Ebrei 11
11
Neruk
1Awanan iko neruk, inyi itahutak jio arai erre hunne eyihi hode. Inyi buo fe italeyehi erre hunno obeŋ onyek igonyu. 2Omuno nyia Hollum aati eberien te eruk hosi.
3Neruk itamijanak hohoi jio, oyyeuni nyia nafau iko nedou te nekiana Hollum. Emijak buo fe jio, oyyeuni nyia erre hunne igonyu onyek jio hunno obeŋ onyek igonyu.
4Te Neruk, isio nyia Abele ehumi jio Hollum onno oyyu agalik ehumi Kaino. Te eruk Abele, itahutak nyia Hollum amuno honyi Abele te efuotuna honyi esiorita honyi. Aye nyia Abele, ati, harasa neruk honyi ikiana jihohoi.
5Ittallik nyia Enok iye te eram ono neruk ottononyi; ania, omunori Hollum inyi, ette ikafaru inyi lidou. Obeŋi nyia orumani ahuan honyi nyio iyarai nyia inyi jio Hollum. 6Ittallik tulo itamuno Hollum alla abeŋ neruk jihonyi, nyio, lia alla awak 'to ittuna jio Hollum, ijiara luŋa inyi iruk jio owon Hollum hode; buo fe Hollum isiaratta ayiji jio lia, ollo ottifia 'to inyi.
7Ta awanan Noa iko neruk, asar nyia Hollum inyi te eram ono erre hunno ofuoi 'to iduoŋ moi. Ania, oniŋiere Noa eram Hollum, ette ihuhumuna atogol ninyia italuahu 'to inyi iko aati hutta haŋ honyi. Tania, oŋotoniere Hollum epali jio atulo 'daŋ ta fau, buo ihan Noa a habisani te neruk ottononyi.
8Te neruk, oniŋio nyia Abramo to ninyia iloŋuniere Hollum inyi ilari jio obo afau ninyia ocorok Hollum jihonyi; ette inyi leten, duadi bu obeŋ inyi omijak alo inyi ajia. 9Te neruk, amanya nyia inyi olotere jio afau ninyia ocorok Hollum jihonyi. Amanya nyia ihasik musiama, ihuo ninyia tono ba Isako iko Yakobo, hinyia ofuonni buo fe ifuotuni ecorit nyia. 10Itila nyia Abramo imanyari ibore gala ninyia ihuhumu Hollum buo fe oduk, onno owon 'to iko etawoji onno osio 'to 'tulaŋ.
11Te neruk, oremik nyia Abramo isiuna eto, duadi bu imaruak inyi bebe buo fe ŋoruoi honyi Sara aŋot esio. Iyihi nyia inyi#11:11 Te neruk, …Iyihi nyia inyi : Igioroni omuk egierita jio te neruk, oremik nyia Sara iyeduri, duadi bu imaruak inyi bebe isiuniere hito. Inyi. jio ihan adi Hollum eram ninyia ocorok inyi. 12Duadi bu ara nyia luŋa Abramo ihuo alla aye, ofuonni nyia aati arriai to woyo honyi ihuo elelefi huttedou. Oluaji nyia isi bebe bebe ihuo asuluŋayo otto hutuk owore. 13Oye nyia aati hulia 'daŋ a heruhok, duadi bu obeŋi nyia isi ifuotuni erre hunyia ocoroni. Ati igonyuni nyia isi erre hunia alamarai ette imuno, ette buo fe iruhonia sar sar jio, era isi ifau dini aterejok buo fe a hafuhok. 14Itahutani tibuo aati hulle ikianai 'to ihuo nyia jio, ettifia isi afau anna ara 'to ahonosi. 15Alla adulori duo isi egigilo te eram afau ninyia idiaharai isi, ŋaduo fe isi acaharai diya. 16Ati, awahi nyia isi amanya lidou, amaji onno oyyu 'to bebe. Inyi ninyia obiaŋari Hollum iloriri ta ajiaran hosi jio, inyi Hollum hosi; nyio, inyi nyia ihuhumak jihosi abore gala.
17Neruk nyia idehi Abramo isiarak lonyi honyi Isako irari ehumi, to ninyia okemiere Hollum inyi. Isiarak nyia Hollum ecoriti jio Abramo ati, obeŋ nyia inyi iha isiaraniere lonyi honyi olobotie irari ehumi. 18Ojio nyia Hollum jihonyi jio, “Ofuonni adi aati hutto woyo hoi tottolo Isako.” 19Omijak nyia Abramo jio, oremik Hollum itubuhuna aati toye; ara ania ihuo elle inyiahu Abramo, Isako toye.
20Neruk ono Isako nyia ihan inyi isiaraniere ejahiti huno moi jio Yakobo iko Esau.
21Ninyia iliaha Yakobo aye, ociehi nyia inyi ahuan litehi, ette imojo. Buo ta awanan honyi iko neruk, ajak nyia inyi lonyirok Yosefu 'daŋ ababo.
22Ta awanan Yosefu iko neruk, ania, ninyia iliaha inyi naye, ette inyi ikiana jio, iyarai adi addi aati Israele to Masir; ette buo fe iramana aati Israele oŋida iyarai ahoi honyi ikosi.
23Ta awanan ono esiok Mose iko neruk, idimani nyia isi Mose ayafajin hunihoi many hesiuni. Omijani nyia isi jio ilaman nyia leto alia, ania omesierek isi eram hobu. 24Ninyia labolo Mose, neruk nyia ihan inyi ihari eloŋo waati inyi jio, lonyi ŋarri Faro. 25Awak nyia inyi idihuna ettigemita arabotie iko aati Hollum, buo obiaŋari irisaniere obo kai amanya ono neyyau. 26Omijak nyia Mose jio, oyyu luŋa bebe irumaniere ettigemita te eram ono Olonyimoto agalik esamiti Masir 'daŋ; otuhoniere inyi egigilo honyi 'daŋ jio esiorio onno olo inyi ifuotuna moi.
27Ta awanan Mose iko neruk, inyi ninyia alari inyi addi to Masir, obeŋ ikoddaŋ abaŋ ajore hobu. Ara nyia ihuo elle igonyu Mose Hollum ollo obeŋ 'to oleyo, ania, ette inyi ihara acaharu Masir. 28Neruk honyi nyia buo fe ihan inyi iyaŋuno neyom ono Allaŋan jio aati Israele, ette iramana jio ijiara isi iwwasani nooto likatin hasik; ŋadi ajilo olo naye ottu ittohoro oloŋehua hosi.
29Neruk ono Israele nyia idehi isi oŋutoroi tottolo afau ninyia owon 'to ihari mile. Buo ninyia akemi aati Masir ihaniere ihuo isi, ette aari ania idiloro isi.
30Neruk ono Israele nyia itaritiho eliati ono Yeriko ninyia iluri Israele inyi oŋitek hattarik. 31Ta awanan ono neruk jio Rahab, nesomo, inyi ninyia obiaŋarik ottohorik inyi iko amiosok Hollum; nyio, ifuotu nyia inyi asiri Israele, onno oyyu.
32Enyiak 'tadi ni ikenuna anyio hirre? Aŋaramahi asaa jihoŋ ikianari eram ono Jedeune, Barak, Samson, Jefta, Dafide, Samuele buo ekianak Hollum. 33Ta awanan hosi iko neruk, itatturi nyia isi amisihi; ette ifuotuna ariŋ ninyia ocorok Hollum jihosi, ta abisan ono ehanita hosi. Itaduahini nyia buo fe isi elemio. 34Itadunyi nyia isi amati hunne ifiriwaji 'to, ofulucunie nyia isi to hutuk demi erremit. Duadi bu obeŋi nyia isi owoni iko agolon, isiarani nyia jihosi agolon, ette isi ifiriwa to fere, ette itattur oseŋer miorok. 35Te neruk, ifuotuni nyia omuk aŋoruo aati hutta haŋitek hosi hunyia itubuhuni toye.
Ihari nyia omuk hulo aati hulia ahouno, ette iye te ettigemio jio, oŋida bati itubuhuni isi, ette isiarana nesu anna agalik 'to ta ayiji. 36Itafittaŋie nyia buo fe ofodohie omuk, buo omuk iriatani ta aririk ette iyaru ibabus. 37Irruoŋi nyia omuk, obulaŋi omuk tehiji, buo omuk oŋotori. Isiabitai nyia isi buo fe iyafatie anafi kioro iko huno nedie. Arai nyia isi alociaŋak, hunyia orumani 'to ettigemita, buo fe ihanie isi onno orroho. 38Obeŋ nyia afau oyyu jio aati ayijok hulo! Isiabitai nyia isi itua hidiofo iko itua doŋiok; buo fe amanyai itua nomi iko ihasik lohucio.
39Itamuno nyia neruk ono aati hulia 'daŋ, Hollum! Ati obeŋi nyia isi ifuotuni ariŋ ninyia ocoroni; 40nyio, ihuhumak nyia Hollum jihohoi ariŋ onno oyyu agalik 'daŋ. Obeŋ nyia inyi awak itabisani isi hama buo ebeŋ ewon ikosi.
Currently Selected:
Ebrei 11: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Ebrei 11
11
Neruk
1Awanan iko neruk, inyi itahutak jio arai erre hunne eyihi hode. Inyi buo fe italeyehi erre hunno obeŋ onyek igonyu. 2Omuno nyia Hollum aati eberien te eruk hosi.
3Neruk itamijanak hohoi jio, oyyeuni nyia nafau iko nedou te nekiana Hollum. Emijak buo fe jio, oyyeuni nyia erre hunne igonyu onyek jio hunno obeŋ onyek igonyu.
4Te Neruk, isio nyia Abele ehumi jio Hollum onno oyyu agalik ehumi Kaino. Te eruk Abele, itahutak nyia Hollum amuno honyi Abele te efuotuna honyi esiorita honyi. Aye nyia Abele, ati, harasa neruk honyi ikiana jihohoi.
5Ittallik nyia Enok iye te eram ono neruk ottononyi; ania, omunori Hollum inyi, ette ikafaru inyi lidou. Obeŋi nyia orumani ahuan honyi nyio iyarai nyia inyi jio Hollum. 6Ittallik tulo itamuno Hollum alla abeŋ neruk jihonyi, nyio, lia alla awak 'to ittuna jio Hollum, ijiara luŋa inyi iruk jio owon Hollum hode; buo fe Hollum isiaratta ayiji jio lia, ollo ottifia 'to inyi.
7Ta awanan Noa iko neruk, asar nyia Hollum inyi te eram ono erre hunno ofuoi 'to iduoŋ moi. Ania, oniŋiere Noa eram Hollum, ette ihuhumuna atogol ninyia italuahu 'to inyi iko aati hutta haŋ honyi. Tania, oŋotoniere Hollum epali jio atulo 'daŋ ta fau, buo ihan Noa a habisani te neruk ottononyi.
8Te neruk, oniŋio nyia Abramo to ninyia iloŋuniere Hollum inyi ilari jio obo afau ninyia ocorok Hollum jihonyi; ette inyi leten, duadi bu obeŋ inyi omijak alo inyi ajia. 9Te neruk, amanya nyia inyi olotere jio afau ninyia ocorok Hollum jihonyi. Amanya nyia ihasik musiama, ihuo ninyia tono ba Isako iko Yakobo, hinyia ofuonni buo fe ifuotuni ecorit nyia. 10Itila nyia Abramo imanyari ibore gala ninyia ihuhumu Hollum buo fe oduk, onno owon 'to iko etawoji onno osio 'to 'tulaŋ.
11Te neruk, oremik nyia Abramo isiuna eto, duadi bu imaruak inyi bebe buo fe ŋoruoi honyi Sara aŋot esio. Iyihi nyia inyi#11:11 Te neruk, …Iyihi nyia inyi : Igioroni omuk egierita jio te neruk, oremik nyia Sara iyeduri, duadi bu imaruak inyi bebe isiuniere hito. Inyi. jio ihan adi Hollum eram ninyia ocorok inyi. 12Duadi bu ara nyia luŋa Abramo ihuo alla aye, ofuonni nyia aati arriai to woyo honyi ihuo elelefi huttedou. Oluaji nyia isi bebe bebe ihuo asuluŋayo otto hutuk owore. 13Oye nyia aati hulia 'daŋ a heruhok, duadi bu obeŋi nyia isi ifuotuni erre hunyia ocoroni. Ati igonyuni nyia isi erre hunia alamarai ette imuno, ette buo fe iruhonia sar sar jio, era isi ifau dini aterejok buo fe a hafuhok. 14Itahutani tibuo aati hulle ikianai 'to ihuo nyia jio, ettifia isi afau anna ara 'to ahonosi. 15Alla adulori duo isi egigilo te eram afau ninyia idiaharai isi, ŋaduo fe isi acaharai diya. 16Ati, awahi nyia isi amanya lidou, amaji onno oyyu 'to bebe. Inyi ninyia obiaŋari Hollum iloriri ta ajiaran hosi jio, inyi Hollum hosi; nyio, inyi nyia ihuhumak jihosi abore gala.
17Neruk nyia idehi Abramo isiarak lonyi honyi Isako irari ehumi, to ninyia okemiere Hollum inyi. Isiarak nyia Hollum ecoriti jio Abramo ati, obeŋ nyia inyi iha isiaraniere lonyi honyi olobotie irari ehumi. 18Ojio nyia Hollum jihonyi jio, “Ofuonni adi aati hutto woyo hoi tottolo Isako.” 19Omijak nyia Abramo jio, oremik Hollum itubuhuna aati toye; ara ania ihuo elle inyiahu Abramo, Isako toye.
20Neruk ono Isako nyia ihan inyi isiaraniere ejahiti huno moi jio Yakobo iko Esau.
21Ninyia iliaha Yakobo aye, ociehi nyia inyi ahuan litehi, ette imojo. Buo ta awanan honyi iko neruk, ajak nyia inyi lonyirok Yosefu 'daŋ ababo.
22Ta awanan Yosefu iko neruk, ania, ninyia iliaha inyi naye, ette inyi ikiana jio, iyarai adi addi aati Israele to Masir; ette buo fe iramana aati Israele oŋida iyarai ahoi honyi ikosi.
23Ta awanan ono esiok Mose iko neruk, idimani nyia isi Mose ayafajin hunihoi many hesiuni. Omijani nyia isi jio ilaman nyia leto alia, ania omesierek isi eram hobu. 24Ninyia labolo Mose, neruk nyia ihan inyi ihari eloŋo waati inyi jio, lonyi ŋarri Faro. 25Awak nyia inyi idihuna ettigemita arabotie iko aati Hollum, buo obiaŋari irisaniere obo kai amanya ono neyyau. 26Omijak nyia Mose jio, oyyu luŋa bebe irumaniere ettigemita te eram ono Olonyimoto agalik esamiti Masir 'daŋ; otuhoniere inyi egigilo honyi 'daŋ jio esiorio onno olo inyi ifuotuna moi.
27Ta awanan Mose iko neruk, inyi ninyia alari inyi addi to Masir, obeŋ ikoddaŋ abaŋ ajore hobu. Ara nyia ihuo elle igonyu Mose Hollum ollo obeŋ 'to oleyo, ania, ette inyi ihara acaharu Masir. 28Neruk honyi nyia buo fe ihan inyi iyaŋuno neyom ono Allaŋan jio aati Israele, ette iramana jio ijiara isi iwwasani nooto likatin hasik; ŋadi ajilo olo naye ottu ittohoro oloŋehua hosi.
29Neruk ono Israele nyia idehi isi oŋutoroi tottolo afau ninyia owon 'to ihari mile. Buo ninyia akemi aati Masir ihaniere ihuo isi, ette aari ania idiloro isi.
30Neruk ono Israele nyia itaritiho eliati ono Yeriko ninyia iluri Israele inyi oŋitek hattarik. 31Ta awanan ono neruk jio Rahab, nesomo, inyi ninyia obiaŋarik ottohorik inyi iko amiosok Hollum; nyio, ifuotu nyia inyi asiri Israele, onno oyyu.
32Enyiak 'tadi ni ikenuna anyio hirre? Aŋaramahi asaa jihoŋ ikianari eram ono Jedeune, Barak, Samson, Jefta, Dafide, Samuele buo ekianak Hollum. 33Ta awanan hosi iko neruk, itatturi nyia isi amisihi; ette ifuotuna ariŋ ninyia ocorok Hollum jihosi, ta abisan ono ehanita hosi. Itaduahini nyia buo fe isi elemio. 34Itadunyi nyia isi amati hunne ifiriwaji 'to, ofulucunie nyia isi to hutuk demi erremit. Duadi bu obeŋi nyia isi owoni iko agolon, isiarani nyia jihosi agolon, ette isi ifiriwa to fere, ette itattur oseŋer miorok. 35Te neruk, ifuotuni nyia omuk aŋoruo aati hutta haŋitek hosi hunyia itubuhuni toye.
Ihari nyia omuk hulo aati hulia ahouno, ette iye te ettigemio jio, oŋida bati itubuhuni isi, ette isiarana nesu anna agalik 'to ta ayiji. 36Itafittaŋie nyia buo fe ofodohie omuk, buo omuk iriatani ta aririk ette iyaru ibabus. 37Irruoŋi nyia omuk, obulaŋi omuk tehiji, buo omuk oŋotori. Isiabitai nyia isi buo fe iyafatie anafi kioro iko huno nedie. Arai nyia isi alociaŋak, hunyia orumani 'to ettigemita, buo fe ihanie isi onno orroho. 38Obeŋ nyia afau oyyu jio aati ayijok hulo! Isiabitai nyia isi itua hidiofo iko itua doŋiok; buo fe amanyai itua nomi iko ihasik lohucio.
39Itamuno nyia neruk ono aati hulia 'daŋ, Hollum! Ati obeŋi nyia isi ifuotuni ariŋ ninyia ocoroni; 40nyio, ihuhumak nyia Hollum jihohoi ariŋ onno oyyu agalik 'daŋ. Obeŋ nyia inyi awak itabisani isi hama buo ebeŋ ewon ikosi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003