2 TIMOTEYO 4

1Ihosiere Hollum iko Kristo Yesu, hullo ofuonni 'to iŋocio neram hesuok iko ayaak, buo fe ta attuna Kristo ilohittok a hobu, ehum ni ikiana jihoi jio, 2ittiyenie eram Hollum. Oduloi ettittoyo inyi (duadi bu obis asaa kuyya obeŋ), itamijananiere aati epalita hosi buo fe iriŋiere isi jio eyyata hosi. Itagolo buo fe atajia hosi buo ittiyenio ta abijon tua. 3Ofuonni adi oŋitek hunne iharik aati etayirio ettiyenita hunno obisi 'to. Ijifatie adi isi erre hunna awahi isi buo fe ofuoi iddudduhuno ettiyanak arriai hullo ofuonni 'to iramani jihosi erre hunna awahi ayyaha hosi etayirio. 4Oyitoni adi isi oruoŋite jio nelahode, ette sihina ayyaha hosi 'daŋ jio eyabita eberien. 5Ati, ihuma ittoŋ ahuan; odiha ettigemio, ihanie egiama ono ettittoni Sayyo Ayijok, otuhok luŋa 'daŋ egemita hoi ihuo apit Hollum.

6Alla ara jihoŋ, alum luŋa asaa onno ottohorik ani irari ihuo ehumi; attuba luŋa jihoŋ idiahari amanya afau ana. 7Jio arracita ania, akem ni bebe; aŋer ni many isidi, agottiere ni neruk ania#4:7 agottiere ni neruk ania : kuyya, arai hode jio ecorit hoŋ.. 8Te etabisanio hoŋ to hosiere Hollum, esiorio ono agalihina enne itila nani ihuania. Olo adi Lamonye, aŋotoni hiram ollo obosi 'to, isiarana esiorio ania jihoŋ jio Oloŋ nyia; obiaŋara jihoŋ hama, ati, jio hia 'daŋ hulle itilai 'to aleyehino honyi.

Esiŋita jio Timoteyo

9Okiama luŋa ittuniere jihoŋ kokuak. 10#Kol 4:14; Fel v:24; 2Kor 8:23; Gal 2:3; Tit 1:4Omuno Demas bebe erre afau many idehi nani, ette leten Tesalonika. Alo Krisens, Galasia, buo Tito olo Dalmasia. 11#Kol 4:14; 4:10; Fel v:24; Ehanita 12:12, 25; 13:13; 15:37-39Luka hama elle ewon 'to ikoŋ. Ottifieu Marko, ifuanna ikonyi; nyio, oremik inyi nani iluak te egiama. 12#Ehanita 20:4; Efe 6:21-22; Kol 4:7-8Efak ni Tikikos ibore gala Efeso. 13#Ehanita 20:6Elle ittu iyye, asarunie iko akout hoŋ ninyia ediehuno ni Trowas jio Karpos; iyaŋunie buo fe iko abuhi, agalik ati hunne ihuhumi to muhunyo.

14 # 1Tim 1:20; Rom 2:6 Alesandro, eduoŋoni bilat, ihan nyia jihoŋ onno orroho bebe; ati isiarak adi Lamonye jihonyi ettigemita hunno osiruni te ehanita honyi. 15Ihuma mijio inyi bebe; nyio, iha nyia inyi bebe bebe asayyo hunyia ettittoyo hohoi.

16Tetteri hoŋ iwotiari ilokikoi, obeŋ nyia tulo teger hoŋ; atturohini nyia isi nani 'daŋ. Hèlaha Hollum ihianak epalita hunia jihosi. 17Ati, owon nyia Lamonye ikoŋ, ette isiarana jihoŋ agolon iremehiniere ittittoyere asayyo honyi 'daŋ oŋida Alufajak 'daŋ itayiruni. Ania, italuahunierek nani to ye. 18Italuahu adi Lamonye nani jio arrohojita 'daŋ, ette iyaru nani onno oyyu jio Olobie honyi ettedou. Hatawana nakuatan jihonyi 'tulaŋ mak! Amen.

Efonyita Etisidita

19 # Ehanita 18:2; 2Tim 1:16-17 Efonya ni Prisila iko Akuila buo aati hutta haŋ Onesiforo. 20#Ehanita 19:22; 20:4; 21:29; Rom 16:23Arasa nyia Erastos Korinto, buo ni ediehuno Trofimos Miletos nyio, oŋuai nyia inyi. 21Okiama luŋa ittuniere jihoŋ hobeŋi ayafajin hacoro afanyi.

Ifuanyai bo Yubulu, Pudens, Lino iko Klaudio; itifonyai buo fe Kristiani hullomuk 'daŋ.

22Ijiara Lamonye hatawana jio oloholio hoi.

Hatawana ayiji taji Hollum jihatai 'daŋ.

Currently Selected:

2 TIMOTEYO 4: EA2003

Highlight

Copy

Compare