Yakobo 5

Asario jio Asamak

1Itai asamak, itaniŋiete jihoŋ! Oyyooti buo fe iluluoti te eram ono ettigemita hunno ofuonni 'to jihatai! 2#Mat 6:19Amuyahi esamiti hatai, atuhi buo fe eŋenyuha aboŋojin hatai. 3Atuk oloŋoruo nayyel hatai iko abilat aboŋi. Ara adi oloŋoruo ania asuut enne itisiahinierek itai. Otuk adi inyi ahuattek hatai ihuo eema. Jio oŋitek esidita huna, ifuronia itai esamiti arriai. 4Itayiriete eŋuŋunita ono egiamak matta hatai! Ihara itai adumana isi arobiyaa hosi. Itayiru Hollum, Lamonye, Laduarani, ayyoo ono adioŋok matta hatai. 5Ilobiati itai buo fe imunoti te esamiti afau ana. Itafiriete itai ahuattek hatai ihuo attamoti hullo ofuoi iŋot. 6Iŋotonia itai epali jio abisak, hulle ittallihi 'to iwojuna itai#5:6 hulle ittallihi 'to iwojuna itai : kuyya aati. Obeŋ 'tadi Hollum owoju itai?, ittata ittohoro isi.

Adihan iko Amojo

7Illarak iko haniyarak hoŋ, odihata etila many ottuniere Lamonye. Ike imijata ti aŋai odik aromoni etila aŋidari hirre hunno oromok inyi. Odik inyi etila, tetteri sayo hide many lisidi hide. 8Oŋida buo fe luŋa idihuna ihuo isi. Hèhoronia, nyio, iliaha oloŋ onno ottuniere Lamonye. 9Illarak iko haniyarak hoŋ, hèsulana eram jio obo atulo, oŋida bati Hollum obeŋ oŋot eram hatai. Iliaha aŋotoni hiram attuna. 10Illarak iko haniyarak hoŋ, ijiara ekianak Hollum hunyia ittittoye 'to eram ono Lamonye arai jihatai etamijanita. Odihuni nyia isi ettigemita. 11Hode, eloŋo isi a hamunok ta adihuna hosi. Imijana itai owon nyia adihan ono Job aŋai; buo fe imijana oluak nyia Lamonye inyi aŋai. Ihan nyia Lamonye erre hunia, nyio ifut amehino iko anyalami jihonyi. 12#Mat 5:34-37Illarak iko haniyarak hoŋ, ariŋ anna agalik 'to 'daŋ, hèttuŋoti. Hèttuŋoti luŋa te nedou kuyya ta afau kuyya to obo ariŋ. Ijiatta “aafe” elle iwahata itai jiaran aafe, kuyya “Obeŋ” elle iwahata itai jiaran obeŋ; tania, obeŋ adi Hollum oŋot eram hatai.

13Alla awoni omuk hulatai iko ettigemita, ijiara isi omojoi; buo fe alla awon amuno jio omuk hulatai, ijiara isi idoloi afureta etahabuta. 14#Mar 6:13Alla aŋuai omuk hulatai, ijiara iloŋuni lahou hulo eluluŋ heruhok, oŋida ofuonni imojo tesi, ette iyalana jihosi eyali ta afure ono Lamonye. 15Itaŋida adi amojo ania aŋuak hulia, alla amojoi isi te neruk. Itaŋida adi Lamonye isi, ette ihohina eyyata hunyia ihani isi. 16Tania, opulonia eyyata hatai ihosiere iluluŋ heruhok, omojoti te eram ono eruhok hullomuk, oŋida bati itaŋidari itai. Oduari emojiti huno ayijok buo fe oremehini iluak bebe. 17Ara nyia Elija atulo ihuo hohoi. Omojo nyia inyi bebe jio hèlaha ahide asayo, ette ahide ibiaŋan isayo aŋasi hunihoi iko ayafajin ille. 18Buo ninyia inyiak inyi imojo jio ijiara ahide asayo, ette ahide sayo many isuruni asaŋ 'daŋ ta fau.

19Illarak iko haniyarak hoŋ, elle isiaba obo alatai addi jio nelahode, ijiara luŋa obo jihatai inyiahuno inyi. 20#1Pet 4:8Elle inyiahuna itai eyyani jio ekoi enne ipal 'to, italuahuna adi itai inyi toye; ohohini adi buo fe eyyata honyi arriai.

Currently Selected:

Yakobo 5: EA2003

Highlight

Copy

Compare