Ehanita Lefahat 8
8
1Iruk nyia Saul ijiara ottohori Stifen.
Ittigemio Saul Eluluŋ Heruhok
To oloŋ tonyia, itterie nyia ettigemio eluluŋ heruhok otto Yerusalem onno orroho bebe ette eruhok 'daŋ isarrara iŋacio Yudea iko Samaria 'daŋ, ofitorik lefahat hama. 2Omuk aati abaŋak Hollum nyia ofuonni inuhana Stifen, ette ihum iyyoo atuari honyi.
3 #
Ehanita 22:4-5; 26:9-11 Ati awak nyia Saul itamuhina eluluŋ heruhok. Ania, ette inyi ilur ahaŋitek heruhok 'daŋ ababo, buo ipihutta aliawa iko aŋoruo, ette itifitana isi ibabus.
Ittittoye Asayyo Ayijok Ifau Samaria
4Tania, attati eruhok hunyia itatturi ilur amasik 'daŋ, buo ittittoye asayyo Hollum. 5Olo nyia Filipo ibore gala enne ittokon#8:5 ibore gala enne ittokon : igioroni omuk jio, abore gala. otto Samaria ette ittittoyo jio aati eram ono Olonyimoto. 6To ninyia itaniŋierek eluluŋi waati jio Filipo buo fe igonyuni eduariti hunyia ihan inyi, ihumi nyia isi siehina ayyaha jio ekenita honyi. 7Ojiŋuni nyia aminiaŋa addi jio aati arriai buo ituruhoi. Itaŋidari nyia buo fe aati arriai hullo oye aŋacio huattek iko aŋurak. 8Tania, obolo nyia amuno jio abore gala ania.
9Amanya nyia lobo atulo jio abore gala ania, afure honyi Simone. Illillihai nyia Samaria abuana honyi bebe. Ojio nyia inyi lobo, 10buo aati 'daŋ, elettaha iko aati asai, hutto bore gala ania ette ihum siehina ayyaha hosi jihonyi, ette jiaran, “Ara atulo alia aduaran Hollum anna anya 'to ‘Aduaran anna Agalik 'to.’ ” 11Ihumi nyia isi siehina ayyaha hosi jihonyi nyio, abolo nyia ellilliha hosi abuana honyi. 12Buo ninyia iruhi isi asayyo ayijok, hunyia ittittoyo Filipo, huno Olobie Hollum iko eram Yesu Kristo, ette isi 'daŋ, aliawa iko aŋoruo, ifuotuna batisimo. 13Iruk nyia buo fe Simone ta ahuan honyi eram ania, ette iduloro adaha iko Filipo ninyia atuk inyi efuotuna batisimo. Illilliha nyia inyi bebe ninyia igonyu inyi ellillihita iko eduariti hunyia ihanie.
14Ninyia itaniŋuni lefahat hutto Yerusalem jio ifuotuni aati Samaria ekiana Hollum, ania ette isi ifahina Petro iko Yoane jihosi. 15Ninyia afanyi isi diya, ette isi imojo jio oŋida bati eruhok hulia ifuotuni Loholio Olibo; 16nyio, hobeŋ nyia obo olosi ifuotu Loholio Olibo. Ati, ifuotuni nyia isi batisimo ijiai ta nafure Yesu, Lamonye. 17Attati Petro iko Yoane iyabana ahas hosi jihosi, buo isi ette ifuotuna Loholio Olibo.
18Ninyia igonyu Simone jio, ifuotuni eruhok Loholio Olibo te eyabana lefahat ahas hosi jihosi, ania ette inyi wahan isiarana agurusi jio Petro iko Yoane, 19ette jiaran, “Hadina buo fe jihoŋ aduaran ania, oŋida buo fe lia, elle eyabak ni ahas hoŋ jihonyi ifuotu Loholio Olibo.”
20Ati ojio nyia Petro jihonyi, “Te egigilo hoi jio iremik adi iyye inyiaŋuna esiorita Hollum ta arobiyaa, ijiara iyye iko agurusi hoi hunia ifuatta iferno! 21Ta abiaŋan taji hoi obis to hosiere Hollum, obeŋ maji jihoi luŋa jio egiama hohoi ana. 22Obusak egigilo hoi onno orroho 'to ania. Omojoi jio Lamonye oŋida ohohi iyye jio egigilita hutto taji hoi hunia. 23Egonyu ni ifut ahaini onno orroho 'to bebe itaji hoi, buo fe eyyau ifit iyye.”
24Attati Simone itarraŋ isi jiojio, “Omojoti jio Lamonye toni. Hèlaha erre hunne ikianati itai hunia iduoŋi jihoŋ.”
25Ninyia atuhoni bo Petro iko Yoane eramana iko ettittoyo eram ono Lamonye, ette isi icaharu Yerusalem buo ittittoroi asayyo ayijok jio amisihi arriai huno Samaria.
Filipo iko obo Elettok Abisinia
26Attati ajilo olo Lamonye iramana jio Filipo jio, “Otte, ilo attany ajunub jio ekoi#8:26 ajunub : kuyya ta akil fanni., onno ottu 'to to Yerusalem many Gasa.” (Abeŋi inyiahi idaha te ekoi ania.)#8:26 Abeŋi inyiahi idaha te ekoi ania. : kuyya ekoi ania otto tua hidiofo. 27-28Ania, ette Filipo idioto, ette leten. Buo diya, owon nyia obo elettok olo Abisinia linyia acaharu 'to amiji hosi. Ara nyia inyi elettok ollo obolo bebe, attoŋoni isamiti huno noobu Abisinia. Olo nyia inyi Yerusalem imojori buo fe itahabuyere Hollum. Acaharu nyia inyi amiji hosi ta akarlo#8:27-28 akarlo : obo ariŋ ihuo atoromile onno orihotio akusan, buo amakana obeŋ jihonyi.. Buo ninyia hadaharu inyi, ihiana nyia inyi abuk Isaya, ekianani Hollum. 29Attati Loholio Olibo iramana Filipo jiojio, “Ilo jio akarlo nyia, ajafai iger honyi.” 30Ania, ette Filipo iŋioron jio akarlo ania, ette itaniŋuna atulo lia ihiana abuk Isaya ekianani Hollum, ette ifiyo inyi ojio, “Imijak soho iyye eram enne ihiana iyye ania?”
31Buo elettok lia ette itarraŋ ojio, “Aŋai 'tadi amijak ni awoyo hiram honyi buo tulo nani ebeŋ eramak?” Attati inyi iloŋuna Filipo hatadak ahide karlo itoŋori ikonyi. 32Aŋati otto buk Hollum ninyia ihiana inyi ana:
“Ihuo aker ollo orihoroi ittohori,
ihuo olosobe ollo obeŋ 'to oluaha alla aŋeruni oofir honyi addi,
obeŋ nyia inyi obehu hutuk.
33Itaŋarijoni nyia inyi, oriamarik nyia inyi efauna ahuan honyi.
Ŋai 'tadi ottu ikiana eram ono elahaji honyi?
Nyio, iduhari esu honyi addi ta fau.”
34Attati elettok alia ifiyo Filipo jiojio, “Iko iramak ani, ikiana soho ekianani Hollum olo ahuan honyi, kuyya to obo atulo hama?” 35Attati Filipo itterio ekiana; ette itterio jio ekenita hoduo to buk Hollum ette iramana jihonyi Asayyo Ayijok huno Yesu. 36Ninyia hofuoi isi tehiji ikoi, afanyi nyia isi jio obo amaji anna awattarik omuk aari, ette elettok alia jiaran jio Filipo, “Imijie aari huna! Anyio itihotio nani ifuotuniere batisimo?” 37[Buo Filipo ette jiaran jihonyi, “Iremik iyye ifuotuna batisimo, elle iruk iyye luŋa ta ataji hoi 'daŋ.” Buo atulo alia ette itarraŋ jiojio, “Eruk ni jio ara Yesu Kristo Lonyi Hollum.”]#8:37 Obeŋ ekori ana owon jio omuk egierita.
38Attati elettok lia itawoj akarlo, ette inyi iko Filipo isuronia itua hari, ette Filipo itifuotonia inyi batisimo. 39Ninyia afuonni isi addi totua hari, ette Oloholio olo Lamonye iyaru Filipo addi. Buo elettok alia ette ibiaŋan inyiak igonyuna inyi, ati iculak nyia inyi ekoi honyi ta namuno onno obolo. 40Ati orumak nyia Filipo ahuan honyi Asotus, ette leten many Cesaria buo ittittoyo Asayyo ayijok iborejin gala 'daŋ huttekoi.
Currently Selected:
Ehanita Lefahat 8: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Ehanita Lefahat 8
8
1Iruk nyia Saul ijiara ottohori Stifen.
Ittigemio Saul Eluluŋ Heruhok
To oloŋ tonyia, itterie nyia ettigemio eluluŋ heruhok otto Yerusalem onno orroho bebe ette eruhok 'daŋ isarrara iŋacio Yudea iko Samaria 'daŋ, ofitorik lefahat hama. 2Omuk aati abaŋak Hollum nyia ofuonni inuhana Stifen, ette ihum iyyoo atuari honyi.
3 #
Ehanita 22:4-5; 26:9-11 Ati awak nyia Saul itamuhina eluluŋ heruhok. Ania, ette inyi ilur ahaŋitek heruhok 'daŋ ababo, buo ipihutta aliawa iko aŋoruo, ette itifitana isi ibabus.
Ittittoye Asayyo Ayijok Ifau Samaria
4Tania, attati eruhok hunyia itatturi ilur amasik 'daŋ, buo ittittoye asayyo Hollum. 5Olo nyia Filipo ibore gala enne ittokon#8:5 ibore gala enne ittokon : igioroni omuk jio, abore gala. otto Samaria ette ittittoyo jio aati eram ono Olonyimoto. 6To ninyia itaniŋierek eluluŋi waati jio Filipo buo fe igonyuni eduariti hunyia ihan inyi, ihumi nyia isi siehina ayyaha jio ekenita honyi. 7Ojiŋuni nyia aminiaŋa addi jio aati arriai buo ituruhoi. Itaŋidari nyia buo fe aati arriai hullo oye aŋacio huattek iko aŋurak. 8Tania, obolo nyia amuno jio abore gala ania.
9Amanya nyia lobo atulo jio abore gala ania, afure honyi Simone. Illillihai nyia Samaria abuana honyi bebe. Ojio nyia inyi lobo, 10buo aati 'daŋ, elettaha iko aati asai, hutto bore gala ania ette ihum siehina ayyaha hosi jihonyi, ette jiaran, “Ara atulo alia aduaran Hollum anna anya 'to ‘Aduaran anna Agalik 'to.’ ” 11Ihumi nyia isi siehina ayyaha hosi jihonyi nyio, abolo nyia ellilliha hosi abuana honyi. 12Buo ninyia iruhi isi asayyo ayijok, hunyia ittittoyo Filipo, huno Olobie Hollum iko eram Yesu Kristo, ette isi 'daŋ, aliawa iko aŋoruo, ifuotuna batisimo. 13Iruk nyia buo fe Simone ta ahuan honyi eram ania, ette iduloro adaha iko Filipo ninyia atuk inyi efuotuna batisimo. Illilliha nyia inyi bebe ninyia igonyu inyi ellillihita iko eduariti hunyia ihanie.
14Ninyia itaniŋuni lefahat hutto Yerusalem jio ifuotuni aati Samaria ekiana Hollum, ania ette isi ifahina Petro iko Yoane jihosi. 15Ninyia afanyi isi diya, ette isi imojo jio oŋida bati eruhok hulia ifuotuni Loholio Olibo; 16nyio, hobeŋ nyia obo olosi ifuotu Loholio Olibo. Ati, ifuotuni nyia isi batisimo ijiai ta nafure Yesu, Lamonye. 17Attati Petro iko Yoane iyabana ahas hosi jihosi, buo isi ette ifuotuna Loholio Olibo.
18Ninyia igonyu Simone jio, ifuotuni eruhok Loholio Olibo te eyabana lefahat ahas hosi jihosi, ania ette inyi wahan isiarana agurusi jio Petro iko Yoane, 19ette jiaran, “Hadina buo fe jihoŋ aduaran ania, oŋida buo fe lia, elle eyabak ni ahas hoŋ jihonyi ifuotu Loholio Olibo.”
20Ati ojio nyia Petro jihonyi, “Te egigilo hoi jio iremik adi iyye inyiaŋuna esiorita Hollum ta arobiyaa, ijiara iyye iko agurusi hoi hunia ifuatta iferno! 21Ta abiaŋan taji hoi obis to hosiere Hollum, obeŋ maji jihoi luŋa jio egiama hohoi ana. 22Obusak egigilo hoi onno orroho 'to ania. Omojoi jio Lamonye oŋida ohohi iyye jio egigilita hutto taji hoi hunia. 23Egonyu ni ifut ahaini onno orroho 'to bebe itaji hoi, buo fe eyyau ifit iyye.”
24Attati Simone itarraŋ isi jiojio, “Omojoti jio Lamonye toni. Hèlaha erre hunne ikianati itai hunia iduoŋi jihoŋ.”
25Ninyia atuhoni bo Petro iko Yoane eramana iko ettittoyo eram ono Lamonye, ette isi icaharu Yerusalem buo ittittoroi asayyo ayijok jio amisihi arriai huno Samaria.
Filipo iko obo Elettok Abisinia
26Attati ajilo olo Lamonye iramana jio Filipo jio, “Otte, ilo attany ajunub jio ekoi#8:26 ajunub : kuyya ta akil fanni., onno ottu 'to to Yerusalem many Gasa.” (Abeŋi inyiahi idaha te ekoi ania.)#8:26 Abeŋi inyiahi idaha te ekoi ania. : kuyya ekoi ania otto tua hidiofo. 27-28Ania, ette Filipo idioto, ette leten. Buo diya, owon nyia obo elettok olo Abisinia linyia acaharu 'to amiji hosi. Ara nyia inyi elettok ollo obolo bebe, attoŋoni isamiti huno noobu Abisinia. Olo nyia inyi Yerusalem imojori buo fe itahabuyere Hollum. Acaharu nyia inyi amiji hosi ta akarlo#8:27-28 akarlo : obo ariŋ ihuo atoromile onno orihotio akusan, buo amakana obeŋ jihonyi.. Buo ninyia hadaharu inyi, ihiana nyia inyi abuk Isaya, ekianani Hollum. 29Attati Loholio Olibo iramana Filipo jiojio, “Ilo jio akarlo nyia, ajafai iger honyi.” 30Ania, ette Filipo iŋioron jio akarlo ania, ette itaniŋuna atulo lia ihiana abuk Isaya ekianani Hollum, ette ifiyo inyi ojio, “Imijak soho iyye eram enne ihiana iyye ania?”
31Buo elettok lia ette itarraŋ ojio, “Aŋai 'tadi amijak ni awoyo hiram honyi buo tulo nani ebeŋ eramak?” Attati inyi iloŋuna Filipo hatadak ahide karlo itoŋori ikonyi. 32Aŋati otto buk Hollum ninyia ihiana inyi ana:
“Ihuo aker ollo orihoroi ittohori,
ihuo olosobe ollo obeŋ 'to oluaha alla aŋeruni oofir honyi addi,
obeŋ nyia inyi obehu hutuk.
33Itaŋarijoni nyia inyi, oriamarik nyia inyi efauna ahuan honyi.
Ŋai 'tadi ottu ikiana eram ono elahaji honyi?
Nyio, iduhari esu honyi addi ta fau.”
34Attati elettok alia ifiyo Filipo jiojio, “Iko iramak ani, ikiana soho ekianani Hollum olo ahuan honyi, kuyya to obo atulo hama?” 35Attati Filipo itterio ekiana; ette itterio jio ekenita hoduo to buk Hollum ette iramana jihonyi Asayyo Ayijok huno Yesu. 36Ninyia hofuoi isi tehiji ikoi, afanyi nyia isi jio obo amaji anna awattarik omuk aari, ette elettok alia jiaran jio Filipo, “Imijie aari huna! Anyio itihotio nani ifuotuniere batisimo?” 37[Buo Filipo ette jiaran jihonyi, “Iremik iyye ifuotuna batisimo, elle iruk iyye luŋa ta ataji hoi 'daŋ.” Buo atulo alia ette itarraŋ jiojio, “Eruk ni jio ara Yesu Kristo Lonyi Hollum.”]#8:37 Obeŋ ekori ana owon jio omuk egierita.
38Attati elettok lia itawoj akarlo, ette inyi iko Filipo isuronia itua hari, ette Filipo itifuotonia inyi batisimo. 39Ninyia afuonni isi addi totua hari, ette Oloholio olo Lamonye iyaru Filipo addi. Buo elettok alia ette ibiaŋan inyiak igonyuna inyi, ati iculak nyia inyi ekoi honyi ta namuno onno obolo. 40Ati orumak nyia Filipo ahuan honyi Asotus, ette leten many Cesaria buo ittittoyo Asayyo ayijok iborejin gala 'daŋ huttekoi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003