Galasia 6

Oluahiete Ahuattek

1Illarak iko haniyarak hoŋ, alla aburani obo atulo ihanio obo epali, ijiara itai hulle imanyati 'to to Oloholio itabisana inyi te ekoi onno oyyu. Ihumata mijio ahuattek hatai, ŋadi buo fe ikuahiniete jio epalita ihuo hunia. 2Nyio, itasiruna adi itai#6:2 itasiruna adi itai : igioroni omuk egierita jio, iniŋiete adi itai. efahita Kristo, elle iluahiete itai ahuattek. 3Alla akafatio obo atulo ahou jio inyi lobo, buo ara atulo asai, inyobio inyi ahuan honyi. 4Ijiara itai 'daŋ ababo ihumata imijio ehanita hatai. Alla ayiji isi, osiru adi etadara jihoi te ehanita hoi hunia, buo ibeŋ itarriamahi ehanita hoi iko huno obo atulo. 5Ijiara atulo 'daŋ ababo iwwahatio erre 'daŋ hunne iyaŋunie ehanita honyi.

6Elle ittiyenie jihoi eram Kristiani, ijiara buo fe luŋa iyye iluak ettiyanani hoi te erre ayijok 'daŋ huttonohoi.

7Hènyobio ahuan hoi; nyio, ittallik tulo itafittaŋio Hollum. Ideŋu adi iyye luŋa ariŋ enne idulak iyye. 8Elle ijifatio iyye ewahiti huan hoi, ideŋu adi iyye naye; buo elle ijifatio iyye ewahiti huno Oloholio, ideŋu adi iyye nesu onno osio 'to 'tulaŋ. 9Tania, hèlaha eyuho ehanio onno oyyu; nyio, elle ebeŋ ehorok, ofuonni adi oŋitek hunne efuonni idioŋori. 10Tania, alla awon obo ekoi jihohoi, ijiara edulo ehanio onno oyyu jio aati 'daŋ; agalik ti jio eruhok ihuo hohoi.

Esariti iko Efonyita Etisidita

11Ike imijata obolori egierita hoŋ aŋai, hunne egioroniere ni ihuania jihatai ta aani hoŋ! 12Etahuok huattek iko etadarak, isi hulia aati hulla awahi 'to oŋida obosi itai. Abaŋi isi jio ŋadi ittigemie isi elle ettittoyo isi eram ono naye Kristo ikruce. 13Nyio, duadi bu hia hullo obosoi 'to, omesie buo fe isi efahita. Awahi isi itai ibosoti jio oŋida isi etadara te eruk hatai aboso.

14Alla ara jihoŋ, etadara adi ni ijiai te eram ono naye Yesu Kristo, Lamonye hohoi ikruce. Nyio, ta naye honyi ikruce, arai ehanita afau 'daŋ jihoŋ a hirre asai, buo fe ni ara jihosi ariŋ asai. 15Obeŋ obo ayiji jio aboso kuyya ibiaŋari boso; ariŋ onno oyyu 'to bebe agalik, inyi arahan atulo aŋejuk. 16Ijiara nelik tajia iko amehino hatawana jio hia 'daŋ hulle ijifatie 'to eram ania, iko jio aati Hollum 'daŋ.

17Ijiara nani etisidok ta ajiaran jio: hèlaha obo atulo inyiak ittigemio ani; nyio, itahutani aforo hutto huan hoŋ jio, ara ni apit olo Yesu.

18Illarak iko haniyarak hoŋ, ijiara ayiji taji ono Yesu Kristo, Lamonye hohoi, hatawana jihatai 'daŋ. Amen.

Currently Selected:

Galasia 6: EA2003

Highlight

Copy

Compare