Rom 11
11
Kokdepiɔ̈n ë Nhialic në Yithriɛl
1 #
Pil 3:5. Guɔ jɔ thiëëc an, Cï Nhialic kɔcke cuat wei? Ei! Acie yen! Yɛn aya, yɛn ee raan ë Yithriɛl, në käu de Abraɣam, në dhiën ë Benjamin. 2Nhialic akën kɔcke cuat wei, kɔckɛn cï kɔn lɔc. Kuöckï kë cï këcïgɔ̈ɔ̈r lueel në këde? Läŋ cï Elija Nhialic lɔ̈ŋ në këde Yithriɛl an: 3#1 Mel 19:10,14. “Bɛ̈nydït, acïk tïtku nɔ̈k, ku acïk yïkkuön ke läm thuöör piny, adɔ̈ŋ ɛn a tök, ku akɔɔrkï näŋ nɛ̈k kek ɛn.” 4#1 Mel 19:18. Ku bëër bëërë Nhialic en ë luel ŋö? “An, Yɛn ë rɔt bɔ̈th aguum kadhorou de röör kɔc kën kemiɔl tuk ë Baal nɔm.” 5Ku yen ënɔɔnë aya, ade biäk ë kɔc lik cï döŋ anu në kë cï lɔc në dhuëëŋdepiɔ̈u. 6Ku të ee yen këde dhuëëŋdepiɔ̈u, ka cïï be ya këde luɔi, tën ee yen en, ke dhuëëŋdepiɔ̈u acïï be ya dhuëëŋdepiɔ̈u, ku të ee yen këde luɔi, ka cïï be ya këde dhuëëŋdepiɔ̈u, tën ee yen en, ke luɔi acïï be ya luɔi.
7Jɔ aa ŋö? Yithriɛl akën kë kɔɔr yök, ku biäk cï lɔc, yen acï yök, ku kɔc kɔ̈k acï ke tɔ ril nïïm, 8#Nyöŋ 29:4; Yith 29:10. Acït man cï e gɔ̈ɔ̈r an, “Acï Nhialic ke gäm piɔ̈n ë nïn, ku gëm keek nyïïn cïï daai, ku yïth cïï käŋ ee piŋ, aɣet cï ee köölë.” 9#Diɛt 69:22,23 (LXX). Go Debid lueel an,
“Tɔ pamdɛn ë cäm ee wïn ëdɛ̈p, ku ye kë bï keek aa dɔm,
Ayï kë bï keek tɔ kɔ̈th, ayï këdɛn tuc bïk yök!
10Tɔ ke lɔ nyïïn durdur, ke ke cïï bï daai,
Ku tɔ ke tot kekɔ̈ɔ̈th ananden.”
11Aguɔ jɔ thiëëc an: ë ke kɔ̈th abïk wïïk? Acie yen! Ku kɔ̈th cï kek kɔ̈th, yen a yökë Juöör kunydewëi, ke Yithriɛl bï ë tiɛɛl dɔm. 12Ku ënɔɔnë, kɔ̈th kɔ̈th kek, të cï en aa kuɛth cï piny tɔ kueth nɔm, ku kuur koor kek, të cï en aa kuɛth cï Juöör tɔ kueth, na piathden, bï kënë wöör ë wär ŋö?
Kunydewëi ë Juöör
13Yɛn jam wo week, wek Juöör, ku luɔi aa yɛn tuny ë Juöör, yen alɛɛc ɛn luɔidï. 14Nɔn de të bän kɔckiën ke Judai tɔ dɔm tiɛɛl, aguɔ kɔ̈k kony wëi ë keyiic. 15Ku na cuɛt cuɛtë ke wei, të ee yen mɛ̈ɛ̈t bï piny nɔm määt, ku döm bï ke bɛ dɔm, bï ciët ŋö, cïï bï aa pïïr ë kɔc cï thou yiic?
16Ku na ɣer awany tueŋic, ka yen ɣɛɛr ë awacic ëbɛ̈n ka, tim, të ɣeerë meideyic, ka yen ɣɛɛr ë kërke yiic ka. 17Ku na cï këër kɔ̈k cak dhuöŋ bei, ku yïn, yïn ee këër ë olip ë cil roor, na cï yï cak tuɛɛl ë keyiic, abä cil we keek ëtök, ago rɔm we keek ëtök në cuai de tim de olip, kë bɔ̈ në meei yic. 18Ke yï cïï rɔt ee leec në kër nïïm. Ku të leec yïn rɔt, tak yïnɔm nɔn cie yïn ë muk meei, ee meei yen aa muk yïn.
19Ku bä jɔ lueel an, “Kërkë acï ke dhuöŋ bei, luɔi bï a tuɛɛl thïn, abä cil. 20Ee yicdu, në baŋ de reec de gäm yen a dhuŋë ke bei, ku yïn, yïn kääc në gäm. Du yïnɔm muk nhial, ye riɔ̈ɔ̈c tei. 21Ku të kën Nhialic këër thɛɛr ke tim pɔ̈l, ke ye rɔt tiit, ke yï cïï bï pɔ̈l ayadäŋ. 22Wɔikï ënɔɔnë, piath ë Nhialic piɔ̈u ayï riɛl ë yenpiɔ̈u: tëde kɔc wään cï wïïk, ee riɛlëpiɔ̈u, ku tëde yïn ee piathëpiɔ̈u, të ee yïn cool ë rëër ë piath de yenpiɔ̈u, na rɛɛcë, ke yïn bï tɛ̈ɛ̈m bei aya. 23Ku keek ayadäŋ, të cïï kek ee cool ë reec gäm, ka bï ke tuɛɛl thïn abïk cil, Nhialic acath ke riɛl bï en ke bɛ tuɛɛl thïn abïk cil. 24Ku të cï yï ŋuööt bei ë tim de olip wään, tim ë cil roor tei, ago tuɛɛl ë tim de olip piɛthic, ku tueel tueelë yï thïn acïï cït ciɛɛŋduön ë ciɛkë yï, na kakë kek kër thɛɛr ke tim, tueel bï ke bɛ tuɛɛl ë timdenic guöp tim de olip, cïï bï pial awär tueel ë tueelë yïn arëët?
Kokdepiɔ̈n ë Nhialic në Kɔc Kedhie
25Ku yɛn cïn piɔ̈u, wek mïthëkɔckuɔ, luɔi kuöc wek ee cöökë, cöök cï moony, ke we cïï röt bï leec an, pɛlkï nïïm. Cöök cï moony, kï an, biäk töŋ de Yithriɛl acï tɔ ril nɔm, aɣet kööl bï kuɛth de juöör bɛ̈n thïn. 26#Yith 59:20,21 (LXX). Ago Yithriɛl kony wëi ëbɛ̈n aya, acït man cï e gɔ̈ɔ̈r an,
“Raan ë kɔc luök abï bɛ̈n bei ë Dhiɔnic,
Go reec reec kek Nhialic dak wei ë käu de Jakopic.
27 #
Yith 27:9 (LXX). Ku yen aye löŋ buk mac wo keek ëtök,
Kööl bän karɛcken nyaai.”
28Në këde wëlpiɛth, ayek kɔc de ater në Nhialic në baŋdun, ku në këde löny lɔcë keek, ayek kɔc nhiaar në löŋ de wärkuɔ. 29Miɔ̈c de Nhialic ku cɔ̈l cɔɔl en kɔc, Nhialic acïï keek ee bɛ riic. 30Ku acït man wään cä wek Nhialic ee gam, ku we cï kokdepiɔ̈u yök ënɔɔnë në rɛɛc reec kek gäm. 31Yen aacïï kek e gam aya,#11:31: Këcïgäär däŋ acïnic ënɔɔnë. ke ke bï kokdepiɔ̈u yök në kokdepiɔ̈u cäk yök week. 32Kɔc acï Nhialic ke mac ëtök kedhie në reec reec kek gäm, ke ke bïï keek nyuöth kokdepiɔ̈u kedhie.
Pianykï Nhialic
33 #
Yith 55:8. Eeŋö dïïtë pɛlënɔm de Nhialic aya, ayï ŋïny ŋic en käŋ! Lööŋkɛn cï guiir bï raan ke gii thäär nɛn, ku kuɛɛrke bï raan ke yök adï? 34#Yith 40:13 (LXX). Cït man cï e gɔ̈ɔ̈r an,
“Eeŋa ë ŋic piɔ̈n ë Bɛ̈nydït?
Ku eeŋa ë tɔ rɔt ë raan ë yen riit piɔ̈u?
35 #
Jop 41:11. Ku eeŋa cï ë kɔn miɔɔc ë käŋ,
ka bï bɛ cuöl en?”
36 #
1 Kor 8:6. Këriëëc ëbɛ̈n ee kake, ku aake bɔ̈ në yen, ku lek tëde yen. Ë dhuëëŋ tɔ̈u kekë yen aɣet athɛɛr! Amiin.
Currently Selected:
Rom 11: dip-JPB
Highlight
Share
Copy
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
