Dhek 5
5
Nyuuth de Awerek Pär
1Na wën, ke ya be yanyin jat nhial, guɔ awerek tïŋ a pär nhial. 2Na wën, ke tunynhial ë lop ɛn an, “Eeŋö cï tïŋ? Guɔ puk nɔm an, “Ee awerek yen acä tïŋ ke pär nhial. Bɛ̈ɛ̈r de awerek kɔ̈u ee mitïïr kadhoŋuan, ku dït de yenyic ee mitïïr kaŋuan ku biäk.
3Na wën, ke jɔ lɛ̈k ɛn an, “Kënë aciɛɛn bɔ̈ në pinynɔm ëbɛ̈n. Raan ëbɛ̈n, raan lɔ cuëër abï nyaai në piny yic, acï awerek ye lueel aya në biäk däŋë an raan lɔ kuëëŋ në lueth, abï nyaai në piny yic cït man cï awerek ye lueel. 4Acï Bɛ̈nydït de rɛm lueel an bï aciɛɛn tuɔɔc në ɣööt ke cuɛ̈ɛ̈r yiic, ku ɣööt ke kɔc ee kuëëŋ në lueth yiic. Abï lɔ në ɣöötken yiic, ku nyiëëŋ ke piny ke ke cï riääk taitai.
Nyuuth de Tiiŋ nu ë Diöny Yic
5Na wën, ke tunynhial wën jam ke yɛn ëbɔ̈, ku lëk ɛn an, “Jatë yïnyin nhial, ku tïŋ eeŋö ee kë bɔ̈ beiyë!
6Guɔ luɔp an, “Ee kän ŋö?
Go puk nɔm an, ‘Ee diöny nyooth awɛ̈ɛ̈c#5:6: Gäär thɛɛr däŋ kërac; Ɣeberuu nyin. ke ee pinyë ëbɛ̈n.’
7Ku diöny aa kuöm nɔm në akum. Na wën, aliep nɔm, ke tik ë yök ke rɛ̈ɛ̈r thïn.
8Go tunynhial lueel an, “Kënë ee karɛcken. Na wën, ke thɛny tik piny në diöny yic ku kum nɔm në akum. 9Na wën, aa jat a nyin nhial, ke ya tïŋ diäär kaarou abɔ̈ të nu yɛn ke ke pär nhial në wuök ril cït wuök ke jaŋ biöŋ. Na wën, ke ke gɔp diöny yic, ku pɛ̈ɛ̈rkï në yen.
10Guɔ tunynhial luɔp an, “Leerki diöny ënou?
11Go puk nɔm an, “Aleerkï Babilonia, le kek luak yïk. Të cï luak thök në yïk, abïk diöny tääu thïn ëtɛ̈ɛ̈n ku lamkï.
Currently Selected:
Dhek 5: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
