2Korinto 5
5
1Emijak hohoi jio, elle itattur aaji musiama enne emanyari ana ifau, owon aaji lidou enne isiarak Hollum jihohoi; aaji onno osio 'to 'tulaŋ, onno obeŋi oduhi ta ahas tulo. 2Ihuania, eluahatio dini, ewak luŋa oŋida oburuhani hohoi ta aaji ettedou; 3elle imuhoni hohoi tenyi ihuo aboŋo, ebeŋ adi eŋaturo. 4Ihuania, hémanya jio aaji musiama atta fau ana, eluahatio iko ettigemita. Obiaŋara jio, ewak idehina ahuattek hohoi hutta fau huna. Ati, ewak jio, oŋida oburuhani ahuattek hohoi ta aaji ettedou jio; oŋida iloiti ariŋ onno oremik 'to iye, ariŋ enne isu 'to 'tulaŋ. 5Hollum, inyi ihuhumak hohoi jio eram ania. Inyi buo fe isiarak jihohoi Oloholio honyi itahutaniere jio, erre 'daŋ hunno ottunak inyi to hohoi, arai adi luŋa ahunohoi.
6Ania, odulorik atajia hohoi igolon. Emijak jio, elle hémanya jio ahuattek huna, elama to hosiere Lamonye. 7Nyio, emanya te neruk, obiaŋara te erre hunne egonyu. 8Ogoli atajia hohoi, osiru duo jihohoi idehiniere ahuattek hohoi, ette fuatan ihosiere Lamonye. 9Duadi bu ewon jio amanya ana kuyya jio amanya ono moi, ewak luŋa itamunoyo inyi. 10#Rom 14:10Nyio, efuo luŋa 'daŋ ababo iwotia ihosiere Kristo, oŋida inyi oŋot eram hohoi. Efuo adi 'daŋ ababo ifuotuna ayiji kuyya arrohoji ihuo oremik te ehanita hunyia ehan hémanya ifau dini.
Arriaha iko Hollum tottolo Kristo
11Emijak hohoi awoyo hiram ono abaŋi Lamonye, inyi enne ewahari hohoi jio, ijiara luŋa aati hullomuk abaŋi inyi. Omijak Hollum hohoi bebe; eyihi buo fe ni jio, imijana itai nani ta atajia hatai. 12Ebeŋ hohoi enyiak itahucio ahuattek hohoi jihatai. Ati, ewak hohoi itahutani jihatai ekoi itadarari to hohoi jio, oŋida bati iremehina itarraŋ ekenita hia, hulle itadarai 'to te ehanita tulo buo obiaŋara te erre hutto tua honyi. 13Elle esita hohoi, ara te eram Hollum. Buo ollo obisi ossi hohoi, ara te eram hatai. 14Emanya hohoi ta abuaran taji Kristo, nyio, eruk hohoi jio, oye nyia atulo abotie ta aati 'daŋ. Itahutak ania jio ayei aati 'daŋ ikonyi. 15Oye nyia inyi ta aati 'daŋ jio, oŋida esuok obeŋi inyiahi imanya a hulo ahuattek hosi, ati a hulo lia linyia oye 'to, ette itubuhuna te eram hosi.
16Ihuania, hèlaha enyiak iŋot eram obo atulo te ekoi onno oŋocierek aati eram. Duadi bu eŋocio nyia eram Kristo te ekoi onno oŋocierek aati eram, hèlaha enyiak ihanio ihuo nyia. 17Tania, atulo elle inosonio 'to iko Kristo, ara inyi aŋejuk; abeŋ amanya eberien, attu amanya aŋejuk. 18Hollum ihan erre hunia 'daŋ. Inyi nyia itimuoru hohoi ollo orriahat honyi to Kristo, ette isiarana jihohoi egiama itimuaraniere aati ikonyi. 19Ejio jio, itimuoru nyia Hollum aati 'daŋ to Kristo.#5:19 itimuoru nyia Hollum aati 'daŋ to Kristo : kuyya owon nyia Hollum jio Kristo itimuoruniere aati 'daŋ. Obeŋ nyia Hollum ogottiere eyyata hosi itaji honyi, inyi enne isiaraniere inyi jihohoi egiama ono emuara.
20Ifahuni hohoi dini ikianari eram Kristo, ihuo Hollum alla attana 'to alia to hohoi. Ta afure Kristo, ettana hohoi itai; imuarati iko Hollum. 21Obeŋ nyia eyyau jio Kristo, ati, te eram hohoi itiwwahini nyia jihonyi edumit heyyak jio, oŋida bati efuotu abisan Hollum te enoso ikonyi.
Currently Selected:
2Korinto 5: EA2003
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003
2Korinto 5
5
1Emijak hohoi jio, elle itattur aaji musiama enne emanyari ana ifau, owon aaji lidou enne isiarak Hollum jihohoi; aaji onno osio 'to 'tulaŋ, onno obeŋi oduhi ta ahas tulo. 2Ihuania, eluahatio dini, ewak luŋa oŋida oburuhani hohoi ta aaji ettedou; 3elle imuhoni hohoi tenyi ihuo aboŋo, ebeŋ adi eŋaturo. 4Ihuania, hémanya jio aaji musiama atta fau ana, eluahatio iko ettigemita. Obiaŋara jio, ewak idehina ahuattek hohoi hutta fau huna. Ati, ewak jio, oŋida oburuhani ahuattek hohoi ta aaji ettedou jio; oŋida iloiti ariŋ onno oremik 'to iye, ariŋ enne isu 'to 'tulaŋ. 5Hollum, inyi ihuhumak hohoi jio eram ania. Inyi buo fe isiarak jihohoi Oloholio honyi itahutaniere jio, erre 'daŋ hunno ottunak inyi to hohoi, arai adi luŋa ahunohoi.
6Ania, odulorik atajia hohoi igolon. Emijak jio, elle hémanya jio ahuattek huna, elama to hosiere Lamonye. 7Nyio, emanya te neruk, obiaŋara te erre hunne egonyu. 8Ogoli atajia hohoi, osiru duo jihohoi idehiniere ahuattek hohoi, ette fuatan ihosiere Lamonye. 9Duadi bu ewon jio amanya ana kuyya jio amanya ono moi, ewak luŋa itamunoyo inyi. 10#Rom 14:10Nyio, efuo luŋa 'daŋ ababo iwotia ihosiere Kristo, oŋida inyi oŋot eram hohoi. Efuo adi 'daŋ ababo ifuotuna ayiji kuyya arrohoji ihuo oremik te ehanita hunyia ehan hémanya ifau dini.
Arriaha iko Hollum tottolo Kristo
11Emijak hohoi awoyo hiram ono abaŋi Lamonye, inyi enne ewahari hohoi jio, ijiara luŋa aati hullomuk abaŋi inyi. Omijak Hollum hohoi bebe; eyihi buo fe ni jio, imijana itai nani ta atajia hatai. 12Ebeŋ hohoi enyiak itahucio ahuattek hohoi jihatai. Ati, ewak hohoi itahutani jihatai ekoi itadarari to hohoi jio, oŋida bati iremehina itarraŋ ekenita hia, hulle itadarai 'to te ehanita tulo buo obiaŋara te erre hutto tua honyi. 13Elle esita hohoi, ara te eram Hollum. Buo ollo obisi ossi hohoi, ara te eram hatai. 14Emanya hohoi ta abuaran taji Kristo, nyio, eruk hohoi jio, oye nyia atulo abotie ta aati 'daŋ. Itahutak ania jio ayei aati 'daŋ ikonyi. 15Oye nyia inyi ta aati 'daŋ jio, oŋida esuok obeŋi inyiahi imanya a hulo ahuattek hosi, ati a hulo lia linyia oye 'to, ette itubuhuna te eram hosi.
16Ihuania, hèlaha enyiak iŋot eram obo atulo te ekoi onno oŋocierek aati eram. Duadi bu eŋocio nyia eram Kristo te ekoi onno oŋocierek aati eram, hèlaha enyiak ihanio ihuo nyia. 17Tania, atulo elle inosonio 'to iko Kristo, ara inyi aŋejuk; abeŋ amanya eberien, attu amanya aŋejuk. 18Hollum ihan erre hunia 'daŋ. Inyi nyia itimuoru hohoi ollo orriahat honyi to Kristo, ette isiarana jihohoi egiama itimuaraniere aati ikonyi. 19Ejio jio, itimuoru nyia Hollum aati 'daŋ to Kristo.#5:19 itimuoru nyia Hollum aati 'daŋ to Kristo : kuyya owon nyia Hollum jio Kristo itimuoruniere aati 'daŋ. Obeŋ nyia Hollum ogottiere eyyata hosi itaji honyi, inyi enne isiaraniere inyi jihohoi egiama ono emuara.
20Ifahuni hohoi dini ikianari eram Kristo, ihuo Hollum alla attana 'to alia to hohoi. Ta afure Kristo, ettana hohoi itai; imuarati iko Hollum. 21Obeŋ nyia eyyau jio Kristo, ati, te eram hohoi itiwwahini nyia jihonyi edumit heyyak jio, oŋida bati efuotu abisan Hollum te enoso ikonyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© The Bible Society in South Sudan 2003