Dhek 1

Bɛ̈nydït Acöl Kɔcke Puŋë Rɔt

1 # Edhr 4:24–5:1; 6:14. Jam de Bɛ̈nydït kï, jam ɣɔn bɔ̈ tëde tiët Dhekaria wën ë Berekia, Berekia wën ë Yido, në pɛɛi ye pɛ̈i bɛ̈t, në ruöön, ye run ke Dariouth rou në bääny yic. Ku kë ë lueel ë Bɛ̈nydït kï an, 2“Bɛ̈nydït aa göth arëët ɣɔn kekë kuarkun, 3ku ënɔɔnë, alɛ̈k ë Bɛ̈nydït de rɛm week an, “Puɔ̈kkï röt ɛn, ku yɛn bï rɔt pɔ̈k week. 4Duökï be ciët kuarkun, kɔc ɣɔn ye tït ke guiëër jamdï. Acï Bɛ̈nydït de rɛm lueel an, ‘Pälkï karɛckuön yak looi. Ku acïkï jamdï ee piŋ, ku cïkï ya riëëu.’ 5Ku kuarkun ayï tït ɣɔn nukï ënou ënɔɔnë? Ŋootkï ke ke pïïr? 6Yɛn aacï awuutkï tït tɔ jäny kuarkun, ku yöökkï keek. Agokï jamden dhɔ̈lic, gokï këtuc yök. Gokï kërɛɛcden puɔ̈l ku gamkï yɛn luelkï an, ‘Bɛ̈nydït de rɛm ë wo luöi këtuc, kë rɔ̈ŋ ke keek, cït man ë kë kɔɔr në yapiɔ̈u.’

Nyuuth de Jöŋgöör

7Na ɣɔn, në kööl ye pɛɛi ye pɛ̈i thiëër ku tök thok thiërrou ku ŋuan, pɛɛi de Cebat, në ruöön ye run ke Dariouth rou në bääny yic, ke jam de Bɛ̈nydït ë bɔ̈ tëde tiët Dhekaria, wën ë Berekia wën ë Yido. Go Dhekaria lueel an, 8#Nyu 6:4; Nyu 6:2. ‘Yɛn ë nyuuth tïŋ wënakɔ̈u. Ëtɛ̈ɛ̈n, yɛn ë raan tïŋ ke nu ë jöŋgör thith kɔ̈u. Ku akääc në tiim ke merital yiic, në wakic. Ku jöŋgöör kɔ̈k akɛ̈ɛ̈ckï në yekɔ̈u ciëën, jöŋgör thith, ku jöŋgör kän yan, ku jöŋgör ɣer. 9Guɔ luɔp an, ‘Ee jöŋgöör kɔ̈k ke ŋö ee kakë bɛ̈ny?’

Go ë tunynhial bɛ̈ɛ̈r an, “Yïn bä nyuöth kë nyoothkï. 10Acïï Bɛ̈nydït ke tooc bïk pinynɔm lɔ caath.”

11Ku acïk jam bɛ̈n puɔ̈k nɔm tunynhial ë Bɛ̈nydït kääc në tiim ke mirtel yiic an, ‘Wo cï pinynɔm caath ëbɛ̈n, ku acuk yök ke cï lɔ̈ŋ, ku de rëër lɔ dïu.’

12Na wën, ke lueel ë tunynhial ë Bɛ̈nydït an, “Bɛ̈nydït de rɛm run acïk aa thiërdhorou ke yï göth wekë Jeruthalem, ku wuöt ke Juda. Bä piɔ̈u jɔ kok wekë keek nɛn?

13Go Bɛ̈nydït tunynhial jam ke yen puɔ̈k nɔm jam piɛth, ku bïï piɔ̈u. 14Go tunynhial lɛ̈k yɛn luɔi bän kë cï Bɛ̈nydït de rɛm lueel an, ‘Jeruthalem anhiaar arëët kekë Dhiɔn, 15ku yɛn diu piɔ̈u wokë juöör rɛ̈ɛ̈r ë läŋ. Yɛn aacï piɔ̈u diu ë määth, ku acïk agönhdï jɔ ŋuak nyin. 16Ku ënɔɔnë, kë cï Bɛ̈nydït de rɛm lueel kï an, ‘Yɛn puk a nɔm Jeruthalem në kokdepiɔ̈u. Ku Yɛn bï ɣöndï bɛ tɔ yïk. Ku wïn ë thëm abï riɛny piny Jeruthalem.’ Kë cï Bɛ̈nydït lueel ka.

17Ku be ë tunynhial lɛ̈k ɛn nɔn luɛɛl ɛn en an, “Acï Bɛ̈nydït de rɛm lueel nɔn bï pɛ̈ɛ̈nydïtke bɛ bäny, ku lueel nɔn bï yen Jeruthalem bɛ kuɔny, ku nyuooth nɔn yen wunde.’’

Nyuuth de Tuŋ

18Ku ëtɛ̈ɛ̈n, yɛn ë yanyin bɛ̈n bɛ jat nhial, guɔ tuŋ ke miöör tïŋ kaŋuan. 19Guɔ tunynhial wën jam ke yɛn luɔp an, “Eeŋö ee kakë?

20Go puk nɔm an, “Kek tuŋ ë thiëi Juda piny ka, kekë Yithriɛl ku Jeruthalem.

Na wën, ke Bɛ̈nydït ë nyuth ɛn atëët kaŋuan. 21Guɔ luɔp an, “Eeŋö bï atëëtkë looi?

Go tunynhial puk nɔm an, “Kek tuŋ ë thiëi Juda piny ka, ke cïn raan bï yenɔm bɛ yaak nhial. Ku atëët bɔ̈ bïk keek bɛ̈n riääc ku kipkï juöör tuŋ wei, thiëi kek kɔc ke Juda piny.

Currently Selected:

Dhek 1: dip-JPB

Highlight

Copy