ihuania, iduhuna erremiti 'daŋ hunne isiarak Hollum, oŋida iremehina iwojuna erumonia miorok itai, alla attu oloŋ erroho. Irasati adi itai imaji hatai, elle iwojuna itai afere ania many lisidi.
14Tania, ihuhumata ahuattek. Ijiara elahode ara ihuo agas onno ottodoni ihuluk, buo abisan ara ihuo abilata enne iyyafani isuhe; 15buo awahan ittittoyere Asayyo Ayijok hunne iyaŋunie 'to nelik taji, ara ihuo amuha. 16Oŋitek 'daŋ ijiara eruk hatai ara ihuo abuhu, oŋida iremehina igeruna awwa 'daŋ hunno owulori 'to ahima, hunno oŋoru Olorroho. 17Ijiara etalahuno enne ifuotuna itai jio Hollum ara ihuo olohuluk, buo ekiana Hollum enne isiarak Oloholio jihatai ara ihuo ademi erremit. 18Ihaniete erre hunia 'daŋ ta amojo; omojuna aluahio jio Hollum. Oduloro imojo ihuo iyyahatio Oloholio itai. Te eram ania, ihumata mijio, hèhoronia. Omojoti ta aati Hollum 'daŋ. 19Omojoti buo fe toni, oŋida bati Hollum itahutak jihoŋ ariŋ anna alo ni ikiana ta agolon taji, italeyehiniere eram Sayyo Ayijok, eram anna agalik 'to ofioro tulo. 20Ifahini nyia nani igiamari te eram ono Asayyo Ayijok, duadi bu efita ni ihuania ibabus. Omojoti jio, ijiara ataji hoŋ ogol ikianari asayyo ayijok ihuo aremik ni.
Efonyita Etisidita
21 #
Ehanita 20:4; 2Tim 4:12 #
Kol 4:7-8
Olo adi illa hohoi, Tikikos, iramana eram hoŋ 'daŋ jihatai, oŋida bati imijana awon ni aŋai. Inyi egiamani oloyijio, elle igiama 'to jio Lamonye ihuo hohoi. 22Inyi eram ania enne efahiniere ni inyi jihatai, itagoliere itai buo fe iramaniere itai owon amanya hohoi aŋai.
23Ijiara Hollum Monye iko Yesu Kristo, Lamonye, isiarani jio Kristiani 'daŋ, elik iko abuaran tajia buo neruk. 24Ijiara ayiji taji hatawana jio hia 'daŋ, hullo obuori atajia hosi Yesu Kristo, Lamonye, ta abuaran taji onno osio 'to 'tulaŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003