Yoane 3
3
Yesu iko Nikodemos
1Owon nyia obo olo Farisei alla anya Nikodemos. Ara nyia inyi elettok Yudei. 2Olo nyia inyi jio Yesu nyia arue, ette jiaran, “Hettiyanani, emijak hohoi jio, ira iyye a hettiyanani elle ifahu Hollum, nyio obeŋ tulo oremik ihanio eduariti hunne ihanio iyye hunia, arari fe alla awon Hollum ikonyi.”
3Itarraŋ nyia Yesu inyi ojio, “Hode hode, eramak ni iyye jio, obeŋ tulo ojio egonyu Olobie Hollum, many inyiahi#3:3 inyiahi : kuyya isiunierek inyi tedou. isiuna inyi aŋejuk.”
4Buo Nikodemos ette ifiyo inyi ojio, “Aŋai oremehini inyiak isiuna atulo alla abolo 'to? Ittallik inyi luŋa inyiak ijiŋana ittua hohe honyonyi, ette isiuna inyi enyiahi etarrihi!” 5Itarraŋ nyia Yesu inyi jio, “Hode hode, eramak ni iyye jio, ittallik obo ijiŋana Ilobie Hollum buo hobeŋi isiuni inyi ta aari iko to Oloholio. 6Isiu atulo, atulo; buo Oloholio isiu, Oloholio. 7Hèllilliha, ta ajiaran hoŋ jio, ijiara luŋa inyiahi#3:7 inyiahi : kuyya isiunierek inyi tedou. isiuna iyye. 8Ohut oyyami jio aŋati anna awak inyi. Itaniŋu iyye ettiri honyi, ati ibeŋ iyye imijak ottu inyi tai, kuyya olo inyi ajia. Ara inyi ihuo nyia jio hia 'daŋ hulle isiuni to Oloholio.”
9Buo Nikodemos ette ifiyo inyi ojio, “Aŋai arai erre hunia ihuo nyia?”
10Buo Yesu ette itarraŋ ojio, “Iyye ettiyanani elle ihuu 'to ta fau Israeli, aŋai ti itimo iyye eram ana? 11Hode hode, eramak ni iyye, ekiana hohoi erre hunne emijak hohoi buo fe egonyu, ati obeŋ obo jihatai iruk eram enne ekiana hohoi. 12Elle ibiaŋata itai iruhoto eram erre afau ana, hunne eramak ni jihatai; aŋai 'tadi iruhoto itai erre huttedou, elle eramak ni itai? 13Hobeŋ tulo odok idou arari fe Lonyi Tulo hama, linyia ottu 'to tedou.#3:13 oremihini ekuditi hunia bocioro many ekori 21.”
14Ihuo ninyia oyihaniere Mose arrijiori munu anna ara abilata ihidiofo, ihuo nyia buo fe oyihani adi luŋa Lonyi Tulo ihide; 15jio, oŋida bati hia 'daŋ hulle iruhi 'to jihonyi, owoni iko esu onno osio 'to 'tulaŋ.
16Obuor nyia ataji Hollum afau ana bebe, ania, isiaraniere inyi Lonyi honyi olobotie jio oŋida bati hia hulle iruhi 'to jihonyi obeŋi oye. Ati oŋida owoni iko esu onno osio 'to 'tulaŋ. 17Obeŋ nyia Hollum ifahu Lonyi honyi iŋotoniere epali jio afau ana, ati oŋida bati inyi italahu afau.
18Obeŋi adi oŋotoni epali jio lia, elle iruk 'to jio Lonyi Hollum; buo lia, ollo obeŋ 'to iruk jihonyi, aŋotoni epali jihonyi, nyio iha nyia inyi eruk jio Lonyi Hollum olobotie. 19Ara aŋocio hiram ihua ana: ottu nyia afaŋan ifau, ati omunoi aati awanan idumele, buo obiaŋara ifaŋan nyio, orrohoji ehanita hosi. 20Ihari aati hulle ihanie 'to erre hunno orrohoji 'to afaŋan buo fe obeŋi ofuoi diya, nyio ŋadi ehanita hosi hunno orrohoji 'to asalanie. 21Buo hia hulle ihanie 'to erre hunno obisi 'to ofuonni ifaŋan jio, oŋida bati afaŋan itahutak jio arai nyia ehanita hosi, ta awahan Hollum.
Yesu iko Yoane Etifuotoni Batisimo
22Ihalu erre hunia, ofuoi nyia Yesu iko lejifak honyi iŋati fau ono Yudea, ette itoŋo diya omuk oŋitek, buo itifuocio batisimo jio aati. 23Itifuocio nyia buo fe Yoane batisimo jio aati obo amaji anna anya 'to Ayenon etteger maji anna anya 'to Salim; nyio, obolo nyia aari diya. Ofuonnuttai nyia aati diya, ette ifuotuna batisimo.
24 #
Mat 14:3; Mar 6:17; Luk 3:19-20 (Iduoŋi nyia erre hunia hobeŋi ifitani Yoane ibabus.)
25Odioto nyia olorisa ihiji omuk lejifak Yoane iko obo olo Yudei#3:25 obo olo Yudei : igioroni omuk egierita jio omuk hulo Yudei. te eram ono ehuma ono etaliborio. 26Ania, ette isi ifuatan jio Yoane, ette jiaran, “Hettiyanani, igilu iyye latulo linyia owon 'to ikoye iŋati fohor Yordano tole; latulo linyia ikiana iyye eram honyi? Atulo lia, elle itifuocio batisimo ihuania; afuoi aati 'daŋ jihonyi!”
27Itarraŋ nyia Yoane isi ojio, “Ittallik tulo ifuotuna obo ariŋ many isiaraniere Hollum jihonyi. 28#Yoa 1:20Irata itai a hetamijanak hoŋ, ta anna ajiari ni jio, ‘Obiaŋara nani Olonyimoto, ati ifahuni nani ahosiere honyi.’ 29Ara naŋotte ahono layamani, ati elle itaniŋu orriahata ollo owotia 'to iger hayamani etuk ono ayamani, omuno adi inyi bebe. Tania, attuba atibuo amuno hoŋ. 30Oŋida luŋa olohuo honyi obobolororo, buo onoŋ omumutararu.”
Lia, ollo Ottu 'to Tedou
31Lia, ollo ottu 'to tedou agalik inyi aati 'daŋ. Atulo olo afau ana, ara inyi a holo afau ana, buo fe ikiana te eram ono afau ana; buo lia, ollo ottu 'to tedou, inyi alla agalik 'to 'daŋ. 32Ikiana inyi erre hunne igonyu inyi buo fe itaniŋu; ati obeŋ tulo iruk eram honyi. 33Lia, elle iruk 'to asayyo honyi, iruhok inyi jio ara ekiana Hollum ahode. 34Ikiana efahata Hollum erre huno Hollum; nyio, isiarak Hollum jihonyi Oloholio honyi 'daŋ. 35#Mat 11:27; Luk 10:22Obuor ataji Monye Lonyi honyi, isiaraniere inyi erre 'daŋ ihas Lonyi honyi. 36Lia, elle iruk 'to Lonyi Hollum, owon adi inyi iko nesu onno isio 'to 'tulaŋ; buo lia, ollo omesio 'to Lonyi Hollum, obeŋ adi inyi orumak nesu ania. Arasa adi ajore Hollum jihonyi 'tulaŋ.
Currently Selected:
Yoane 3: EA2003
Highlight
Share
Copy
Want to have your highlights saved across all your devices? Sign up or sign in
© The Bible Society in South Sudan 2003