Ebrei 8
8
Yesu Ehumani Hohoi elle Ittokon
1Ojio awoyo eram enne ekiana ni ania jio, ewon iko Ehumani elle ittokon, elle itoŋo 'to tetteŋet ono aseger ilohittok ono Hollum Laduarani, ettedou. 2Ara inyi a hehumani elle ittokon Imaji Elibo anna Agalik 'to 'Daŋ, otto tua haji musiama anna ara 'to hode, ninyia oduk Lamonye, buo obiaŋara atulo.
3Onyimuni ehumak hulle ittaha 'daŋ isioriere esiorita iko aciaŋi ehumita jio Hollum, obis buo fe luŋa jio Ehumani hohoi elle ittokon isiaraniere obo ariŋ jio Hollum. 4Alla awon duo inyi ifau dini, obeŋ duo inyi luŋa ara a hehumani, nyio, owoni ehumak hullomuk dini, hullo onyimuni te efahita Yudei isiorie esiorita. 5Igiamai isi ihaji musiama anna ara 'to arrijiori buo fe iyyalu aaji musiama ettedou. Orriama inyi ihuo ninyia ajio Mose aduho Aaji Musiama Elibo, iramak nyia Hollum inyi jio, “Ihuma luŋa ihuhumana inyi ihuo ninyia itahutani jihoi to doŋe.” 6Ati, isiarani jio Yesu ehuma anna agalik 'to bebe ottonosi, ihuo anna agalihiniere emuara ninyia iyaŋuno inyi ihiji Hollum iko aati honyi. Nyio, owotia emuara ania jio ecoriti hunna agalihini 'to ta ayiji.
7Alla abis nyia ecorit etteri, obeŋ duo tulo inyiak iwahan ecorit etarrihi. 8Ati onyurak nyia Hollum epali jio aati honyi ojiari inyi jio,
“Oŋitek hunno ofuonni,
hunna alari ni ihaniere ecorit aŋejuk iko aati Israele buo aati Yudea.
9Obeŋ adi inyi orriama iko ecorit ninyia ehan ni iko hohonyiok hosi
jio noloŋ ninyia amijiere ni isi onno oyyu, ette iyaŋuno isi addi to Masir.
Obeŋi nyia isi odulori aniŋio ecorit ninyia ehan ni ikosi,
ania ayitoniere ni oruoŋ jihosi.
10Ihuania, alo ni ihan ecorit ana iko aati Israele
jio oŋitek huno moi:
Alo adi ni ihanana efahita hoŋ ihossi hosi
buo fe egiorok itajia hosi.
Ara adi ni a Hollum hosi,
buo fe isi arai awaati hoŋ.
11Obeŋ adi obo jihosi inyiak ittiyenio aati hutta haŋ hosi,
Kuyya ikiana jio onyihari honyi jio,
‘Omijana Lamonye.’
Nyio, omijani adi isi 'daŋ ani,
itterio jio olofiaha many jio elettok hosi.
12Edehi adi ni eyyata hosi
buo fe aguoro epalita hosi.”
13Te ekiana Hollum eram ono ecorit aŋejuk ania, itahutak inyi jio imaruak etteri. Buo ariŋ 'daŋ enne imaruak 'to, ara ariŋ asai, iliaha alitohina honyi.
Currently Selected:
Ebrei 8: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Ebrei 8
8
Yesu Ehumani Hohoi elle Ittokon
1Ojio awoyo eram enne ekiana ni ania jio, ewon iko Ehumani elle ittokon, elle itoŋo 'to tetteŋet ono aseger ilohittok ono Hollum Laduarani, ettedou. 2Ara inyi a hehumani elle ittokon Imaji Elibo anna Agalik 'to 'Daŋ, otto tua haji musiama anna ara 'to hode, ninyia oduk Lamonye, buo obiaŋara atulo.
3Onyimuni ehumak hulle ittaha 'daŋ isioriere esiorita iko aciaŋi ehumita jio Hollum, obis buo fe luŋa jio Ehumani hohoi elle ittokon isiaraniere obo ariŋ jio Hollum. 4Alla awon duo inyi ifau dini, obeŋ duo inyi luŋa ara a hehumani, nyio, owoni ehumak hullomuk dini, hullo onyimuni te efahita Yudei isiorie esiorita. 5Igiamai isi ihaji musiama anna ara 'to arrijiori buo fe iyyalu aaji musiama ettedou. Orriama inyi ihuo ninyia ajio Mose aduho Aaji Musiama Elibo, iramak nyia Hollum inyi jio, “Ihuma luŋa ihuhumana inyi ihuo ninyia itahutani jihoi to doŋe.” 6Ati, isiarani jio Yesu ehuma anna agalik 'to bebe ottonosi, ihuo anna agalihiniere emuara ninyia iyaŋuno inyi ihiji Hollum iko aati honyi. Nyio, owotia emuara ania jio ecoriti hunna agalihini 'to ta ayiji.
7Alla abis nyia ecorit etteri, obeŋ duo tulo inyiak iwahan ecorit etarrihi. 8Ati onyurak nyia Hollum epali jio aati honyi ojiari inyi jio,
“Oŋitek hunno ofuonni,
hunna alari ni ihaniere ecorit aŋejuk iko aati Israele buo aati Yudea.
9Obeŋ adi inyi orriama iko ecorit ninyia ehan ni iko hohonyiok hosi
jio noloŋ ninyia amijiere ni isi onno oyyu, ette iyaŋuno isi addi to Masir.
Obeŋi nyia isi odulori aniŋio ecorit ninyia ehan ni ikosi,
ania ayitoniere ni oruoŋ jihosi.
10Ihuania, alo ni ihan ecorit ana iko aati Israele
jio oŋitek huno moi:
Alo adi ni ihanana efahita hoŋ ihossi hosi
buo fe egiorok itajia hosi.
Ara adi ni a Hollum hosi,
buo fe isi arai awaati hoŋ.
11Obeŋ adi obo jihosi inyiak ittiyenio aati hutta haŋ hosi,
Kuyya ikiana jio onyihari honyi jio,
‘Omijana Lamonye.’
Nyio, omijani adi isi 'daŋ ani,
itterio jio olofiaha many jio elettok hosi.
12Edehi adi ni eyyata hosi
buo fe aguoro epalita hosi.”
13Te ekiana Hollum eram ono ecorit aŋejuk ania, itahutak inyi jio imaruak etteri. Buo ariŋ 'daŋ enne imaruak 'to, ara ariŋ asai, iliaha alitohina honyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003