Ebrei 10
10
1Arai Efahita Mose ihuo arrijiorita hirre ayijok hunno ofuonni 'to moi. Obeŋi isi arai a hirre ahode hode, nyio, ittallihi isi ihohina aati jio eyyata ta aduloro isiorio ehumita aŋasi 'daŋ. 2Ara duo luŋa enne italibori efahita aati jio eyyata hosi, obeŋ duo tulo inyiak ihawwa te eram ono eyyau; tania, obeŋi duo inyiahi isiorio ehumita aŋasi 'daŋ. 3Ati, esiorita hune isiaratai aŋasi 'daŋ itagiluttai aati eyyata hosi. 4Nyio, ittallik luŋa nooto ono attamoti iko ono nedie, iduhara addi eyyata.
5Te eram ania, ninyia iliaha Kristo attuna lifau, ojio nyia inyi jio Hollum jio:
“Ibeŋ iyye iwak ehumita iko esiorita,
ati isiarak iyye jihoŋ, ahuan hoŋ irari ehumi.
6Ibeŋ iyye imuno ehumita ciaŋi hunno osuahini ititiek
kuyya ehumita hunne iduharik addi eyyata.”
7Attati Kristo inyiak jiaran, “Jai, Hollum, attu ni,
ihaniere awahan hoi,
ihuo igioroni ibuk hoi to ni.”
8Itter nyia Kristo ajiaran jio, “Ibeŋ iyye iwak kuyya imuno esiorita, ehumita, iko aciaŋi hunno osuahini ititiek buo ehumita hunne iduharik addi eyyata.” Ikiana nyia inyi ihuo nyia, duadi bu isiori nyia ehumita hunia 'daŋ ihuo ojiori efahita. 9Attati inyi inyiak jiaran jio, “Jai, Hollum, attu ni, ihaniere awahan hoi.” Ania ette Hollum itapuak ehumita eberien 'daŋ, ette itarutana ehumi Kristo imaji hosi. 10Italibori hohoi ta aniŋio Kristo Hollum, ette isiarana ahuan honyi ehumi enyiahi abotie ijiai.
11Odulori ehumak Yudei 'daŋ ababo ihanio egiama hosi oŋitek 'daŋ, buo fe odulori edasio ehumita huttoloŋi; ati ittallihini luŋa ehumita hunia iduhara addi eyyata. 12Ati isiarak nyia Kristo ehumi abotie ijiai enne igiama 'to 'tulaŋ; itoŋo inyi ihuania tetteŋet Hollum. 13Itila inyi diya ihuania, many ihananiere Hollum amiorok honyi 'daŋ ebalori hejek honyi. 14Te ehumi abotie ijiai, italibo inyi 'tulaŋ hia, hulle igelu inyi a hulo Hollum. 15Itahutak buo fe Loloholio Olibo jihohoi eram ania, ninyia ojiari Lamonye jio:
16“Alo ni ihan ecorit ana ikosi moi.
Ehanak adi ni efahita hoŋ itajia hosi
buo fe egiorok ihossi hosi.”
17Attati fe inyi inyiak jiaran jio, “Aguoro adi ni luŋa eyyata iko ehanita hosi hunno arrohoji 'to.” 18Alla ahohinie eyyata, ebeŋ fe enyiak wahan obo ehumi iduhari addi eyyata.
Héhutonia jio Hollum
19Tania, illarak iko haniyarak hoŋ, ta naye Yesu, ewon tibuo luŋa iko agolon ijiŋari Imaji Elibo anna Agalik 'to 'Daŋ. 20Aŋahi inyi jihohoi ekoi aŋejuk, ekoi ono nesu, enne iyaru 'to hohoi totto boŋo etihi…ajiaran ania jio, tottolo ahuan honyi. 21Ewon iko ehumani alla agalik 'to, ollo omijio 'to aaji Hollum. 22Tania, héhutonia jio Hollum, ta atajia hunno olibori iko eruk ahode. Hawatta iko atajia hunno obeŋi ihawwai te eram ono epalita buo ahuattek hunne itahuyori ta aari hunno olibori 'to. 23Hagottiette neyihina enne ejio jio owon jihohoi, nyio, eremik iruk eram Hollum ollo ogottiere 'to ecorit honyi. 24Ijiara etagolio huattek owon ihiji hohoi, iluahiere ahuattek buo fe itahutaniere abuaran tajia iko ihaniere onno oyyu. 25Hèlaha etapuak amojotio arabotie ihuo ihanie omuk. Ati hétagoliete ahuattek bebe, nyio, imijana itai jio, iliaha Noloŋ onno ottuniere Lamonye.
26Ihuania, italeyehini jihohoi nelahode. Tania, obeŋ obo ehumi inyiak wanan iyari eyyata addi elle etariny aduloro ihanio eyyau. 27Ati ariŋ ollo ofitoro 'to, inyi etila, ta abaŋi, Noloŋ ono Aŋocio Hiram iko neema onno orroho 'to bebe, onno olo 'to itamuhina amiorok Hollum! 28Lia, ollo omesio 'to Efahita Mose, obeŋ adi obo amehino ittohori inyi, elle itahutani asuuti arrihai kuyya arriai jio ipal inyi. 29Obeŋ 'tadi ettigemio ono lia agalik bebe; lia, elle iyasio 'to Lonyi Hollum, buo fe itafiahajio nooto ono necorit Hollum enne italibo 'to inyi jio neyyau, buo fe omorio Oloholio ono ayiji taji? 30Nyio, emijak jio, ojio nyia Hollum jio, “Enienu adi ni, ettigemio adi ni”; buo fe igioroni Ibuk honyi jio, “Oŋot adi Lamonye eram waati honyi.” 31Oyeyer bebe imuahari ihas Hollum, lesuoni!
32Hèguotti oŋitek eberien hunyia idihuniette itai ettigemita, ninyia ifuotuna itai Asayyo Ayijok. 33To omuk oŋitek, omorie nyia buo fe ihanie itai onno orroho ihosiere waati; buo jio omuk oŋitek, ittigemie nyia itai arabotie iko aati hunyia orumani 'to ettigemita. 34Imehiniete nyia itai hia hulle ifitai 'to ibabus, buo ninyia ahororoi asaŋ hatai, idihuna nyia itai ta amuno nyio, imijana nyia itai jio, iwanata itai iko ariŋ onno oyyu 'to agalik, onno odulo 'to 'tulaŋ. 35Tania, oduloro etagolio tajia, nyio, iyaŋuno adi inyi jihatai esiorio onno obolo. 36Odihata luŋa, oŋida bati Hollum omuno itai, ittata ifuotuna ariŋ ninyia ocorok inyi. 37Ihuo ojio Abuk Hollum jio,
“Ottu adi Hollum kuak,
obeŋ adi inyi illiŋia.
38Ati amanyai adi aati hoŋ te neruk;
buo alla ayitok obo olosi jihoŋ noruoŋ,
abeŋ adi ni amuno inyi.”
39Ebeŋ hohoi era ihuo aati hulla ayitoroi 'to ette litohina. Ati ewon iko neruk buo fe etalahuno.
Currently Selected:
Ebrei 10: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Ebrei 10
10
1Arai Efahita Mose ihuo arrijiorita hirre ayijok hunno ofuonni 'to moi. Obeŋi isi arai a hirre ahode hode, nyio, ittallihi isi ihohina aati jio eyyata ta aduloro isiorio ehumita aŋasi 'daŋ. 2Ara duo luŋa enne italibori efahita aati jio eyyata hosi, obeŋ duo tulo inyiak ihawwa te eram ono eyyau; tania, obeŋi duo inyiahi isiorio ehumita aŋasi 'daŋ. 3Ati, esiorita hune isiaratai aŋasi 'daŋ itagiluttai aati eyyata hosi. 4Nyio, ittallik luŋa nooto ono attamoti iko ono nedie, iduhara addi eyyata.
5Te eram ania, ninyia iliaha Kristo attuna lifau, ojio nyia inyi jio Hollum jio:
“Ibeŋ iyye iwak ehumita iko esiorita,
ati isiarak iyye jihoŋ, ahuan hoŋ irari ehumi.
6Ibeŋ iyye imuno ehumita ciaŋi hunno osuahini ititiek
kuyya ehumita hunne iduharik addi eyyata.”
7Attati Kristo inyiak jiaran, “Jai, Hollum, attu ni,
ihaniere awahan hoi,
ihuo igioroni ibuk hoi to ni.”
8Itter nyia Kristo ajiaran jio, “Ibeŋ iyye iwak kuyya imuno esiorita, ehumita, iko aciaŋi hunno osuahini ititiek buo ehumita hunne iduharik addi eyyata.” Ikiana nyia inyi ihuo nyia, duadi bu isiori nyia ehumita hunia 'daŋ ihuo ojiori efahita. 9Attati inyi inyiak jiaran jio, “Jai, Hollum, attu ni, ihaniere awahan hoi.” Ania ette Hollum itapuak ehumita eberien 'daŋ, ette itarutana ehumi Kristo imaji hosi. 10Italibori hohoi ta aniŋio Kristo Hollum, ette isiarana ahuan honyi ehumi enyiahi abotie ijiai.
11Odulori ehumak Yudei 'daŋ ababo ihanio egiama hosi oŋitek 'daŋ, buo fe odulori edasio ehumita huttoloŋi; ati ittallihini luŋa ehumita hunia iduhara addi eyyata. 12Ati isiarak nyia Kristo ehumi abotie ijiai enne igiama 'to 'tulaŋ; itoŋo inyi ihuania tetteŋet Hollum. 13Itila inyi diya ihuania, many ihananiere Hollum amiorok honyi 'daŋ ebalori hejek honyi. 14Te ehumi abotie ijiai, italibo inyi 'tulaŋ hia, hulle igelu inyi a hulo Hollum. 15Itahutak buo fe Loloholio Olibo jihohoi eram ania, ninyia ojiari Lamonye jio:
16“Alo ni ihan ecorit ana ikosi moi.
Ehanak adi ni efahita hoŋ itajia hosi
buo fe egiorok ihossi hosi.”
17Attati fe inyi inyiak jiaran jio, “Aguoro adi ni luŋa eyyata iko ehanita hosi hunno arrohoji 'to.” 18Alla ahohinie eyyata, ebeŋ fe enyiak wahan obo ehumi iduhari addi eyyata.
Héhutonia jio Hollum
19Tania, illarak iko haniyarak hoŋ, ta naye Yesu, ewon tibuo luŋa iko agolon ijiŋari Imaji Elibo anna Agalik 'to 'Daŋ. 20Aŋahi inyi jihohoi ekoi aŋejuk, ekoi ono nesu, enne iyaru 'to hohoi totto boŋo etihi…ajiaran ania jio, tottolo ahuan honyi. 21Ewon iko ehumani alla agalik 'to, ollo omijio 'to aaji Hollum. 22Tania, héhutonia jio Hollum, ta atajia hunno olibori iko eruk ahode. Hawatta iko atajia hunno obeŋi ihawwai te eram ono epalita buo ahuattek hunne itahuyori ta aari hunno olibori 'to. 23Hagottiette neyihina enne ejio jio owon jihohoi, nyio, eremik iruk eram Hollum ollo ogottiere 'to ecorit honyi. 24Ijiara etagolio huattek owon ihiji hohoi, iluahiere ahuattek buo fe itahutaniere abuaran tajia iko ihaniere onno oyyu. 25Hèlaha etapuak amojotio arabotie ihuo ihanie omuk. Ati hétagoliete ahuattek bebe, nyio, imijana itai jio, iliaha Noloŋ onno ottuniere Lamonye.
26Ihuania, italeyehini jihohoi nelahode. Tania, obeŋ obo ehumi inyiak wanan iyari eyyata addi elle etariny aduloro ihanio eyyau. 27Ati ariŋ ollo ofitoro 'to, inyi etila, ta abaŋi, Noloŋ ono Aŋocio Hiram iko neema onno orroho 'to bebe, onno olo 'to itamuhina amiorok Hollum! 28Lia, ollo omesio 'to Efahita Mose, obeŋ adi obo amehino ittohori inyi, elle itahutani asuuti arrihai kuyya arriai jio ipal inyi. 29Obeŋ 'tadi ettigemio ono lia agalik bebe; lia, elle iyasio 'to Lonyi Hollum, buo fe itafiahajio nooto ono necorit Hollum enne italibo 'to inyi jio neyyau, buo fe omorio Oloholio ono ayiji taji? 30Nyio, emijak jio, ojio nyia Hollum jio, “Enienu adi ni, ettigemio adi ni”; buo fe igioroni Ibuk honyi jio, “Oŋot adi Lamonye eram waati honyi.” 31Oyeyer bebe imuahari ihas Hollum, lesuoni!
32Hèguotti oŋitek eberien hunyia idihuniette itai ettigemita, ninyia ifuotuna itai Asayyo Ayijok. 33To omuk oŋitek, omorie nyia buo fe ihanie itai onno orroho ihosiere waati; buo jio omuk oŋitek, ittigemie nyia itai arabotie iko aati hunyia orumani 'to ettigemita. 34Imehiniete nyia itai hia hulle ifitai 'to ibabus, buo ninyia ahororoi asaŋ hatai, idihuna nyia itai ta amuno nyio, imijana nyia itai jio, iwanata itai iko ariŋ onno oyyu 'to agalik, onno odulo 'to 'tulaŋ. 35Tania, oduloro etagolio tajia, nyio, iyaŋuno adi inyi jihatai esiorio onno obolo. 36Odihata luŋa, oŋida bati Hollum omuno itai, ittata ifuotuna ariŋ ninyia ocorok inyi. 37Ihuo ojio Abuk Hollum jio,
“Ottu adi Hollum kuak,
obeŋ adi inyi illiŋia.
38Ati amanyai adi aati hoŋ te neruk;
buo alla ayitok obo olosi jihoŋ noruoŋ,
abeŋ adi ni amuno inyi.”
39Ebeŋ hohoi era ihuo aati hulla ayitoroi 'to ette litohina. Ati ewon iko neruk buo fe etalahuno.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003