Ehanita Lefahat 11

Ekukubonia Petro Erre jio Eluluŋ Heruhok otto Yerusalem

1Itayiruni nyia lefahat iko eruhok hullomuk hutta fau Yudea 'daŋ jio ifuotuni buo fe Alufajak eram Hollum. 2Ninyia acaharu Petro Yerusalem, ette aati hulle ijifatie 'to efahi ono aboso iŋerejanio jihonyi jiojio, 3“Nyio nyia ilo iyye ihaŋitek waati hullo obeŋi 'to obosoi buo fe iŋiyo ikosi?” 4Ania, ette Petro ikukubonia jihosi erre 'daŋ hunyia iduoŋi 'to many tetteri:

5“Amojo nyia ni ibore gala Joppa, ette obo ariŋ ileyehino jihoŋ ihuo arigia. Egonyu nyia ni obo ariŋ ottu tedou enne iyalu amilaya anna alat enne itawauni ifau ta aguli honyi huna aŋuan, ette ittuna many iger hoŋ. 6Ninyia ehum ni imi, ette ni igonyuna aciaŋi hutto tua miji iko hutto mur, buo erre ihuo amunuok iko aheny. 7Attati ni itayiruna obo etuk ojio jihoŋ jio, ‘Petro otte, ottohoi, ohonyai!’ 8Buo ni ette jiaran, ‘Lamonye, obeŋ luŋa! Nyio, habeŋ ni luŋa alimok itua hutuk hoŋ obo ariŋ onno orroho kuyya enne ibot.’ 9Ati inyiak etuk ania ikiana tedou jiojio, ‘Hèjio jio iboti erre hunno ojio Hollum jio olibori.’ 10Iduoŋ nyia eram ania enyiahita hunihoi, attati inyiaharu ariŋ ania 'daŋ idou. 11Jio asaa nyia, afanyi nyia aati hunihoi ihaŋ ninyia etoŋori ni#11:11 etoŋori ni : igioroni omuk egierita jio, ninyia etoŋori hohoi.. Ifahuni nyia isi jihoŋ to Cesaria. 12Iramak nyia nani Loholio Olibo jio, hèlaha nani akuaya aleten ikosi. Buo illarak hoŋ eruhok hula ille hulo, ette nani inyiamaru Cesaria, ette hohoi 'daŋ fuatan ihaŋ Kornelio. 13Ette inyi iramana hohoi aŋai egonyu nyia inyi ajilo linyia owotia 'to ihaji honyi, ette iramana inyi jio, ‘Ifak obo atulo Joppa iloŋuniere obo latulo afure honyi Simone Petro. 14Iramak adi inyi iyye asayyo hunne italahunierek adi iyye iko aati 'daŋ hutta haŋ hoi.’ 15Ninyia etterio ni ekiana jihosi, ette Loholio Olibo isuuna jihosi ihuo ninyia osuuniere inyi tetteri jihohoi. 16#Ehanita 1:5Attati ni igiluna erre hunyia ikiana Lamonye jiojio, ‘Itifuocio nyia Yoane batisimo ta aari, ati itifuotoni adi jihatai batisimo to Loholio Olibo.’ 17Elle isiarak Hollum esiorio honyi jio Alufajak ihuo ninyia isiaraniere inyi jihohoi te eruk hohoi jio Yesu Kristo Lamonye; ŋai nyiati ni, iwahari itik Hollum?”

18Ninyia itayiruni isi erre huna, ette isi idehina eŋerejita jio Petro, ette itahabuyo Hollum jiojio, “Alla ara ihuo nyia, aŋatak Hollum buo fe Alufajak ehara iyyata enne iyaŋuno 'to esu.”

Eluluŋ Heruhok Otto Antiok

19 # Ehanita 8:1-4 To ninyia ottohorik Stifen, ottu nyia ettigemio jio eruhok arriai, many isarrarik omuk hulosi Fonisia, Saipras, iko Antiok, ette iramana asayyo huno Yesu jio Yudei hama. 20Ati owoni nyia omuk hulosi, hunyia ofuonni 'to to Saipras iko to Sirine, ette ifuatan Antiok, ette ittittoyo asayyo Yesu, Lamonye, jio Alufajak#11:20 Alufajak : igioroni omuk egierita jio, Yudei ekianak Grik, kuyya aati ekianak Grik.. 21Owon nyia aduaran ono Lamonye ikosi, ette aati arriai iruk, ette iyito ajio Lamonye.

22Ninyia afany eram ono asayyo huna jio eluluŋ heruhok otto Yerusalem, ania ette isi ifahina Barnaba Antiok. 23Omuno nyia inyi bebe ninyia alum inyi diya, ette igonyuna ayiji ono Hollum jio aati hulia, ette ihum ittittohina jihosi 'daŋ jio, itagoloto atajia, oduloro jio Lamonye. 24Ara nyia Barnaba atulo oloyijio ollo owon iko Loholio Olibo buo eruk, buo aati arriai ette iruk jio Lamonye. 25Attati Barnaba leten Tarsas ittifiari Saul. 26Ninyia anyurak inyi Saul, ette inyi iyaru inyi Antiok. Eŋa abotie, ottubatie nyia aati hula arrihai hulo iko eluluŋ heruhok, buo fe ittiyenie eluluŋ waati enne ittok. Itterie nyia eloŋo eruhok jio, Kristiani to Antiok.

27Jio oŋitek hua, ofuoi nyia omuk ekianak Hollum to Yerusalem many Antiok, 28#Ehanita 21:10ette lobo olosi afure honyi Agabus idioto, ette ikiluna, ta aduaran ono Loholio, jiojio, ottu adi ahure onno orroho 'to ifau 'daŋ. (Iduoŋ nyia ahure ania to ninyia arari Klaudio ahobu elle ittokon.) 29Ania, awaharik lejifak ifahiniere eluahiti, ihuo eremik isi 'daŋ ababo iluahiere, eruhok ihuo isi hulla amanyai 'to Yudea. 30Ihani nyia isi ihuo nyia, ette ifahina Barnaba iko Saul ijiara iyarai eluahiti hunia jio lahou iluluŋ heruhok.

Currently Selected:

Ehanita Lefahat 11: EA2003

Highlight

Copy

Compare