Ehanita Lefahat 13
13
Onyimuni Barnaba iko Saul ette Ifahina
1Jio eluluŋ heruhok otto Antiok, owoni nyia omuk ettittok hiram Hollum iko ettiyanak heruhok aŋejuho, isi; Barnaba, iko Simion (elle iloŋoi Omoli), Lusios (olo Sirine), iko Manein (linyia itaboloruni arabotie iko Erode#13:1 Erode : Erode Antipas, elettok olo Galilea (imija Luk 3:1). amondir), buo Saul. 2To ninyia omojorik isi Lamonye buo fe oferuni, ikiana nyia Loholio Olibo jihosi jio, “Igialana jihoŋ Barnaba iko Saul, ijiara ofuoi igiama egiama enne eloŋuniere ni isi.” 3Ninyia attohuni isi amojo iko aferuna, ette isi iyabana ahas hosi jio Barnaba iko Saul, ette ifahina isi.
Awanan Barnaba iko Saul, Saipras
4Ifak nyia Loholio Olibo Barnaba iko Saul, ette isi ifuatan many Selusia, buo teya, ette isi ifuatan ta ababur many Saipras. 5Ninyia afanyi isi Salamis, ittittoye nyia isi eram Hollum ihasik Imojiti. Owon nyia Yoane Marko ikosi ahaluahani.
6Oŋutoroi nyia isi ta atua ful many Papos. Diya, onyurani nyia isi obo ebaani, olo Yudei, afure honyi Bar-Yesu, linyia akafatio 'to ahou jio ara inyi ahekianani Hollum. 7Orriahai nyia ebaani alia iko Serjios Paulos, lamondir olo afau aful ania. Ara nyia lamondir alia atulo elle ilofioro. Iloŋu nyia inyi Saul iko Barnaba ihosiere honyi; nyio, awak nyia inyi itaniŋuna ekiana Hollum. 8Ati osuari nyia ebaani alla anya 'to Elimas (afure Bar-Yesu ania te ekiana Grik), Barnaba iko Saul, ette inyi iwahan itik lamondir alia iruhori jio Yesu. 9Ifut nyia Loholio Olibo jio Saul, elle iloŋoi buo fe Paulo, attati inyi ihum mijio jio ebaani alia, 10ette jiaran, “Iyye lonyi Sittan olo! Ira iyye amiottononi hirre 'daŋ hunno oyiji 'to. Ottubai enyobita 'daŋ jihoi, buo fe iyye idulo eloicio elahode ono Lamonye, agesemi! 11Ihuania, abak adi aani ono Lamonye iyye. Iŋodo adi iyye, itte ibiaŋan igonyu noloŋ many ihalu omuk oŋitek.”
Teya teya, ette eriri enne iriok 'tir 'tir imuluhana oŋite Elimas, attati inyi iddaddaru irumaniere obo atulo oŋida orihoro inyi. 12Ninyia igonyu lamondir alia erre hunia, ette inyi iruk, ette buo fe illilliha bebe te ettiyenio ono eram ono Lamonye.
Awanan Barnaba iko Saul Antiok otto Pisidia
13Ofuoi nyia Paulo iko orriahat honyi to Papos ta ababur many Perga, abore gala atta fau Pamfilia. Idiaharu nyia Yoane Marko isi diya, ette icaharu Yerusalem. 14Iculani nyia isi to Perga, ette ifanyan Antiok, atta fau Pisidia. Ojio to oloŋ Sabatto, ette isi ifuatan ihaji emojit, ette itoŋo ifau. 15Ninyia atuhoni ehenio jio Efahita Mose iko jio egierita huno ekianak Hollum, ette elettaha hulo aaji emojit jiaran jihosi jio, “Illarak hohoi, alla awoni omuk erre hunne iwahata itai ikiana itagoliere aati, ikianati.” 16Ania, ette Paulo idioto, ette ifali isi, ette jiaran:
“Itai Israele hohoi, ikatai 'daŋ hulle ibaŋata 'to Hollum, itayiriete jihoŋ! 17Hollum olo Israele nyia onyimu hohonyiok hohoi, ette italuaj isi jio aŋasi hunyia amanyarik isi ifau Masir. Iyaŋuno nyia Hollum isi addi ta fau Masir ta agolon honyi onno obolo 'to, 18ette idihan#13:18: ette idihan : igioroni omuk egierita jio, ette inyi mijio isi. isi aŋasi atomuana aŋuan, itua hidiofo. 19Ninyia itattur inyi amisihi hattarik, hunyia ta fau Kana, ette inyi ihanana aati honyi orutani afau ania. 20Otuhi nyia erre hunia 'daŋ, aŋasi ihuo esiha aŋuan iko atomuana miyet (450)#13:20 Otuhi nyia erre hunia 'daŋ, aŋasi ihuo esiha aŋuan iko atomuana miyet : Ihalu erre huna; Kuyya ihalu omuk aŋasi esiha aŋuan iko atomuana miyet (450)..
“Ihalu erre hunia, isio nyia Hollum jihosi aŋotok hiram many jio oŋitek hunyia ottuniere Samuele, ekianani Hollum. 21Buo ninyia awahi isi oobu, ette Hollum isiarana jihosi Saul lonyi Kis, to woyo ba Benyamin, irari ahobu hosi aŋasi atomuana aŋuan. 22Ninyia iduhari inyi addi, ette Hollum ibuf Dafide ahobu hosi, ette ikiana eram honyi jio, ‘Lanyurak ni jio, Dafide lonyi Yese, ara atulo alla awak ni, elle ihanio adi erre 'daŋ hunna awak ni inyi ihanio.’ 23To woyo Dafide, iduhu nyia Hollum Yesu Ahetalahani waati Israele ihuo ocorok nyia inyi. 24#Mar 1:4; Luk 3:3Ninyia hobeŋ Yesu itterio egiama honyi, ittittoyo nyia Yoane aati Israele 'daŋ jio, ijiara idehini eyyata hosi, ijiara ifuotuni batisimo. 25#Mat 3:11; Mar 1:7; Luk 3:16; Yoa 1:20, 27Buo ninyia iliaha Yoane atuhonia egiama honyi, ette inyi ifiyo aati jio, ‘Igigiloti itai jio nani ŋai? Obiaŋara nani lia, elle itilati itai. Ati, itayiriete! Inyi ollo ottu ihalu hoŋ, abeŋ ni ikoddaŋ asiru ihouniere amuha to hejek honyi.’
26“Itai Israele hohoi, aduri Abramo, ikatai 'daŋ hulle ibaŋata 'to Hollum; ifahuni nyia jihohoi asayyo huna, huno etalahuna! 27Nyio, aati hulla amanyai 'to Yerusalem isi iko elettaha hosi otimoi nyia isi jio, inyi Letalahani lia alia. Otimoi nyia buo fe isi ekenita huno ekianak Hollum, hunne ihenie to oloŋi Sabatto 'daŋ. Ati, te etattohoro hosi Yesu, itasiruni isi ekenita huno ekianak Hollum. 28#Mat 27:22-23; Mar 15:13-14; Luk 23:21-23; Yoa 19:15Duadi bu obeŋi isi onyurani obo epali jihonyi, onno osiru iŋotoniere inyi naye, ikianai nyia isi jio Pilato jio ijiara ottohori inyi. 29Ninyia atuhi isi ehanio erre 'daŋ hunyia igioroni tenyi ibuk Hollum, iduhuni nyia isi inyi to kruce ifau, ette inuhana ilume. 30Ati, itubuhu nyia Hollum inyi toye. 31Oŋitek arriai, oleyehino nyia inyi jio aati hinyia ofuonni 'to ikonyi to Galilea many Yerusalem. Arai aati hulia ihuania, asuuti honyi jio aati Israele. 32-33Ihuania, eyaŋuno hohoi jihatai Asayyo Ayijok. Ihan Hollum erre hunyia ocorok inyi jio hohonyiok hohoi. Ihuania, itasiru inyi ecorit ania jihohoi, aduri hosi, te etubuhuna honyi Yesu. Ihuo igioroni buo fe ifure etarrihi otto buk Fureta jio:
‘Iyye lonyi hoŋ;
Ahana, ara ni Amonyohoi.’
34Ekenita huna, hunyia ikiana Hollum te eram ono etubuhuna honyi Yesu toye, iko abiaŋan honyi adi inyiak iye:
‘Esio adi ni luŋa jihatai emuniti hunno olibori,
hunyia acorok ni jio Dafide.’
35Ikiana nyia buo fe inyi jio aŋati onnobo jio:
‘Ibeŋ adi iyye idehi Legiamani hoi oloyijio, omuyak ilume.’
36Igiamatio nyia Dafide to oŋitek honyi erre hunna awak Hollum, ette iye, ette inuhana inyi iko hohonyiok honyi, buo inyi ette imuyahara ilume. 37Ati obeŋ nyia lia, linyia itubuhu Hollum toye, omuyak ilume. 38-39Heruhok ihuo nani, ewak hohoi oŋida itai imijana jio, ittiyenie jihatai eram ono ahohina iyyata to Yesu. Omijana buo fe jio, tenyi, ohohini adi eyyata waati 'daŋ ababo hulle iruhi 'to jihonyi. Ittallihi nyia efahita Mose ihohina itai jio eyyata hunia. 40Ihumata ti mijio, hèlaha erre hunyia ikianai ekianak Hollum iduoŋi jihatai#13:40 jihatai : obeŋi omuk egierita owoni iko, jihatai.:
41‘Imijiete, itai eyyasak hiram Hollum! Illillihati, oyeti!
Nyio, ariŋ enne ehanio ni ahana,
ibiaŋata adi itai iruhoto,
duadi bu itahutak obo atulo inyi jihatai!’ ”
42Ninyia hofuoi bo Paulo iko Barnaba ta haji emojit, ette aati iramana isi jio ijiara isi ocohunie jio ebotie Sabatto inyiahari ikianari jihosi erre hunia. 43Buo ninyia atturoi aati 'daŋ to mojo, ette aati arriai hulo Yudei iko hulle iruhi 'to emojiti huno aati Yudei, ijifaru Paulo iko Barnaba, buo Paulo iko Barnaba ette ikiana jihosi, ette itagol isi oŋida amanyai ta ayiji taji Hollum.
44Ojio jio ebotie Sabatto, ajio nyia atulo to tua bore gala 'daŋ eŋoro itaniŋuniere ekiana ono Lamonye. 45Ninyia igonyuni Yudei eluluŋi waati, ette ahaini ifut jihosi, ette isi itarisa eram ninyia ikiana Paulo, ette buo fe imorio inyi. 46Ati inyiahi tibuo bo Paulo iko Barnaba iŋere ekiana, ette jiaran jiojio, “Osiru nyia luŋa iramaniere jihatai do ekiana Hollum, ati te ehara hatai inyi, buo fe iŋototo jiojio obeŋ esu 'tulaŋ osiru tetai; tania, edehi adi hohoi itai, efuo adi hohoi jio Alufajak. 47Efahi ana ninyia iramak Lamonye jihohoi jio:
‘Ehanak ni itai irari afaŋan jio Alufajak,
oŋida italahuni aati 'daŋ hutta fau.’ ”
48Ninyia itaniŋuni Alufajak eram ania, ette isi imuno, ette itahabuyo ekiana Hollum; buo hinyia onyimu Hollum ifuotuniere esu 'tulaŋ, ette irahan aheruhok.
49Isarrahi nyia ekiana ono Lamonye jio aŋati nyia 'daŋ. 50Ati isusui nyia Yudei elettaha hulo abore gala ania iko aŋoruo Lufajak hunna asami 'to, hunyia abaŋi 'to Hollum; ette isi itterio ettigemio Paulo iko Barnaba, ette ifuhara isi addi taŋati fau hosi. 51#Mat 10:14; Mar 6:11; Luk 9:5; 10:11Tania, ette lefahat hulia ipipuahara attuduha addi to hejek hosi ajihosi, ette ifuatan ibore gala Ikoniom. 52Ifut nyia namuno iko Loholio Olibo jio eruhok hutto Antiok.
Currently Selected:
Ehanita Lefahat 13: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
Ehanita Lefahat 13
13
Onyimuni Barnaba iko Saul ette Ifahina
1Jio eluluŋ heruhok otto Antiok, owoni nyia omuk ettittok hiram Hollum iko ettiyanak heruhok aŋejuho, isi; Barnaba, iko Simion (elle iloŋoi Omoli), Lusios (olo Sirine), iko Manein (linyia itaboloruni arabotie iko Erode#13:1 Erode : Erode Antipas, elettok olo Galilea (imija Luk 3:1). amondir), buo Saul. 2To ninyia omojorik isi Lamonye buo fe oferuni, ikiana nyia Loholio Olibo jihosi jio, “Igialana jihoŋ Barnaba iko Saul, ijiara ofuoi igiama egiama enne eloŋuniere ni isi.” 3Ninyia attohuni isi amojo iko aferuna, ette isi iyabana ahas hosi jio Barnaba iko Saul, ette ifahina isi.
Awanan Barnaba iko Saul, Saipras
4Ifak nyia Loholio Olibo Barnaba iko Saul, ette isi ifuatan many Selusia, buo teya, ette isi ifuatan ta ababur many Saipras. 5Ninyia afanyi isi Salamis, ittittoye nyia isi eram Hollum ihasik Imojiti. Owon nyia Yoane Marko ikosi ahaluahani.
6Oŋutoroi nyia isi ta atua ful many Papos. Diya, onyurani nyia isi obo ebaani, olo Yudei, afure honyi Bar-Yesu, linyia akafatio 'to ahou jio ara inyi ahekianani Hollum. 7Orriahai nyia ebaani alia iko Serjios Paulos, lamondir olo afau aful ania. Ara nyia lamondir alia atulo elle ilofioro. Iloŋu nyia inyi Saul iko Barnaba ihosiere honyi; nyio, awak nyia inyi itaniŋuna ekiana Hollum. 8Ati osuari nyia ebaani alla anya 'to Elimas (afure Bar-Yesu ania te ekiana Grik), Barnaba iko Saul, ette inyi iwahan itik lamondir alia iruhori jio Yesu. 9Ifut nyia Loholio Olibo jio Saul, elle iloŋoi buo fe Paulo, attati inyi ihum mijio jio ebaani alia, 10ette jiaran, “Iyye lonyi Sittan olo! Ira iyye amiottononi hirre 'daŋ hunno oyiji 'to. Ottubai enyobita 'daŋ jihoi, buo fe iyye idulo eloicio elahode ono Lamonye, agesemi! 11Ihuania, abak adi aani ono Lamonye iyye. Iŋodo adi iyye, itte ibiaŋan igonyu noloŋ many ihalu omuk oŋitek.”
Teya teya, ette eriri enne iriok 'tir 'tir imuluhana oŋite Elimas, attati inyi iddaddaru irumaniere obo atulo oŋida orihoro inyi. 12Ninyia igonyu lamondir alia erre hunia, ette inyi iruk, ette buo fe illilliha bebe te ettiyenio ono eram ono Lamonye.
Awanan Barnaba iko Saul Antiok otto Pisidia
13Ofuoi nyia Paulo iko orriahat honyi to Papos ta ababur many Perga, abore gala atta fau Pamfilia. Idiaharu nyia Yoane Marko isi diya, ette icaharu Yerusalem. 14Iculani nyia isi to Perga, ette ifanyan Antiok, atta fau Pisidia. Ojio to oloŋ Sabatto, ette isi ifuatan ihaji emojit, ette itoŋo ifau. 15Ninyia atuhoni ehenio jio Efahita Mose iko jio egierita huno ekianak Hollum, ette elettaha hulo aaji emojit jiaran jihosi jio, “Illarak hohoi, alla awoni omuk erre hunne iwahata itai ikiana itagoliere aati, ikianati.” 16Ania, ette Paulo idioto, ette ifali isi, ette jiaran:
“Itai Israele hohoi, ikatai 'daŋ hulle ibaŋata 'to Hollum, itayiriete jihoŋ! 17Hollum olo Israele nyia onyimu hohonyiok hohoi, ette italuaj isi jio aŋasi hunyia amanyarik isi ifau Masir. Iyaŋuno nyia Hollum isi addi ta fau Masir ta agolon honyi onno obolo 'to, 18ette idihan#13:18: ette idihan : igioroni omuk egierita jio, ette inyi mijio isi. isi aŋasi atomuana aŋuan, itua hidiofo. 19Ninyia itattur inyi amisihi hattarik, hunyia ta fau Kana, ette inyi ihanana aati honyi orutani afau ania. 20Otuhi nyia erre hunia 'daŋ, aŋasi ihuo esiha aŋuan iko atomuana miyet (450)#13:20 Otuhi nyia erre hunia 'daŋ, aŋasi ihuo esiha aŋuan iko atomuana miyet : Ihalu erre huna; Kuyya ihalu omuk aŋasi esiha aŋuan iko atomuana miyet (450)..
“Ihalu erre hunia, isio nyia Hollum jihosi aŋotok hiram many jio oŋitek hunyia ottuniere Samuele, ekianani Hollum. 21Buo ninyia awahi isi oobu, ette Hollum isiarana jihosi Saul lonyi Kis, to woyo ba Benyamin, irari ahobu hosi aŋasi atomuana aŋuan. 22Ninyia iduhari inyi addi, ette Hollum ibuf Dafide ahobu hosi, ette ikiana eram honyi jio, ‘Lanyurak ni jio, Dafide lonyi Yese, ara atulo alla awak ni, elle ihanio adi erre 'daŋ hunna awak ni inyi ihanio.’ 23To woyo Dafide, iduhu nyia Hollum Yesu Ahetalahani waati Israele ihuo ocorok nyia inyi. 24#Mar 1:4; Luk 3:3Ninyia hobeŋ Yesu itterio egiama honyi, ittittoyo nyia Yoane aati Israele 'daŋ jio, ijiara idehini eyyata hosi, ijiara ifuotuni batisimo. 25#Mat 3:11; Mar 1:7; Luk 3:16; Yoa 1:20, 27Buo ninyia iliaha Yoane atuhonia egiama honyi, ette inyi ifiyo aati jio, ‘Igigiloti itai jio nani ŋai? Obiaŋara nani lia, elle itilati itai. Ati, itayiriete! Inyi ollo ottu ihalu hoŋ, abeŋ ni ikoddaŋ asiru ihouniere amuha to hejek honyi.’
26“Itai Israele hohoi, aduri Abramo, ikatai 'daŋ hulle ibaŋata 'to Hollum; ifahuni nyia jihohoi asayyo huna, huno etalahuna! 27Nyio, aati hulla amanyai 'to Yerusalem isi iko elettaha hosi otimoi nyia isi jio, inyi Letalahani lia alia. Otimoi nyia buo fe isi ekenita huno ekianak Hollum, hunne ihenie to oloŋi Sabatto 'daŋ. Ati, te etattohoro hosi Yesu, itasiruni isi ekenita huno ekianak Hollum. 28#Mat 27:22-23; Mar 15:13-14; Luk 23:21-23; Yoa 19:15Duadi bu obeŋi isi onyurani obo epali jihonyi, onno osiru iŋotoniere inyi naye, ikianai nyia isi jio Pilato jio ijiara ottohori inyi. 29Ninyia atuhi isi ehanio erre 'daŋ hunyia igioroni tenyi ibuk Hollum, iduhuni nyia isi inyi to kruce ifau, ette inuhana ilume. 30Ati, itubuhu nyia Hollum inyi toye. 31Oŋitek arriai, oleyehino nyia inyi jio aati hinyia ofuonni 'to ikonyi to Galilea many Yerusalem. Arai aati hulia ihuania, asuuti honyi jio aati Israele. 32-33Ihuania, eyaŋuno hohoi jihatai Asayyo Ayijok. Ihan Hollum erre hunyia ocorok inyi jio hohonyiok hohoi. Ihuania, itasiru inyi ecorit ania jihohoi, aduri hosi, te etubuhuna honyi Yesu. Ihuo igioroni buo fe ifure etarrihi otto buk Fureta jio:
‘Iyye lonyi hoŋ;
Ahana, ara ni Amonyohoi.’
34Ekenita huna, hunyia ikiana Hollum te eram ono etubuhuna honyi Yesu toye, iko abiaŋan honyi adi inyiak iye:
‘Esio adi ni luŋa jihatai emuniti hunno olibori,
hunyia acorok ni jio Dafide.’
35Ikiana nyia buo fe inyi jio aŋati onnobo jio:
‘Ibeŋ adi iyye idehi Legiamani hoi oloyijio, omuyak ilume.’
36Igiamatio nyia Dafide to oŋitek honyi erre hunna awak Hollum, ette iye, ette inuhana inyi iko hohonyiok honyi, buo inyi ette imuyahara ilume. 37Ati obeŋ nyia lia, linyia itubuhu Hollum toye, omuyak ilume. 38-39Heruhok ihuo nani, ewak hohoi oŋida itai imijana jio, ittiyenie jihatai eram ono ahohina iyyata to Yesu. Omijana buo fe jio, tenyi, ohohini adi eyyata waati 'daŋ ababo hulle iruhi 'to jihonyi. Ittallihi nyia efahita Mose ihohina itai jio eyyata hunia. 40Ihumata ti mijio, hèlaha erre hunyia ikianai ekianak Hollum iduoŋi jihatai#13:40 jihatai : obeŋi omuk egierita owoni iko, jihatai.:
41‘Imijiete, itai eyyasak hiram Hollum! Illillihati, oyeti!
Nyio, ariŋ enne ehanio ni ahana,
ibiaŋata adi itai iruhoto,
duadi bu itahutak obo atulo inyi jihatai!’ ”
42Ninyia hofuoi bo Paulo iko Barnaba ta haji emojit, ette aati iramana isi jio ijiara isi ocohunie jio ebotie Sabatto inyiahari ikianari jihosi erre hunia. 43Buo ninyia atturoi aati 'daŋ to mojo, ette aati arriai hulo Yudei iko hulle iruhi 'to emojiti huno aati Yudei, ijifaru Paulo iko Barnaba, buo Paulo iko Barnaba ette ikiana jihosi, ette itagol isi oŋida amanyai ta ayiji taji Hollum.
44Ojio jio ebotie Sabatto, ajio nyia atulo to tua bore gala 'daŋ eŋoro itaniŋuniere ekiana ono Lamonye. 45Ninyia igonyuni Yudei eluluŋi waati, ette ahaini ifut jihosi, ette isi itarisa eram ninyia ikiana Paulo, ette buo fe imorio inyi. 46Ati inyiahi tibuo bo Paulo iko Barnaba iŋere ekiana, ette jiaran jiojio, “Osiru nyia luŋa iramaniere jihatai do ekiana Hollum, ati te ehara hatai inyi, buo fe iŋototo jiojio obeŋ esu 'tulaŋ osiru tetai; tania, edehi adi hohoi itai, efuo adi hohoi jio Alufajak. 47Efahi ana ninyia iramak Lamonye jihohoi jio:
‘Ehanak ni itai irari afaŋan jio Alufajak,
oŋida italahuni aati 'daŋ hutta fau.’ ”
48Ninyia itaniŋuni Alufajak eram ania, ette isi imuno, ette itahabuyo ekiana Hollum; buo hinyia onyimu Hollum ifuotuniere esu 'tulaŋ, ette irahan aheruhok.
49Isarrahi nyia ekiana ono Lamonye jio aŋati nyia 'daŋ. 50Ati isusui nyia Yudei elettaha hulo abore gala ania iko aŋoruo Lufajak hunna asami 'to, hunyia abaŋi 'to Hollum; ette isi itterio ettigemio Paulo iko Barnaba, ette ifuhara isi addi taŋati fau hosi. 51#Mat 10:14; Mar 6:11; Luk 9:5; 10:11Tania, ette lefahat hulia ipipuahara attuduha addi to hejek hosi ajihosi, ette ifuatan ibore gala Ikoniom. 52Ifut nyia namuno iko Loholio Olibo jio eruhok hutto Antiok.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003