Ehanita Lefahat 9
9
Enyaluho Saul Aheruhoni
(Ehanita 22:6-16; 26:12-18)
1Jio oŋitek hunia, harasa nyia Saul itabaŋio onno orroho lejifak hulo Lamonye ta attohio. Ania, ette inyi leten jio Ehumani elle ittokon, 2ette ifiyo awaragaa hunno ofuoi 'to itamijanana inyi jio aati hutto hasik imojiti hutto Damaskos; jio kuyya alla alo inyi inyurana omuk ejifak diya, hulo Nekoi ninyia itahutak Lamonye jio, oŋida bati inyi aremik ifituno isi, aliawa iko aŋoruo 'daŋ, ette iyaŋuno Yerusalem.
3Ninyia alo Saul many iger bore gala Damaskos, teya teya ette efaŋit imedehuno tedou, ette itafaŋ amaji 'daŋ ninyia awattari inyi; 4ette inyi ikuahino ifau, ette itayiruna etuk ojio jihonyi jio, “Saul, Saul! Nyio ittigemio iyye ani?”
5Buo Saul ette ifiyo ojio, “Lamonye, ŋai iyye?”
Buo etuk ania ette itarraŋ ojio, “Ani Yesu, elle ittigemio iyye alia. 6Ihuania otte, ilo itua bore gala, ofuoi adi iramana iyye ariŋ enne ilo iyye ihanio.”
7Owotiai nyia aati hunyia adahai 'to iko Saul buo oduai lioo. Itayiruni nyia isi ekiana ania, buo obeŋi igonyuni obo atulo. 8Attati Saul idioto ahide, ette iŋa oŋite honyi, ati ittallik nyia inyi igonyuna obo ariŋ. Ania, ette isi ittoŋ aani honyi, ette irihoro inyi many Damaskos. 9Itoŋo nyia inyi ollo oŋodo oŋitek hunihoi; buo fe obeŋ anya kuyya amat obo ariŋ.
10Owon nyia obo leruhoni Damaskos afure honyi Ananiya. Oleyehino nyia Lamonye jihonyi ihuo arigiai, ette jiaran, “Ananiya!”
Itarraŋ nyia inyi ojio, “Lamonye, nani olo.”
11Attati Lamonye jiaran jihonyi, “Ihuhuma ahuan hoi, ilo jio ekoi anna anya 'to Ibisa, buo itua haŋ Yuda, ifia obo atulo afure honyi Saul olo Tarsas. Inyi lia homojo. 12Igonyu duo inyi obo latulo oleyehino jihonyi ihuo arigiai afure honyi Ananiya. Ojiŋu nyia Ananiya attua iyabaniere ahas jihonyi jio oŋida bati inyi inyiak imijio.”
13Ati itarraŋ nyia Ananiya jiojio, “Lamonye, etaniŋu ni jio aati arriai eram latulo alia iko arrohojita hunne ihanio inyi jio aati hoi hutto Yerusalem. 14Buo ihuania, isiarani ehumak elettaha jihonyi agolon ittuniere dini itifitaniere hia hullo omojoi 'to ta afure hoi.”
15Ati ojio nyia Lamonye jihonyi, “Ilo, nyio, anyimu ni inyi ahegiamani hoŋ ollo olo 'to itamijana afure hoŋ jio Aati Alufajak, jio oobuok iko jio aati Israele. 16Etahutak adi ni ta ahuan hoŋ jihonyi ettigemita hunno olo adi inyi luŋa irumana te eram fure hoŋ.”
17Tania, olo nyia Ananiya ette ijiŋana jio aaji ninyia awattari Saul, ette iyabana ahas honyi jihonyi, ette jiaran, “Illaŋ Saul, ifahu nani Lamonye jihoye. Inyi Yesu, oŋole oleyehino 'to jihoi tekoi to oŋole ittuniere iyye dini. Ifahu inyi nani jio oŋida bati iyye inyiak mijio, buo fe oŋida Loholio Olibo ifut jihoi.” 18Teya, teya, odouni nyia omuk asaŋ ihuo abebek hami to hoŋite Saul, ette inyi inyiak mijio; ette idioto, ette Ananiya itifuotonia inyi batisimo. 19Buo ninyia lanya inyi aŋiyo, ette ahuan honyi inyiak igolon.
Ittittoyo Saul Ibore Gala Damaskos
Itoŋu nyia Saul omuk oŋitek kai iko eruhok hutto Damaskos, 20ette ibotihina ihasik emojiti, ette itterio ettittoyo jio ara Yesu Lonyi Hollum.
21Illillihai nyia aati 'daŋ hunyia itaniŋuni 'to ekiana honyi, ette ifiyo jiojio, “Obiaŋara soho inyi alia, latulo linyia ottohio 'to aati Yerusalem hinyia omojoi 'to ta afure Yesu? Obeŋ soho inyi ottu dini iniafari aati hia, buo fe iyari isi ihosiere hehumak elettaha?”
22Ati inyiak nyiatibuo ettittoyo ono Saul igolon bebe; buo fe ekenita honyi obisi hunne itahutaniere inyi jio ara Yesu Olonyimoto, ania oduahinierek Yudei amanyak Damaskos.
23 #
2Kor 11:32-33
Ninyia allaŋi oŋitek arriai, ette Yudei iwwahuna ittohori Saul. 24Ati itaniŋu nyia Saul aretia hosi inyi. Aradatie nyia isi ta afanni iko ta narue ikoli bore gala ania ittohori inyi. 25Ati to obo arue, ollitarai nyia lejifak honyi inyi, ette itusuronia inyi ta afee ifau to obo ettulit ninyia owon iliati.
Awanan Saul Yerusalem
26Buo ninyia lattu Saul Yerusalem, awak nyia inyi inosonio iko lejifak, ati obeŋi nyia isi iruhi jio ara inyi ahejifani, buo fe isi 'daŋ abaŋi inyi. 27Ati oluak nyia Barnaba inyi, ette iyaru jio lefahat, ette ihum iramana jihosi aŋai igonyu Saul Lamonye tekoi, buo fe Lamonye ikiana jihonyi. Iramak nyia buo fe Barnaba isi aŋai ittittoyo nyia Saul eram ono Yesu Damaskos ta agolon taji. 28Ania, ette Saul itoŋo ikosi, ette ilur Yerusalem 'daŋ buo ittittoyo eram ono Lamonye ta agolon taji. 29Ikianatio nyia inyi buo fe itarisatio iko Yudei ekianak Grik. Ati awahi nyia isi ittohoro inyi. 30Ninyia amijani eruhok eram ania, ette isi iyaru Saul Cesaria, ette isulana inyi hetelo Tarsas.
31Ania, ette eluluŋ heruhok otto Yudea iko otto Galilea buo otto Samaria iyiriuna wauu jio ettigemio buo fe ette igolon. Buo ta aluahio ono Loholio Olibo iko ta abaŋi hosi Lamonye, obobolororo nyia eluluŋ hosi.
Awanan Petro Iborejin Gala Lidda iko Joppa
32To ninyia iluttari Petro amasik 'daŋ, olo nyia inyi Lidda to obo adaha honyi imijuniere aati Hollum hulla amanyai 'to diya. 33Buo jio amiji ania, orumak nyia inyi obo atulo ollo oye aŋati huan afure honyi Eneyas, ififiata iferit aŋasi hottohunik. 34Iramak nyia Petro inyi jio, “Eneyas, itaŋida Yesu Kristo iyye; otte, obubuna eferit hoi.” Teya, teya, ette Eneyas idioto ahide. 35Ninyia igonyuni aati 'daŋ hulla amanyai 'to Lidda iko Saron atulo olo, ette isi 'daŋ iruk jio Lamonye.
36Owon nyia buo fe obo aŋotte Joppa anna ara aheruhoni, afure honyi Tabita. (Anya afure ania te ekiana Grik Dorkas, onno ojio 'to, “Alliawa.”) Odulo nyia inyi ehanio onno oyyu buo fe oluahio alociaŋak. 37Jio oŋitek hua, inef nyia aŋuai inyi ette ittohoro. Itahuyori nyia isi ahuan honyi, ette itaferihina itua haji otto amara. 38Obeŋ nyia Lidda alama to Joppa. Ninyia itaniŋuni eruhok hutto Joppa jio, Petro otto Lidda, ette isi ifahina aati arrihai iko eram ana; “Oruhunie kokuak jihohoi.” 39Ania, ette Petro idioto, ette leten ikosi. Ninyia lafany inyi diya, ette isi iyaru inyi itua haji otto amara. Owotiai nyia ehidahi 'daŋ iger honyi hunno oyyooi, buo fe itahucie inyi agamisi iko akouti 'daŋ, hunyia ikayitu Dorkas, buo hesu. 40Ati iramak nyia Petro isi 'daŋ hefuahi allet, ette inyi irigoŋo, ette imojo; ette iyito jio ayaani ania, ette jiaran, “Tabita, otte!” Ette Tabita iŋa oŋite. Ninyia igonyu inyi Petro, ette inyi itoŋo. 41Inef nyia Petro aani honyi, ette iluak inyi idiotori ahide. Attati inyi iloŋuna eruhok 'daŋ iko ehidahi, ette isiarana Tabita jihosi enne isu. 42Isarrahini nyia asayyo huno eram ania atua bore gala Joppa 'daŋ, ania ette aati arriai iruk jio Lamonye. 43Teya, ette Petro itoŋo oŋitek arriai Joppa, jio obo latulo ehuhumani muhuny, afure honyi Simone.
Currently Selected:
Ehanita Lefahat 9: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Ehanita Lefahat 9
9
Enyaluho Saul Aheruhoni
(Ehanita 22:6-16; 26:12-18)
1Jio oŋitek hunia, harasa nyia Saul itabaŋio onno orroho lejifak hulo Lamonye ta attohio. Ania, ette inyi leten jio Ehumani elle ittokon, 2ette ifiyo awaragaa hunno ofuoi 'to itamijanana inyi jio aati hutto hasik imojiti hutto Damaskos; jio kuyya alla alo inyi inyurana omuk ejifak diya, hulo Nekoi ninyia itahutak Lamonye jio, oŋida bati inyi aremik ifituno isi, aliawa iko aŋoruo 'daŋ, ette iyaŋuno Yerusalem.
3Ninyia alo Saul many iger bore gala Damaskos, teya teya ette efaŋit imedehuno tedou, ette itafaŋ amaji 'daŋ ninyia awattari inyi; 4ette inyi ikuahino ifau, ette itayiruna etuk ojio jihonyi jio, “Saul, Saul! Nyio ittigemio iyye ani?”
5Buo Saul ette ifiyo ojio, “Lamonye, ŋai iyye?”
Buo etuk ania ette itarraŋ ojio, “Ani Yesu, elle ittigemio iyye alia. 6Ihuania otte, ilo itua bore gala, ofuoi adi iramana iyye ariŋ enne ilo iyye ihanio.”
7Owotiai nyia aati hunyia adahai 'to iko Saul buo oduai lioo. Itayiruni nyia isi ekiana ania, buo obeŋi igonyuni obo atulo. 8Attati Saul idioto ahide, ette iŋa oŋite honyi, ati ittallik nyia inyi igonyuna obo ariŋ. Ania, ette isi ittoŋ aani honyi, ette irihoro inyi many Damaskos. 9Itoŋo nyia inyi ollo oŋodo oŋitek hunihoi; buo fe obeŋ anya kuyya amat obo ariŋ.
10Owon nyia obo leruhoni Damaskos afure honyi Ananiya. Oleyehino nyia Lamonye jihonyi ihuo arigiai, ette jiaran, “Ananiya!”
Itarraŋ nyia inyi ojio, “Lamonye, nani olo.”
11Attati Lamonye jiaran jihonyi, “Ihuhuma ahuan hoi, ilo jio ekoi anna anya 'to Ibisa, buo itua haŋ Yuda, ifia obo atulo afure honyi Saul olo Tarsas. Inyi lia homojo. 12Igonyu duo inyi obo latulo oleyehino jihonyi ihuo arigiai afure honyi Ananiya. Ojiŋu nyia Ananiya attua iyabaniere ahas jihonyi jio oŋida bati inyi inyiak imijio.”
13Ati itarraŋ nyia Ananiya jiojio, “Lamonye, etaniŋu ni jio aati arriai eram latulo alia iko arrohojita hunne ihanio inyi jio aati hoi hutto Yerusalem. 14Buo ihuania, isiarani ehumak elettaha jihonyi agolon ittuniere dini itifitaniere hia hullo omojoi 'to ta afure hoi.”
15Ati ojio nyia Lamonye jihonyi, “Ilo, nyio, anyimu ni inyi ahegiamani hoŋ ollo olo 'to itamijana afure hoŋ jio Aati Alufajak, jio oobuok iko jio aati Israele. 16Etahutak adi ni ta ahuan hoŋ jihonyi ettigemita hunno olo adi inyi luŋa irumana te eram fure hoŋ.”
17Tania, olo nyia Ananiya ette ijiŋana jio aaji ninyia awattari Saul, ette iyabana ahas honyi jihonyi, ette jiaran, “Illaŋ Saul, ifahu nani Lamonye jihoye. Inyi Yesu, oŋole oleyehino 'to jihoi tekoi to oŋole ittuniere iyye dini. Ifahu inyi nani jio oŋida bati iyye inyiak mijio, buo fe oŋida Loholio Olibo ifut jihoi.” 18Teya, teya, odouni nyia omuk asaŋ ihuo abebek hami to hoŋite Saul, ette inyi inyiak mijio; ette idioto, ette Ananiya itifuotonia inyi batisimo. 19Buo ninyia lanya inyi aŋiyo, ette ahuan honyi inyiak igolon.
Ittittoyo Saul Ibore Gala Damaskos
Itoŋu nyia Saul omuk oŋitek kai iko eruhok hutto Damaskos, 20ette ibotihina ihasik emojiti, ette itterio ettittoyo jio ara Yesu Lonyi Hollum.
21Illillihai nyia aati 'daŋ hunyia itaniŋuni 'to ekiana honyi, ette ifiyo jiojio, “Obiaŋara soho inyi alia, latulo linyia ottohio 'to aati Yerusalem hinyia omojoi 'to ta afure Yesu? Obeŋ soho inyi ottu dini iniafari aati hia, buo fe iyari isi ihosiere hehumak elettaha?”
22Ati inyiak nyiatibuo ettittoyo ono Saul igolon bebe; buo fe ekenita honyi obisi hunne itahutaniere inyi jio ara Yesu Olonyimoto, ania oduahinierek Yudei amanyak Damaskos.
23 #
2Kor 11:32-33
Ninyia allaŋi oŋitek arriai, ette Yudei iwwahuna ittohori Saul. 24Ati itaniŋu nyia Saul aretia hosi inyi. Aradatie nyia isi ta afanni iko ta narue ikoli bore gala ania ittohori inyi. 25Ati to obo arue, ollitarai nyia lejifak honyi inyi, ette itusuronia inyi ta afee ifau to obo ettulit ninyia owon iliati.
Awanan Saul Yerusalem
26Buo ninyia lattu Saul Yerusalem, awak nyia inyi inosonio iko lejifak, ati obeŋi nyia isi iruhi jio ara inyi ahejifani, buo fe isi 'daŋ abaŋi inyi. 27Ati oluak nyia Barnaba inyi, ette iyaru jio lefahat, ette ihum iramana jihosi aŋai igonyu Saul Lamonye tekoi, buo fe Lamonye ikiana jihonyi. Iramak nyia buo fe Barnaba isi aŋai ittittoyo nyia Saul eram ono Yesu Damaskos ta agolon taji. 28Ania, ette Saul itoŋo ikosi, ette ilur Yerusalem 'daŋ buo ittittoyo eram ono Lamonye ta agolon taji. 29Ikianatio nyia inyi buo fe itarisatio iko Yudei ekianak Grik. Ati awahi nyia isi ittohoro inyi. 30Ninyia amijani eruhok eram ania, ette isi iyaru Saul Cesaria, ette isulana inyi hetelo Tarsas.
31Ania, ette eluluŋ heruhok otto Yudea iko otto Galilea buo otto Samaria iyiriuna wauu jio ettigemio buo fe ette igolon. Buo ta aluahio ono Loholio Olibo iko ta abaŋi hosi Lamonye, obobolororo nyia eluluŋ hosi.
Awanan Petro Iborejin Gala Lidda iko Joppa
32To ninyia iluttari Petro amasik 'daŋ, olo nyia inyi Lidda to obo adaha honyi imijuniere aati Hollum hulla amanyai 'to diya. 33Buo jio amiji ania, orumak nyia inyi obo atulo ollo oye aŋati huan afure honyi Eneyas, ififiata iferit aŋasi hottohunik. 34Iramak nyia Petro inyi jio, “Eneyas, itaŋida Yesu Kristo iyye; otte, obubuna eferit hoi.” Teya, teya, ette Eneyas idioto ahide. 35Ninyia igonyuni aati 'daŋ hulla amanyai 'to Lidda iko Saron atulo olo, ette isi 'daŋ iruk jio Lamonye.
36Owon nyia buo fe obo aŋotte Joppa anna ara aheruhoni, afure honyi Tabita. (Anya afure ania te ekiana Grik Dorkas, onno ojio 'to, “Alliawa.”) Odulo nyia inyi ehanio onno oyyu buo fe oluahio alociaŋak. 37Jio oŋitek hua, inef nyia aŋuai inyi ette ittohoro. Itahuyori nyia isi ahuan honyi, ette itaferihina itua haji otto amara. 38Obeŋ nyia Lidda alama to Joppa. Ninyia itaniŋuni eruhok hutto Joppa jio, Petro otto Lidda, ette isi ifahina aati arrihai iko eram ana; “Oruhunie kokuak jihohoi.” 39Ania, ette Petro idioto, ette leten ikosi. Ninyia lafany inyi diya, ette isi iyaru inyi itua haji otto amara. Owotiai nyia ehidahi 'daŋ iger honyi hunno oyyooi, buo fe itahucie inyi agamisi iko akouti 'daŋ, hunyia ikayitu Dorkas, buo hesu. 40Ati iramak nyia Petro isi 'daŋ hefuahi allet, ette inyi irigoŋo, ette imojo; ette iyito jio ayaani ania, ette jiaran, “Tabita, otte!” Ette Tabita iŋa oŋite. Ninyia igonyu inyi Petro, ette inyi itoŋo. 41Inef nyia Petro aani honyi, ette iluak inyi idiotori ahide. Attati inyi iloŋuna eruhok 'daŋ iko ehidahi, ette isiarana Tabita jihosi enne isu. 42Isarrahini nyia asayyo huno eram ania atua bore gala Joppa 'daŋ, ania ette aati arriai iruk jio Lamonye. 43Teya, ette Petro itoŋo oŋitek arriai Joppa, jio obo latulo ehuhumani muhuny, afure honyi Simone.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003