Galasia 3

Efahita Kuyya Neruk

1Eii, obeŋi ossi jihatai, Galasia! Nai imimuol itai? Itahutani nyia ihosiere hatai 'tel 'tel, aŋai oye nyia Yesu Kristo likruce. 2Ijiara nani efiyo itai ariŋ abotie: Ifuotuna nyia itai Oloholio Hollum te ejifatio Efahita, kuyya te etayiruna asayyo ayijok itatta iruk isi? 3Obeŋi luŋa ossi jihatai! Itteriete nyia itai amanya aŋejuk to Oloholio Hollum; iwahata ti itai ihuania itisidonia ta agolon attanatai? 4Arai ti erre 'daŋ hunyia irumana itai asai? Hode, obeŋi arai asai! 5Isiaratta soho Hollum jihatai Oloholio buo fe ihanio eduariti ihiji hatai, ta aniŋio hatai Efahita kuyya te etayiruna hatai asayyo ayijok itatta iruk?

6 # Rom 4:3 Ike imijata Abramo; ojio Abuk Hollum jio, “Iruk nyia inyi jio Hollum, buo Hollum ette ifuotuna inyi a habisani.” 7#Rom 4:16Tania, omijana luŋa jio, atulo 'daŋ ollo owon 'to iko neruk, inyi alla ara 'to to woyo Abramo. 8Ikilu nyia abuk Hollum jio, itabisak adi Hollum Alufajak to hosiere honyi te eruk hosi. Inyi ninyia iramaniere Hollum jio Abramo Asayyo Ayijok jio: “Teyye, orumak adi awoyo tulo 'daŋ amuno.” 9Tania, ifuotu adi atulo 'daŋ, ollo owon 'to iko eruk, amuno, ihuo ninyia ifuotuniere Abramo amuno te eruk honyi.

10Ati, odulo adi epit Hollum jio hia 'daŋ, hulle iyihini 'to jio ehanita huno Efahita. Nyio, igioroni nyia ibuk Hollum jio, “Owon epit Hollum jio atulo 'daŋ ollo omesio 'to erre 'daŋ hunne igioroni ibuk ono Efahita!” 11Ihuania, asalanio atibuo inyi jio, obeŋi itabisani obo atulo to hosiere Hollum ta aniŋio Efahita; nyio, ojio abuk Hollum jio, “Isu adi atulo 'daŋ ollo obis 'to to hosiere Hollum te eruk honyi.”#3:11 Isu adi atulo 'daŋ ollo obis 'to to hosiere Hollum te eruk honyi : kuyya atulo 'daŋ ollo obis 'to to hosiere Hollum, isu adi inyi te eruk honyi. 12Obeŋ aniŋio Efahita orriama iko eruk jio Hollum; ati ihuo ojio abuk Hollum jio, “Isu adi atulo 'daŋ elle ihanio 'to erre 'daŋ hunno ojiori Efahita ta aniŋio ifahita.”

13Ati italahu Kristo hohoi jio epit enne iyaŋunie Efahita, to ninyia oŋotonierek jihonyi naye likruce, te eram hohoi; nyio, igioroni ibuk Hollum jio, “Owon epit Hollum jio atulo 'daŋ elle isihoni likruce.” 14Ihan nyia Kristo Yesu ariŋ ania jio, oŋida bati isiori jio Alufajak amuno ninyia ocorok Hollum jio Abramo jio; oŋida bati efuotu, te neruk, Oloholio ninyia ocorok Hollum.

Efahita iko Ecorit

15Illarak iko haniyarak hoŋ, ijiara ani ekiana te etamijani ottoloŋi. Ittallik obo atulo itapuak kuyya ifonihina obo ariŋ jio eram enne iruhi aati arrihai buo fe imadai. 16Ara buo fe inyi ihuo nyia jio ecorit ninyia ocorok Hollum jio Abramo iko eto otto woyo honyi. Obeŋ abuk Hollum ojio jio, “Aduri” onno ojio 'to aati arriai; ati ikiana inyi te “eto”, onno ojio 'to atulo abotie; inyi Kristo. 17Awoyo hiram enne ekiana ni ania, ana: isiarak nyia Hollum ecorit jio Abramo, ette igottiere ecorit ania. Ittallihi Efahita hunyia ofuonni 'to ihalu aŋasi esiha aŋuan iko atomuana hunihoi (430) iloit kuyya itapuak eram ninyia ocorok Hollum. 18#Rom 4:14Elle iyaŋuno aniŋio Efahita esiorio Hollum, abeŋ fe esiorio ania ottu jio ecorit honyi. Ati, isiarani nyia jio Abramo esiorio ania, ta acoronia Hollum inyi jihonyi.

19Arai ti Efahita ahuno anyio? Isiori nyia isi itahutaniere ehanita hunne ipali 'to; ojiori nyia ijiara efahita odulori egiama many ottuniere atulo linyia ocor Hollum to woyo Abramo. Itifuotoni Efahita jio ajilohien iyaŋuniere jio atulo linyia ottu 'to irahan elekoi ollo Hollum iko aati. 20Obeŋi awahi elekoi alla ara eram atulo abotie; ati ara Hollum abotie#3:20 ara Hollum abotie : kuyya Hollum nyia hama ihanio eram ania..

Arai Efahita a huno Anyio?

21Itahutak ti ania jio, itabahasie Efahita eram ono ecoriti Hollum? Obeŋ 'tuŋ! Nyio, elle ifuotuni duo aati omuk efahita hunno oremehini iyaŋuno jihosi nesu, ŋaduo fe aati 'daŋ ta fau itabisanie to hosiere Hollum ta aniŋio hosi efahita hunia. 22Ati ojio abuk Hollum jio, agottiere agolon ono eyyau atulo 'daŋ ta fau; tania, oŋida bati isiarani jio hia hullo owoni 'to iko neruk, esiorio ninyia ocoroni te eruk jio Yesu Kristo.

23Ninyia hobeŋ neruk afany, ottidani nyia hohoi Efahita ihuo efitak, many italeyehinierek neruk onno olo 'to ittuna. 24Tania, ottoŋotie nyia Efahita hohoi many ottuniere Kristo jio, oŋida bati hohoi etabisanio to hosiere Hollum te eruk. 25Ati ihuania awon neruk, abeŋi Efahita inyiahi ittoŋotio hohoi.

26Te enosonio hatai iko Kristo Yesu, irata itai 'daŋ aduri Hollum, te eruk. 27Ifuotuna nyia itai 'daŋ batisimo inosori iko Kristo; tania, ara ihuo elle iyyafana itai amanya Kristo ihuattek hatai. 28Jio enoso hatai iko Kristo, abeŋ obo alufaji owon ihiji Yudei iko Alufajak, apiti iko hullo obeŋ 'to arai apiti, aliawa iko aŋoruo. 29#Rom 4:13Elle irata itai a hulo Kristo, irata buo fe itai to woyo Abramo; ifuotuna adi itai ariŋ ninyia ocorok Hollum.

Currently Selected:

Galasia 3: EA2003

Highlight

Copy

Compare