Ehanita Lefahat 14
14
Awanan Paulo iko Barnaba Ikoniom
1Ara nyia buo fe ihuo nyia ibore gala Ikoniom. Ofuoi nyia Paulo iko Barnaba ihaji emojit ette ikiana onno obis, many iruhorik arriai waati Yudei iko Alufajak 'daŋ. 2Ati isusuye nyia Yudei hunyia obeŋi 'to arai a heruhok Alufajak; ania, ette itisiahina ossi hosi iko eruhok. 3Ania, itoŋorik lefahat hulia diya fur, buo ittiyenie eram ono Lamonye ta agolon tajia. Buo Lamonye ette itasiruna ekiana hosi ta ayiji taji honyi, ette isiarana jihosi aduaran ihaniere eduariti iko ellillihita. 4Obuanyai nyia aati huttono abore gala ania; iruhi nyia omuk eram Yudei, buo hullomuk iruhi eram Paulo iko Barnaba.
5Attati omuk hulo Alufajak iko Yudei, arabotie iko elettaha hosi 'daŋ, iwahan ittigemio lefahat buo fe iruoŋiere isi ta amoruoi. 6Ninyia lamijani lefahat eram ania, ette isi ifuhororo iborejin gala Listra iko Derbe hutta fau Likonia, iko jio aŋacio honyi 'daŋ; 7ette ittittoyo Asayyo Ayijok diya.
Awanan Paulo iko Barnaba, Listra iko Derbe
8Owon nyia obo latulo Listra, elle iluroi hejek. Isiuni nyia inyi ollo oŋura buo fe ittallik idaha. 9Itoŋo nyia inyi diya buo itayirio jio ekenita Paulo. Ninyia amijak Paulo jio owon inyi iko eruk buo fe oremehini itaŋida inyi, ette inyi mijio jihonyi 'tok 'tok, 10ette ikiana jihonyi woŋ woŋ jio jio, “Owotiai 'tor te eejek hoi!” Ette latulo alia ifirri ahide, ette itterio adaha. 11Ninyia igonyuni eluluŋi waati ariŋ enne ihan Paulo ania, ette isi iwuwoŋita te ekiana hosi Likonia jiojio, “Arai ajiohin ihuo aati, isuruni isi jihohoi!” 12Ania, ette isi ifurana Barnaba, Seyos, buo Paulo Hermes, nyio, inyi nyia ihum irahan ahekianani. 13Attati ehumani olo ajiok enne iloŋoi Seyos, iyaŋuno attamoti hisuŋ iko ayaburita ikol. Owon nyia aaji emojit ono ajiok ania iller bore gala ania. Awak nyia inyi iko aati isiarana ehumita jio lefahat hulia.
14Buo ninyia itaniŋuni bo Barnaba iko Paulo eram ania, ette isi igiguas aboŋojin hosi ta ajore, ette iŋioron ihiji iluluŋ buo iwuwoŋitai jiojio, 15#Ajiŋuna 20:11; Afureta 146:6“Hulo, nyio ihaniete itai ihuania? Era hohoi awaati ijiai ihuo itai. Eyaŋuno hohoi jihatai Asayyo Ayijok jio, oŋida itai ibusana erre asai hunia; oyitoti ajio Hollum lesuoni. Inyi oyyeu edou, nafau iko aari enne ittokon, buo erre 'daŋ hunno owoni 'to jihosi. 16Berien, aŋatatta nyia inyi aati 'daŋ hetehaniehe ihuo awahi isi. 17Ati odulo nyia inyi etahutatta awanan honyi, te ehanita honyi hunno oyiji 'to: itasayo inyi jihatai ahide tedou buo fe itaŋidario jihatai amat ta ayafajin hosi; isiorio jihatai aŋiyo buo fe itufucio namuno itajia hatai.” 18Ara duadi bu te ekenita hosi hunia, ittallihini nyia lefahat itik eluluŋ waati isiaraniere ehumita tesi.
19Ati ofuonni nyia lomuk Yudei to Antiok otto Pisidia iko to Ikoniom, ette iloit atajia waati oŋida iruhi eram hosi; ania, ette isi iruoŋ Paulo ta amoruoi. Igigiloi nyia isi jio aye adi Paulo, ette iyataru inyi addi jio abore gala ania. 20Ati ninyia attubanie eruhok iger honyi, ette inyi idioto ahide, ette icaharu attua bore gala. Ojio jio ebotie holoŋ, ette inyi iko Barnaba ifuatan Derbe.
Acaharu Hosi Antiok otto Siria
21Ittittoye nyia Paulo iko Barnaba Asayyo Ayijok Derbe, ette aati arriai iruk. Ojio teya, ette isi icaharu iborejin gala Listra, Ikoniom, iko Antiok atta fau Pisidia, 22itagoliere eruhok buo fe isiŋiere isi oŋida odulori awanan iko neruk. Ittiyenie nyia isi aati jiojio, “Ijiara luŋa erumak ettigemita arriai, ijiŋaniere Ilobie Hollum.” 23Ihanani nyia isi lahou jio eluluŋi heruhok 'daŋ ababo, ette isiarana isi, ta namojo iko ta aferuna, ihas Lamonye elle iruhi isi jihonyi.
24Attati lefahat iŋutoro totto fau Pisidia, ette ifanyan Pamfilia. 25Ittittoye nyia isi asayyo Perga, attati ifuatan Attalia. 26Ojio teya, ette isi icaharu Antiok ta ababur, amaji ninyia isiaranierek isi jio Hollum oŋida omijio isi, te egiama anna atuhoni isi ania.
27Ninyia afanyi isi Antiok, ottubani nyia isi eruhok arabotie, ette iramana jihosi erre 'daŋ hunyia ihan Hollum jihosi. Iramani nyia buo fe isi aŋai aŋatak Hollum ekoi jio Alufajak iruhori. 28Ette isi itoŋo diya fur iko eruhok hulia.
Currently Selected:
Ehanita Lefahat 14: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Ehanita Lefahat 14
14
Awanan Paulo iko Barnaba Ikoniom
1Ara nyia buo fe ihuo nyia ibore gala Ikoniom. Ofuoi nyia Paulo iko Barnaba ihaji emojit ette ikiana onno obis, many iruhorik arriai waati Yudei iko Alufajak 'daŋ. 2Ati isusuye nyia Yudei hunyia obeŋi 'to arai a heruhok Alufajak; ania, ette itisiahina ossi hosi iko eruhok. 3Ania, itoŋorik lefahat hulia diya fur, buo ittiyenie eram ono Lamonye ta agolon tajia. Buo Lamonye ette itasiruna ekiana hosi ta ayiji taji honyi, ette isiarana jihosi aduaran ihaniere eduariti iko ellillihita. 4Obuanyai nyia aati huttono abore gala ania; iruhi nyia omuk eram Yudei, buo hullomuk iruhi eram Paulo iko Barnaba.
5Attati omuk hulo Alufajak iko Yudei, arabotie iko elettaha hosi 'daŋ, iwahan ittigemio lefahat buo fe iruoŋiere isi ta amoruoi. 6Ninyia lamijani lefahat eram ania, ette isi ifuhororo iborejin gala Listra iko Derbe hutta fau Likonia, iko jio aŋacio honyi 'daŋ; 7ette ittittoyo Asayyo Ayijok diya.
Awanan Paulo iko Barnaba, Listra iko Derbe
8Owon nyia obo latulo Listra, elle iluroi hejek. Isiuni nyia inyi ollo oŋura buo fe ittallik idaha. 9Itoŋo nyia inyi diya buo itayirio jio ekenita Paulo. Ninyia amijak Paulo jio owon inyi iko eruk buo fe oremehini itaŋida inyi, ette inyi mijio jihonyi 'tok 'tok, 10ette ikiana jihonyi woŋ woŋ jio jio, “Owotiai 'tor te eejek hoi!” Ette latulo alia ifirri ahide, ette itterio adaha. 11Ninyia igonyuni eluluŋi waati ariŋ enne ihan Paulo ania, ette isi iwuwoŋita te ekiana hosi Likonia jiojio, “Arai ajiohin ihuo aati, isuruni isi jihohoi!” 12Ania, ette isi ifurana Barnaba, Seyos, buo Paulo Hermes, nyio, inyi nyia ihum irahan ahekianani. 13Attati ehumani olo ajiok enne iloŋoi Seyos, iyaŋuno attamoti hisuŋ iko ayaburita ikol. Owon nyia aaji emojit ono ajiok ania iller bore gala ania. Awak nyia inyi iko aati isiarana ehumita jio lefahat hulia.
14Buo ninyia itaniŋuni bo Barnaba iko Paulo eram ania, ette isi igiguas aboŋojin hosi ta ajore, ette iŋioron ihiji iluluŋ buo iwuwoŋitai jiojio, 15#Ajiŋuna 20:11; Afureta 146:6“Hulo, nyio ihaniete itai ihuania? Era hohoi awaati ijiai ihuo itai. Eyaŋuno hohoi jihatai Asayyo Ayijok jio, oŋida itai ibusana erre asai hunia; oyitoti ajio Hollum lesuoni. Inyi oyyeu edou, nafau iko aari enne ittokon, buo erre 'daŋ hunno owoni 'to jihosi. 16Berien, aŋatatta nyia inyi aati 'daŋ hetehaniehe ihuo awahi isi. 17Ati odulo nyia inyi etahutatta awanan honyi, te ehanita honyi hunno oyiji 'to: itasayo inyi jihatai ahide tedou buo fe itaŋidario jihatai amat ta ayafajin hosi; isiorio jihatai aŋiyo buo fe itufucio namuno itajia hatai.” 18Ara duadi bu te ekenita hosi hunia, ittallihini nyia lefahat itik eluluŋ waati isiaraniere ehumita tesi.
19Ati ofuonni nyia lomuk Yudei to Antiok otto Pisidia iko to Ikoniom, ette iloit atajia waati oŋida iruhi eram hosi; ania, ette isi iruoŋ Paulo ta amoruoi. Igigiloi nyia isi jio aye adi Paulo, ette iyataru inyi addi jio abore gala ania. 20Ati ninyia attubanie eruhok iger honyi, ette inyi idioto ahide, ette icaharu attua bore gala. Ojio jio ebotie holoŋ, ette inyi iko Barnaba ifuatan Derbe.
Acaharu Hosi Antiok otto Siria
21Ittittoye nyia Paulo iko Barnaba Asayyo Ayijok Derbe, ette aati arriai iruk. Ojio teya, ette isi icaharu iborejin gala Listra, Ikoniom, iko Antiok atta fau Pisidia, 22itagoliere eruhok buo fe isiŋiere isi oŋida odulori awanan iko neruk. Ittiyenie nyia isi aati jiojio, “Ijiara luŋa erumak ettigemita arriai, ijiŋaniere Ilobie Hollum.” 23Ihanani nyia isi lahou jio eluluŋi heruhok 'daŋ ababo, ette isiarana isi, ta namojo iko ta aferuna, ihas Lamonye elle iruhi isi jihonyi.
24Attati lefahat iŋutoro totto fau Pisidia, ette ifanyan Pamfilia. 25Ittittoye nyia isi asayyo Perga, attati ifuatan Attalia. 26Ojio teya, ette isi icaharu Antiok ta ababur, amaji ninyia isiaranierek isi jio Hollum oŋida omijio isi, te egiama anna atuhoni isi ania.
27Ninyia afanyi isi Antiok, ottubani nyia isi eruhok arabotie, ette iramana jihosi erre 'daŋ hunyia ihan Hollum jihosi. Iramani nyia buo fe isi aŋai aŋatak Hollum ekoi jio Alufajak iruhori. 28Ette isi itoŋo diya fur iko eruhok hulia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003