2Korinto 6
6
1Alla ara te egiama hohoi jio Hollum, ettana hohoi itai hulle ifuotuna 'to ayiji taji Hollum jio, hèlaha olo asai. 2Itayiruna eram onno ojio Hollum jio:
“Ninyia attuba asaa hoŋ italuahiere itai,
etayiru nyia ni eram hatai;
ninyia attuba oloŋ hoŋ italahuniere itai,
etaluahu nyia ni itai.”
Itayiriete! Asaa ana ono aluahio, ahana oloŋ ono etalahuno!
3Ebeŋ hohoi ewak obo atulo orumak obo epali jio egemita hohoi, ania, ebiaŋari hohoi ehananiere etakuahi ihikoi obo atulo. 4Ati, te ehanita 'daŋ, etahutak hohoi jio, era hohoi a hegiamak Hollum ta adihan hohoi dee ettigemita, agolon manya, arrohojita, 5#Ehanita 16:23abahio, efita ibabus, eŋiŋario, epito onno ogol, aŋotihina joto, iko ehuria. 6Era hohoi a hegiamak Hollum ta alibori tajia, ta amijana, ta adihan, ta anyalami, to Loholio Olibo, te etabuorio tajia hode, 7te ekiana anna ara 'to hode, iko ta agolon Hollum. Ara abisan a hilluk iko abuhu hohoi, irumoniere buo fe ifauniere ahuattek hohoi. 8Itahabuye buo fe itafittaŋie hohoi; emori hohoi buo fe etahuye. Omijie hohoi ihuo era hohoi agesomok, ati, ekiana hohoi ahode hode; 9ihuo ollo otimoi hohoi, ati omijani hohoi 'daŋ; ihuo elle eye hohoi, ati esu hohoi ihuo igonyuna itai. Duadi bu ittigemie hohoi, ati obeŋi ottohori hohoi; 10itajiriŋi, edulo amuno; era ihuo elle elociaŋ, ati etasamak aati arriai; era ihuo elle ebeŋ ewon iko obo ariŋ, ati ewon iko erre 'daŋ.
11Illarak iko haniyarak hohoi hutto Korinto, ekiana hohoi jihatai sar sar; obuori atajia hohoi itai 'daŋ. 12Itai hulle itamutarata 'to abuaran tajia hatai jihohoi, buo obiaŋara hohoi etamuta abuaran tajia hohoi jihatai. 13Ekiana ni jihatai ihuo elle irata itai aduri hoŋ: ihaniete jihohoi ihuo enne ehaniere hohoi jihatai. Itabuarata atajia hatai.
Asario te Eram Hatimok Hollum
14Hègiamati ihuo elle irriamara itai iko aati hullo obeŋi 'to arai a heruhok. Aŋai oremik abisan inoso iko epali? Aŋai oremik afaŋan itoŋo arabotie iko edumele? 15Anyio itaruaŋak Kristo iko Sittan? Anyio inosok eruhoni iko atulo ollo obeŋ 'to ara a heruhoni? 16#1Kor 3:16; 6:19Anyio itaruaŋak Aaji emojit enne ittokon ono Hollum iko arrijiorita jiohin? Era a haji Hollum lesuoni! Ihuo ojio nyia Hollum jio:
“Etoŋo adi ni iko aati hoŋ,
amanya adi ni ihiji hosi;
ara adi ni a Hollum hosi,
buo isi arai a waati hoŋ.”
17Inyi buo fe onno ojiari Lamonye jio,
“Idehina luŋa isi,
opiahatti addi jihosi.
Hèttiroto obo ariŋ enne ibot 'to,
buo ni adi ette iruk itai.
18Ojio Lamonye Laduarani jio,
ara adi ni a monyatai,
buo itai irata a lonyirok iko aŋarriok hoŋ.”
Currently Selected:
2Korinto 6: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
2Korinto 6
6
1Alla ara te egiama hohoi jio Hollum, ettana hohoi itai hulle ifuotuna 'to ayiji taji Hollum jio, hèlaha olo asai. 2Itayiruna eram onno ojio Hollum jio:
“Ninyia attuba asaa hoŋ italuahiere itai,
etayiru nyia ni eram hatai;
ninyia attuba oloŋ hoŋ italahuniere itai,
etaluahu nyia ni itai.”
Itayiriete! Asaa ana ono aluahio, ahana oloŋ ono etalahuno!
3Ebeŋ hohoi ewak obo atulo orumak obo epali jio egemita hohoi, ania, ebiaŋari hohoi ehananiere etakuahi ihikoi obo atulo. 4Ati, te ehanita 'daŋ, etahutak hohoi jio, era hohoi a hegiamak Hollum ta adihan hohoi dee ettigemita, agolon manya, arrohojita, 5#Ehanita 16:23abahio, efita ibabus, eŋiŋario, epito onno ogol, aŋotihina joto, iko ehuria. 6Era hohoi a hegiamak Hollum ta alibori tajia, ta amijana, ta adihan, ta anyalami, to Loholio Olibo, te etabuorio tajia hode, 7te ekiana anna ara 'to hode, iko ta agolon Hollum. Ara abisan a hilluk iko abuhu hohoi, irumoniere buo fe ifauniere ahuattek hohoi. 8Itahabuye buo fe itafittaŋie hohoi; emori hohoi buo fe etahuye. Omijie hohoi ihuo era hohoi agesomok, ati, ekiana hohoi ahode hode; 9ihuo ollo otimoi hohoi, ati omijani hohoi 'daŋ; ihuo elle eye hohoi, ati esu hohoi ihuo igonyuna itai. Duadi bu ittigemie hohoi, ati obeŋi ottohori hohoi; 10itajiriŋi, edulo amuno; era ihuo elle elociaŋ, ati etasamak aati arriai; era ihuo elle ebeŋ ewon iko obo ariŋ, ati ewon iko erre 'daŋ.
11Illarak iko haniyarak hohoi hutto Korinto, ekiana hohoi jihatai sar sar; obuori atajia hohoi itai 'daŋ. 12Itai hulle itamutarata 'to abuaran tajia hatai jihohoi, buo obiaŋara hohoi etamuta abuaran tajia hohoi jihatai. 13Ekiana ni jihatai ihuo elle irata itai aduri hoŋ: ihaniete jihohoi ihuo enne ehaniere hohoi jihatai. Itabuarata atajia hatai.
Asario te Eram Hatimok Hollum
14Hègiamati ihuo elle irriamara itai iko aati hullo obeŋi 'to arai a heruhok. Aŋai oremik abisan inoso iko epali? Aŋai oremik afaŋan itoŋo arabotie iko edumele? 15Anyio itaruaŋak Kristo iko Sittan? Anyio inosok eruhoni iko atulo ollo obeŋ 'to ara a heruhoni? 16#1Kor 3:16; 6:19Anyio itaruaŋak Aaji emojit enne ittokon ono Hollum iko arrijiorita jiohin? Era a haji Hollum lesuoni! Ihuo ojio nyia Hollum jio:
“Etoŋo adi ni iko aati hoŋ,
amanya adi ni ihiji hosi;
ara adi ni a Hollum hosi,
buo isi arai a waati hoŋ.”
17Inyi buo fe onno ojiari Lamonye jio,
“Idehina luŋa isi,
opiahatti addi jihosi.
Hèttiroto obo ariŋ enne ibot 'to,
buo ni adi ette iruk itai.
18Ojio Lamonye Laduarani jio,
ara adi ni a monyatai,
buo itai irata a lonyirok iko aŋarriok hoŋ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003