Rom ANYOOTH
ANYOOTH
Awerek de Romai aa gɛ̈ɛ̈r Paulo në biäk bï yen kueer guiir, kueer bïï yen ɣön ë Nhialic de Roma lɔ neem. Ku kïïtde aa kɔɔr bï lɔ lui në kɔc ɣerpiɔ̈ɔ̈th yiic ëtɛ̈ɛ̈n ë kaam thïn akäŋ, ku ëtɛ̈ɛ̈n abïk jɔ kuɔny bïï lɔ Tarcic. Aa gär ke bï gämdɛn de Kërthiaan cie yökic weer yic, ku kë ye kɔc ɣerpiɔ̈ɔ̈th looi në gämic. Awerek ade yic jamdïït ë Paulo ëbɛ̈n.
Ku të wën cïï yen kɔc ke ɣön ë Nhialic de Roma jɔ thiëëc, ku cï ke lëk luɔi yen lɔ̈ŋ në biäkden, Paulo acï këdɛn ë gɛ̈ɛ̈r en awerek jɔ lueel an: “Wëlpiɛth anyoothkï luɔi ye Nhialic kɔc tɔ dikëdik ë yen apiɛth: ee kueer de gäm gɔl tueŋ le ë thökde.” (1:17)
Go Paulo jamde jɔ lɔ ke kim piny. Kɔc ke piny nɔm ëbɛ̈n, Judai ayï Juöör kedhie, akɔɔr keek bïk piath ë Nhialic, në biäk tɔ̈u kek në riɛl ë kërac ciin kedhie. Kɔc aye keek tɔ piath ë Nhialic në kueer de gäm gɛmë Yecu Kërtho. Ku jɔ Paulo pïïr cï piac bɛ̈n nyuɔɔth në män mɛt ë raan rɔt kekë Kërtho, wën ee bɛ̈n në rɛ̈ɛ̈r ë piacë gɔl në Nhialic. Raan cï gam ade mät kekë Nhialic, ku acïï ë Nhialic lony yeth në wëike tëde riɛl de kërac ku thuɔɔu. Në cökdït 5-8 Paulo acï jam në biäk de nɔm de Löŋ de Nhialic ku riɛl de Wëi ke Nhialic në pïïr de raan cï gam yic. Na wën, ke tuuc ë jɔ wït ke lop an, ee kueerou duëër ë Judai ku Juöör röŋ në guiɛɛr de Nhialicic në baŋ de kɔc. Acï thïk thok an reec reec ë Judai Yecu ee biäk de guiɛɛr ë Nhialic, në luɔi bïï yen kɔc ëbɛ̈n bɛ̈ɛ̈i tëthiääk ke dhuëëŋ de Nhialic në Yecu Kërthoyic. Ku kë ciëën Paulo acï gär në biäk de kueer duëër ë raan cï gam aa rëër, ayï kueerdɛn duëër kek aa rëër në kɔc kɔ̈k. Ku jiɛɛm në biäk de luɔi luuiyë Nhialic, ku luɔi bïï kɔc cï gam miric aa luööi ku luuikï kɔc kɔ̈k, ku lop në biäk de thööŋ ë kɔc kepiɔ̈ɔ̈th thɔ̈ɔ̈ŋ. Ku jɔ këcïgɔ̈ɔ̈rde thök në jamde, ku wël leec en Nhialic.
Ka tɔ̈u Thïn
Anyooth 1:1-17
Kuny de wëi akɔɔr rɔt 1:18–3:20
Kueer Ye Nhialic kuny de wëi looi 3:21–4:25
Pïïr ë piac bɛ̈n në Kërthoyic 5:1–8:39
Yithriɛl anu në guiɛɛr de Nhialicic 9:1–11:36
Rɛ̈ɛ̈r de kɔc ɣerpiɔ̈ɔ̈th 12:1–15:13
Thök ku thiëcde 15:14–16:27
Currently Selected:
Rom ANYOOTH: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.