Ebrei 7
7
Melkisedek Ehumani
1Ara nyia Melkisedek a hobu Salem, buo fe ara a hehumani Hollum Elle Illomohi 'to 'Daŋ. Ninyia acohuno Abramo jio arrem ninyia itatturiere inyi obuok hula aŋuan, arraŋu nyia Melkisedek inyi, ette imimit inyi; 2buo Abramo ette isiarana jihonyi aŋati etattomoni ono asaŋ 'daŋ hunyia anyauno inyi. (Ojio etteri woyo hiram ono afure Melkisedek jio, “Hobu olo Abisan”; buo fe anya “Hobu olo Nelik Taji” ta arahan honyi a hobu olo Salem.) 3Obeŋi igioroni jio obo imaji jio, owon nyia Melkisedek iko monye, kuyya honye, kuyya hohonyiok, kuyya oloŋ ninyia isiunierek inyi iko ninyia oyeri inyi. Ara inyi ihuo Lonyi Hollum; odulo inyi arahan a hehumani mak.
4Ike imijata ti elohittok honyi! Isiarak nyia hohonyi hohoi, Abramo, jihonyi aŋati etattomoni ono asaŋ 'daŋ hunyia anyauno inyi to fere. 5Ojiori buo fe efahita jio, ijiara luŋa ehumak hutto woyo ba Lefi omojuttai aŋati etattomoni saŋ jio aati hosi, Israele, duadi bu arai isi buo fe to woyo Abramo. 6Obeŋ nyia Melkisedek ara to woyo Lefi, ati ifuotu nyia inyi aŋati etattomoni jio Abramo, ette imimit inyi; atulo, linyia ifuotu 'to ecoriti Hollum. 7Emijak 'daŋ jio, agalik emimitani lia, elle imimiti. 8Elle ikiana eram ono ehumak hutto woyo ba Lefi, ifuotuttai nyia isi aŋati etattomoni buo ofuoi 'daŋ iye moi; buo Melkisedek ifuotu aŋati etattomoni, atulo elle isu, ihuo ojio abuk Hollum. 9Eremik buo fe jiaran jio, isiarak nyia buo fe Lefi (linyia ifuotuni aati hutto woyo honyi aŋati etattomoni), aŋati etattomoni tottolo Abramo. 10Nyio, howon nyia Lefi ihoto hohonyi honyi Abramo, to ninyia arraŋuniere Melkisedek, Abramo.
11Ifuotuni nyia Israele efahita jio ehumari otto woyo Lefi. Alla abis nyia egiama ono ehumak hutto woyo Lefi, obeŋi duo fe aati inyiahi iwahan obo ehumani jio obo ehumari onno olufa, onno ottu 'to tette ehumari Melkisedek, buo obiaŋara to woyo Arone? 12Nyio, alla alufaji ehumak jio huttoloŋi, ijiara buo fe luŋa efahita olufaji. 13Ikianai erre hunia te eram obo atulo, ollo ottu 'to jio obo awoyo waati hama; inyi Lamonye hohoi. Hobeŋ obo 'tuŋ jio awoyo ania ara a hehumani. 14Omijani aati 'daŋ jio, ottu inyi to woyo Yuda. Obeŋ nyia Mose iliet awoyo ania, to ninyia ikianari inyi eram hehumak.
Obo Ehumani, ihuo Melkisedek
15Asalanio tibuo luŋa eram ania 'tel 'tel; nyio, anyimuni obo ehumani hama alla ara ihuo Melkisedek. 16Obeŋi nyia onyimuni inyi ta agolon ono efahita hunno ojiori 'to jio, ijiara luŋa inyi odetuno jio awoyo ana. Ati, onyimuni nyia inyi ta agolon ono nesu onno osio 'to 'tulaŋ. 17Inyi onno ojio abuk Hollum jio, “Ira adi iyye mak a hehumani, jio ehumari ono Melkisedek.”#7:17 jio ehumari ono Melkisedek (imija Ebrei 5:6). 18Tania, itapuahi efahita eberien, nyio, obeŋi isi ogoli buo fe ofiahaji. 19Nyio, ittallihini nyia efahita Mose itabisana obo ariŋ. Ihuania, isiarani jihohoi eyihina onno oyyu 'to agalik, enne eremihiniere nyihari jio Hollum.
20Ofonik nyia Hollum ettuŋo honyi jio eyihina ania. Obeŋ nyia ettuŋo ania to ninyia ifuotunierek aati hullomuk arahan a hehumak. 21Ati ifuotu nyia Yesu arahan a hehumani te ettuŋo to ninyia ojiari Hollum jihonyi jio,
“Nani Hollum, ta ahuan hoŋ, ettuŋo,
ettallik ni iloit ahou hoŋ:
‘Ira adi iyye a hehumani 'tulaŋ.’ ”
22Itahutak ania jio, Yesu itasiru emuara iko Hollum anna agalik 'to 'daŋ ta ayiji.
23Berien, oluaji nyia ehumak, nyio, ittallik nyia aye iŋatana isi idulori a hehumak. 24Ati isu Yesu 'tulaŋ, tania, ittallik tulo irutana ehuma honyi. 25Inyi luŋa onno oremehiniere inyi italahuniere hia, hullo ofuonni 'to jio Hollum tottolonyi; nyio, isu inyi 'tulaŋ imojori tesi.
26Obis luŋa iwanari iko Ehumani elle ittokon ihua alia; ollo olibo, ollo obeŋ 'to owon iko epali kuyya eyyau; elle igeluni addi tehiji heyyak, ette ikafaru ahide dou. 27Olufa inyi jio ehumak eberien hulle ittaha, hunyia isiarattai 'to ehumita oŋitek 'daŋ, ahosiere te eram ono eyyata hosi attati te eram ono eyyata waati hullomuk. Isiarak nyia inyi ehumi enyiahi abotie ijiai, to ninyia isiaraniere inyi ahuan honyi ehumi. 28Onyimuttai nyia ehumak hulle ittaha te Efahita Mose; aati hulle ittallihini 'to ihanio ariŋ ono oyyu 'to bebe. Ati onyimuni nyia Lonyi te ettuŋo Hollum ninyia ottu 'to ihalu Ifahita. Inyi tibuo alia luŋa ehumani elle ittokon 'tulaŋ, elle ihan 'to ariŋ anna agalik 'to ta ayiji.
Currently Selected:
Ebrei 7: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Ebrei 7
7
Melkisedek Ehumani
1Ara nyia Melkisedek a hobu Salem, buo fe ara a hehumani Hollum Elle Illomohi 'to 'Daŋ. Ninyia acohuno Abramo jio arrem ninyia itatturiere inyi obuok hula aŋuan, arraŋu nyia Melkisedek inyi, ette imimit inyi; 2buo Abramo ette isiarana jihonyi aŋati etattomoni ono asaŋ 'daŋ hunyia anyauno inyi. (Ojio etteri woyo hiram ono afure Melkisedek jio, “Hobu olo Abisan”; buo fe anya “Hobu olo Nelik Taji” ta arahan honyi a hobu olo Salem.) 3Obeŋi igioroni jio obo imaji jio, owon nyia Melkisedek iko monye, kuyya honye, kuyya hohonyiok, kuyya oloŋ ninyia isiunierek inyi iko ninyia oyeri inyi. Ara inyi ihuo Lonyi Hollum; odulo inyi arahan a hehumani mak.
4Ike imijata ti elohittok honyi! Isiarak nyia hohonyi hohoi, Abramo, jihonyi aŋati etattomoni ono asaŋ 'daŋ hunyia anyauno inyi to fere. 5Ojiori buo fe efahita jio, ijiara luŋa ehumak hutto woyo ba Lefi omojuttai aŋati etattomoni saŋ jio aati hosi, Israele, duadi bu arai isi buo fe to woyo Abramo. 6Obeŋ nyia Melkisedek ara to woyo Lefi, ati ifuotu nyia inyi aŋati etattomoni jio Abramo, ette imimit inyi; atulo, linyia ifuotu 'to ecoriti Hollum. 7Emijak 'daŋ jio, agalik emimitani lia, elle imimiti. 8Elle ikiana eram ono ehumak hutto woyo ba Lefi, ifuotuttai nyia isi aŋati etattomoni buo ofuoi 'daŋ iye moi; buo Melkisedek ifuotu aŋati etattomoni, atulo elle isu, ihuo ojio abuk Hollum. 9Eremik buo fe jiaran jio, isiarak nyia buo fe Lefi (linyia ifuotuni aati hutto woyo honyi aŋati etattomoni), aŋati etattomoni tottolo Abramo. 10Nyio, howon nyia Lefi ihoto hohonyi honyi Abramo, to ninyia arraŋuniere Melkisedek, Abramo.
11Ifuotuni nyia Israele efahita jio ehumari otto woyo Lefi. Alla abis nyia egiama ono ehumak hutto woyo Lefi, obeŋi duo fe aati inyiahi iwahan obo ehumani jio obo ehumari onno olufa, onno ottu 'to tette ehumari Melkisedek, buo obiaŋara to woyo Arone? 12Nyio, alla alufaji ehumak jio huttoloŋi, ijiara buo fe luŋa efahita olufaji. 13Ikianai erre hunia te eram obo atulo, ollo ottu 'to jio obo awoyo waati hama; inyi Lamonye hohoi. Hobeŋ obo 'tuŋ jio awoyo ania ara a hehumani. 14Omijani aati 'daŋ jio, ottu inyi to woyo Yuda. Obeŋ nyia Mose iliet awoyo ania, to ninyia ikianari inyi eram hehumak.
Obo Ehumani, ihuo Melkisedek
15Asalanio tibuo luŋa eram ania 'tel 'tel; nyio, anyimuni obo ehumani hama alla ara ihuo Melkisedek. 16Obeŋi nyia onyimuni inyi ta agolon ono efahita hunno ojiori 'to jio, ijiara luŋa inyi odetuno jio awoyo ana. Ati, onyimuni nyia inyi ta agolon ono nesu onno osio 'to 'tulaŋ. 17Inyi onno ojio abuk Hollum jio, “Ira adi iyye mak a hehumani, jio ehumari ono Melkisedek.”#7:17 jio ehumari ono Melkisedek (imija Ebrei 5:6). 18Tania, itapuahi efahita eberien, nyio, obeŋi isi ogoli buo fe ofiahaji. 19Nyio, ittallihini nyia efahita Mose itabisana obo ariŋ. Ihuania, isiarani jihohoi eyihina onno oyyu 'to agalik, enne eremihiniere nyihari jio Hollum.
20Ofonik nyia Hollum ettuŋo honyi jio eyihina ania. Obeŋ nyia ettuŋo ania to ninyia ifuotunierek aati hullomuk arahan a hehumak. 21Ati ifuotu nyia Yesu arahan a hehumani te ettuŋo to ninyia ojiari Hollum jihonyi jio,
“Nani Hollum, ta ahuan hoŋ, ettuŋo,
ettallik ni iloit ahou hoŋ:
‘Ira adi iyye a hehumani 'tulaŋ.’ ”
22Itahutak ania jio, Yesu itasiru emuara iko Hollum anna agalik 'to 'daŋ ta ayiji.
23Berien, oluaji nyia ehumak, nyio, ittallik nyia aye iŋatana isi idulori a hehumak. 24Ati isu Yesu 'tulaŋ, tania, ittallik tulo irutana ehuma honyi. 25Inyi luŋa onno oremehiniere inyi italahuniere hia, hullo ofuonni 'to jio Hollum tottolonyi; nyio, isu inyi 'tulaŋ imojori tesi.
26Obis luŋa iwanari iko Ehumani elle ittokon ihua alia; ollo olibo, ollo obeŋ 'to owon iko epali kuyya eyyau; elle igeluni addi tehiji heyyak, ette ikafaru ahide dou. 27Olufa inyi jio ehumak eberien hulle ittaha, hunyia isiarattai 'to ehumita oŋitek 'daŋ, ahosiere te eram ono eyyata hosi attati te eram ono eyyata waati hullomuk. Isiarak nyia inyi ehumi enyiahi abotie ijiai, to ninyia isiaraniere inyi ahuan honyi ehumi. 28Onyimuttai nyia ehumak hulle ittaha te Efahita Mose; aati hulle ittallihini 'to ihanio ariŋ ono oyyu 'to bebe. Ati onyimuni nyia Lonyi te ettuŋo Hollum ninyia ottu 'to ihalu Ifahita. Inyi tibuo alia luŋa ehumani elle ittokon 'tulaŋ, elle ihan 'to ariŋ anna agalik 'to ta ayiji.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003