Dhek 4

Nyuuth de kë ye Manyalath Cäp Thar Thïn

1Na wën, ke tunynhial wën jam ke yɛn ë puk rɔt, ku pɛ̈ɛ̈c ɛn abä ciët kë ë nin. 2Na wën, ke lop an, “Eeŋö cï tiŋ?

Guɔ puk nɔm an, “Ee manyalath cäp thar thïn yen cä tïŋ, kë cuëëc në adhääp. Ku ade nɔm abïny, ku mɛ̈c ke alath kadhorou në yenɔm, në wuökɛn ye ke cäp thäär thïn kadhorou. 3#Nyu 11:4. Ku ade tiim ke olip kaarou në mɛ̈c lɔ̈m, tök ë baŋë, ku däŋë ë baŋ däŋë. 4Na wën, ke ya lop tunynhial jam ke yɛn an, “Ee kaŋö ee kakë, bɛ̈ny?

5Go tunynhial yɛn luɔp an, “Kuc ee kakë?

Guɔ puk nɔm an, ‘Akuöc keek bɛ̈nydï?’

Gutguut cï Nhialic Lɛ̈k Dherubabel

6Go jɔ puɔ̈k nɔm ɛn an, “Kënë ee jam lëk ë Bɛ̈nydït Dherubabel an: Acie riɛl, ku acie jööt, ee në wëikï. Yen kë cï Bɛ̈nydït de rɛm lueel ka. Eeŋö bä cök nɔm yïn kuur dït? Yïn bï rai piny në Dherubabel nɔm tueŋ, ka yïn bï nɔm kït wekë piny. 7Ku abï kuur nu në yïnɔm nhial bɛ̈ɛ̈i ke duɛŋë ë kɔc yïnɔm në röldït an, “Thieithieei në këde!”

8Ku be jam de Bɛ̈nydït bɛ̈n tëde yɛn an, 9“Dherubabel yen aa gɔl këërkëër de Luaŋdït në yïk, ku ee yen abï ye thöl aya. Yen abä wek ye jɔ ŋic ëgɔk nɔn cï Bɛ̈nydït de rɛm ya tuöc week. 10#Edhr 5:2. #Nyu 5:6. Ku raan biɔn caak ciɛk ë käŋ röt ë määth, abï piɔ̈u miɛt wadäŋ, të le yen wïn ë thëm tïŋ në Dherubabel ciin.

11 # Nyu 11:4. Kek ee nyïïnkë kadhorou, ee nyïïn ke Bɛ̈nydït. Nyïïn ee piny woi nɔm ëbɛ̈n.

Guɔ luɔp an, “Ku tiim ke olip nu në manyalath baŋë ku baŋë yek nïïm ŋö?” 12Ku kër ke tiim ke olip kaarou nu në aruöör de adhääp lɔ̈ɔ̈m yek nïïm ŋö, aruöör ye miök de olip wäl?

13Go ya luɔp an, “Kuc ee kënë?”

Guɔ puk nɔm an, “Akuöc, Bɛ̈ny?” 14Go lueel an, Kakë ee kɔc kaarou cï Bɛ̈nydït lɔc bïk en aa luööi në pinynɔm ëbɛ̈n.

Currently Selected:

Dhek 4: dip-JPB

Highlight

Copy