Ebrei 2

Etalahuno anna Agalik 'to

1Tania, ijiara luŋa ehum igottiere erre hunyia etaniŋu, ŋadi eburusaru addi jihosi. 2Itahutani tibuo jio, ara neram ninyia iramani ajilohien jio hohonyiok hohoi hode, buo atulo 'daŋ linyia obeŋ 'to ijifatio kuyya oniŋio eram ania, ifuotu nyia inyi ettigemio onno osiru tenyi. 3Eris 'tadi aŋai, elle ebeŋ ehum mijio eram ono etalahuno anna agalik 'to ania? Lamonye, ta ahuan honyi nyia iramu eram ono etalahuno ania. Buo hia, hunyia itayiruni 'to jihonyi, ette iramana jihohoi jio, ara inyi hode. 4Ara buo fe Hollum asuut ihuo isi te ehanio honyi ellillihita iko eduariti arriai, buo fe ihiharak esiorita Loholio Olibo ta awahan ottononyi.

Lia, elle Iyaŋuno 'to Jihohoi Etalahuno

5Obeŋ nyia Hollum ihanak ajilohien ellettaha afau aŋejuk onno olo 'to ittuna, enne ekiana ana eram honyi. 6Ati, igioroni jio obo aŋati Buk Hollum jiojio:

“Ei, Hollum, ara atulo anyio jihoi igigilori tenyi kuyya imijiere inyi onno oyyu?

Ara inyi atulo asai.

7Berien kai, isiarak nyia iyye jihonyi agolon onno omuta jio ono ajilohien;

itte ikafana jihonyi akuatan iko olohuo#2:7 Ofuanani egierita arriai jio: Ihanak iyye inyi elettok hirre 'daŋ hunyia iyyeu iyye (imijak Afureta 8:6).;

8ette ihanana inyi elettok hirre 'daŋ.”

Te ehanana Hollum atulo elettok hirre 'daŋ, attubanie erre 'daŋ jio elohittok honyi. Ati inuania, ebeŋ egonyu atulo ilohittok jio erre 'daŋ. 9Ati egonyu Yesu, linyia isiarani berien kai, agolon onno omuta jio ono ajilohien jio, oŋida luŋa oye te eram waati 'daŋ ta ayiji taji Hollum. Egonyu ihuania akafani jihonyi akuatan iko olohuo ta arumana honyi ettigemio ono naye. 10Obis nyia Hollum, layyani hirre 'daŋ, ollo ogottiere 'to isi 'daŋ, itifuotuniere Yesu elohittok anna ara 'to ahononyi ta arumana honyi ettigemio jio; oŋida bati aduri Hollum arriai ifuotuni akuatan arabotie ikonyi. Yesu nyia iyaŋuno jihosi 'daŋ etalahuno. 11Italibo inyi aati jio eyyata hosi, buo inyi iko hia hulle italibori ara Monyosi abotie. Inyi onno obiaŋarik ariri jio Yesu iloŋori isi a waati hutta haŋ. 12Ikiana inyi jio Hollum jio:

“Eramak adi ni jio aati hoŋ erre hunne ihan iyye;

etahabuyo adi ni iyye jio ettubiti hosi.”

13Buo fe ojio jio, “Eyihi adi ni jio Hollum.” Ette fe inyiak jiaran jio, “Ani olo iko aduri hunyia isiarak Hollum jihoŋ.”

14Te eloŋo honyi aati huattek aduri honyi, inyi buo fe ninyia ottuniere Yesu irari ihuo isi. Ihan nyia inyi ihuo nyia jio, ta naye honyi, oŋida bati inyi aremik itattur Sittan, ollo owon 'to iko agolon ittohiere. 15Ania, italahuniere inyi aati hunyia arai apiti ta amanya hosi daŋ ta abaŋi hosi aye. 16Hode, obeŋ nyia Yesu ottu iluahiere ajilohien; ati ottu nyia inyi iluahiere aati hutto woyo Abramo. 17Tania, osiru nyia luŋa jihonyi irari ihuo aati honyi te ekotia 'daŋ jio, oŋida bati inyi ara a Hehumani elle ittokon, oloyijio ollo owon 'to iko amehino, te egiama honyi jio Hollum jio, oŋida bati ohohini eyyata waati. 18Tania, oremik inyi iluak hia hullo orumani 'to esusuta, nyio, orumak nyia buo fe inyi esusuta iko ettigemita.

Currently Selected:

Ebrei 2: EA2003

Highlight

Copy

Compare