Filimon 1

1Ani alia Paulo, elle efita 'to ibabus te eram Kristo Yesu. Ani alia iko illa hohoi Timoteyo.

Egiorok hohoi awaraga ana jio illa hohoi Felimon egiamani ihuo hohoi 2#Kol 4:17iko jio eluluŋ heruhok onno ottubatio 'to ihaŋ hoi, buo fe jio haniye hohoi Appiya iko Arkipos ollo odik 'to egiama bebe ihuo hohoi.

3Ijiara Hollum Monye hohoi iko Yesu Kristo, Lamonye hohoi isiarani jihatai ayiji tajia iko elik tajia.

Abuaran taji iko Neruk Felimon

4Esiorio ni ahumo jio Hollum buo fe agilutta iyye, Felimon, alla amojo ni, 5nyio, etaniŋu ni abuaran taji hoi aati Hollum 'daŋ iko eruk hoi jio Yesu, Lamonye. 6Amojo buo fe ni jio, ijiara etoŋo hohoi arabotie ikoye a heruhok iyaŋuno jihohoi amijana ono ayiji 'daŋ te enoso iko Kristo. 7Nyio, illaŋ, iyaŋuno abuaran taji hoi jihoŋ amuno onno obolo iko elik tua! Itamuno iyye aati Hollum 'daŋ.

Attana te Eram Onesimo

8Te eram ania, aremik duo ni iŋerejanio iyye ihuo lella to Kristo, iramaniere iyye jio, ihanie ihuo ojiori. 9Ati ta abuaran taji hoŋ iyye, attana ni iyye 'tana. Ani Paulo, elle ifahu Kristo, buo fe ihuania efita te eram honyi#v:9 Ani Paulo, elle ifahu Kristo, buo fe ihuania efita te eram honyi : kuyya, ani amaruani elle efita te eram Kristo Yesu.. 10#Kol 4:9Ania, attana ni iyye te eram Onesimo, lonyi hoŋ to Kristo. Nyio, anna awanari ni ihuania ibabus, ara ni jihonyi a monye. 11Berien ibeŋ nyia iyye igonyu obo ayiji jihonyi#v:11 Onesimo: inyi afure te ekiana Grik onno ojio, “Owon iko Ayiji”., ati ihuania, egonyu iyye ikoŋ ayiji honyi.

12Ihuania, enyiaha ni inyi ajihoi; obuor ataji hoŋ inyi bebe. 13Awak duo ni luŋa inyi arasa jihoŋ dini, iluahiere ani imaji hoi buo ni hefita ibabus te eram sayyo ayijok. 14Ati abeŋ ni awak irosonia iyye iluahiere ani. Awak ni ijiara iyye ihan ihuo iwak iyye. Tania, ettallik ni ihanio obo ariŋ arari fe elle iruk iyye.

15Ara hara inyi ninyia obiaŋari Onesimo awanari jihoi obo kai jio, oŋida bati inyi ottu duloro ikoye. 16Ihuania, abeŋ inyi ara apit ijiai, ati agalik inyi apit; ara inyi ella elle emuno bebe to Kristo. Oyyu inyi bebe ta taji hoŋ, ati agalik adi ayiji honyi jihoi bebe; nyio, ara inyi apit hoi buo fe ella hoi to Lamonye.

17Tania, elle imijak iyye jio ira iyye ahegiamani ihuo ani, inyiaha ifuotuna inyi ihuo iremik iyye ifuotuna ani. 18Elle ihan nyia inyi obo epali jihoi kuyya ohuru obo ariŋ jihoi, igiorok ahoros honyi ahonoŋ. 19Ani Paulo, egiorok eram ana ta aani hoŋ: aduma adi ni iyye. (Abeŋ ni awak itagiluna iyye jio, ara amanya hoi a Kristiani toni.) 20Aafe, illaŋ, ihana ariŋ ania jihoŋ te eram Lamonye. Itamuno atua hoŋ ihuo ella to Kristo!

21Enne egiorori ni ana, amijak ni luŋa jio, ihan adi iyye ariŋ anna awak ni. Amijak ni luŋa jio ihan adi iyye erre allaŋari hunna awak ni. 22Oŋida buo fe ihuhumak jihoŋ obo amaji eyirit nyio, eyihi ni jio, te emojiti hatai 'daŋ aŋatani adi ani icohuniere jihatai.

Efonyita Etisidita

23 # Kol 1:7; 4:12 Itifonya itai Epafra elle efita 'to ikoŋ ibabus te eram Kristo Yesu. 24#Ehanita 12:12, 25; 13:13; 15:37-39; 19:29; 27:2; Kol 4:10, 14; 2Tim 4:10, 11Itifonyai buo fe egiamak ihuo nani; isi bo Marko iko Aristakos, buo Demas iko Luka.

25Ijiara ayiji taji ono Yesu Kristo, Lamonye hatawana jihatai 'daŋ.

Currently Selected:

Filimon 1: EA2003

Highlight

Copy

Compare