Dhek 9
9
Guiëër ë Löŋ de Juöör Thiääk në Yithriɛl
1 #
Yith 17:1-3; Jer 49:23-27; Amo 1:3-5. #Yith 23:1-18; Edh 26:1–28:26; Jol 3:4-8; Amo 1:9,10; Math 11:21,22; Luk 10:13,14. Kë cï Bɛ̈nydït lueel kï: Akɔɔr nɔn lui yen piny de Ɣadrak këtuc, kekë Damathko. Ku kɔc kedhie abïk kenyïïn puɔ̈k Bɛ̈nydït cït man cï dhiëën ke Yithriɛl kenyïïn puk. 2Ayï Ɣamath nu akeu nɔm ayadäŋ, ayï Tayer kekë Thidon, na cakaa nɔn pel kek nïïmë 3Tayer acï rɔt yiëk ɣään ril, ku acï adhɛ̈p thɔɔc nïïm ayï ateek, ka acïk ciët abuui. 4Ku Bɛ̈nydït abï këriëëcde nyaai ëbɛ̈n. Abï këriëëc piɛthde wäl wïïr, ku nyop wut piny taitai.
5 #
Yith 14:29-31; Jer 47:1-7; Edh 25:15-17; Jol 3:4-8; Amo 1:6-8; Dhep 2:4-7. Acekelon abï riɔ̈ɔ̈c të le yen ee kënë tïŋ. Ku Gadha abï ë thiëu kuemic arëët. Ku aŋäth de Ekeron abï riäär. Melik de Gadha abï thou, ku Acekelon abï pɔ̈l. 6Acedɔd abï cieŋ në juöör kith yiic. Aye Bɛ̈nydït lueel an, “Yɛn bï lɛc de Pilithiin teem kɔ̈u. 7Yɛn bï riɛm nyaai në yethok, ku nyaai riääkde në yelec, yen aya abï döŋ ke ee kɔc lik në biäk de Nhialicda, abï ciët dhiën ë Juda, ku Ekeron abï ciët#9:7: kɔc ke jebuth: Kɔc ë kɔn Jeruthalem cieŋ, wään cïï Debid ke bɛ̈n cieŋ wään cï yen wut peec. kɔc ke Jebuth. 8Yɛn bï pinydï gël apiɛth, ku acïn rem de tɔŋ bï ye bɛ reetic. Kɔckï acä keek bï bɛ tɔ yɔŋ ë raan ananden, abä keek gël në yɛn.
Bɛ̈n de Melik Wadäŋ
9 #
Math 21:5; Jɔn 12:15. Miɛtëpiɔ̈u arëët, nyan de Dhiɔn,
moc kiɛɛu, nyan de Jeruthalem!
Tiëŋkï, melikdun abɔ̈ tënu wek thïn!
Abɔ̈ ke cï duaŋ nɔm, ku ë tiam,
ku ë rɔt kuɔɔr piny, ka acath në muul kɔ̈u,
acath adhäny thiin ë muul kɔ̈u.
10 #
Diɛt 72:8. Aye Bɛ̈nydït lueel an,
“Yɛn bï abëël ke tɔŋ nyaai ë Yithriɛl,
ku jat jöŋgöör ë Jeruthalem,
ku riääk dhɛ̈ŋ ye kɔc muc.
Melikdun abï mät looi ë juöör yiic,
ciɛɛŋde abï gɔl në wɛ̈ɛ̈r alɔ gut ë wɛ̈ɛ̈r däŋë,
ku gɔl ë wɛ̈ɛ̈r ë Yuparat kɔ̈u leer ë piny thar.
Luääk de kɔc ke Nhialic
11 #
Bɛ̈n 24:8. Aye Bɛ̈nydït lueel an,
‘Në biäk de mändï wo week,
män cï thaany në riɛm,
yɛn bï kɔcku luöny bei
në pul cïn yic pïïu, pul de pɛ̈c.
12Puɔ̈kkï röt pinydun wek kɔc ë cï peec, wek cï dɛ aŋäth ënɔɔnë,
acä teem ë köölë nɔn bän we puɔ̈k nïïm ka mat kakun yiic raan rou.
13Yɛn bï Juda tɔ cït dhaŋ de rem de tɔŋ
ku ta Yithriɛl tɔ cït wiɛth ke dhaŋ.
Yɛn bï kɔc ke Dhiɔn tɔ cït abätɛ̈ɛ̈u,
piät ɛn wokë kɔc ke Girikii.
14Ku ëtɛ̈ɛ̈n, Bɛ̈nydït abï tuöl në kɔcke nïïm,
abï wiɛth ke moc cït man ë wil de deŋ.
Bɛ̈nydït Awärjäŋ abï kaaŋ kooth,
abï jäl në amaŋic të lɔ wöuwic.
15Bɛ̈nydït de rɛm abï kɔcke gël,
ka abïk kɔc ke ater riɔ̈ɔ̈k.
Abïk aa kïïu tɔŋ cï ka cï mɔ̈u wit,
ku lëukï kɔc ke ater riɛm,
riɛm bï kuëër cït man ye riɛm de miɔ̈c näk
wɛt piny në yïk nɔm.#9:15: Cöök 15 acie yökic në Ɣeberuu.
16Wadäŋ të le köölë bɛ̈n, Bɛ̈nydït abï kɔcke luök,
cït man ye tïït thök luök.
Ka kɔcke abïk lɔ riauriau ë piny yic
cït man ë kur läk cï ke göl jäm.
17Piny abï kuöc läk arëët ëtɛ̈ɛ̈n.
Rɛɛpke abïk dhuök tɔ ril, ku tɔ mɔ̈u dhueec ril.
Currently Selected:
Dhek 9: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
