Kuɛ̈n 29
29
Miɔ̈c de dhuëëŋ de Göl ë Ruöön
(Leb 23:23-25)
1Në kööl tueŋ në ruöön ee kek dhorou wek bï we nïïm mat në lɔ̈ŋ ɣeric yic, ku acïn luɔi bï nu në ee köölë. Kɛŋ abïï ke kooth. 2Ku miɔ̈c ye nyop ëbɛ̈n, miɔ̈c ye awäude Bɛ̈nydït miëët piɔ̈u abï gäm En ke ye: miɔɔr atiëëk tök, ku nyɔɔŋ amääl dïït tök, ku nyök amɛ̈l kor ee ruöön tök kadhorou ke ke cïn gup tëdak. 3Ku gɛmë miɔ̈c de rɛɛp ë piac luɔk ke ye aɣar lɔ mot cï liääp kekë miök de olip, kilɔɔ kadiäk ke aɣaar në miɔɔr tök, ku kilɔ kaarou në nyɔɔŋ amääl, 4ku kilɔ tök në nyɔɔŋ amäl thiin tök agut keek kedhie. 5Ku ayadäŋ wek bï nyɔɔŋ bou gam ke ye miɔ̈c de kërac bïï ë kɔc teem gup. 6Miɔ̈ckë abïk keek mat në miɔ̈c de kööl tueŋ de pɛɛi ë piac wil, ku miɔ̈c ë rap, ku miɔ̈c ye nyop ëbɛ̈n aköölnyïïn kekë miɔ̈cdɛn ye dek Kek miɔ̈c de kacaam kë aye awäuden ke Bɛ̈nydït miëët piɔ̈u.
Miɔ̈c de Kööl ë Wɛ̈ɛ̈r
(Leb 23:26-32)
7 #
Leb 16:29-34. Matkï we nïïm në lɔ̈ŋ ɣeric yic në kööl ye nïn thiëër në pɛɛi de dhorouwic ke cïn raan cäm ku cïn raan lui. 8Gämkï miɔ̈c ye nyop ëbɛ̈n Bɛ̈nydït, miɔ̈c ee Ye miëët piɔ̈u: miɔɔr atiëëk tök, ku nyɔɔŋ amäl dïït tök, ku nyök amɛ̈lkor kadhorou de ruöön tök, ke ke cïn gup tëdak kedhie. 9Gamkï miɔ̈c ë rap rɔ̈ŋ ke ye aɣar piɛth lɔ mot cï liääp ke miök de olip, kilɔ kadiäk de aɣaar në miɔɔr tök, ku kilɔ kaarou në nyɔɔŋ amääl, 10ku kilɔ tök në nyɔɔŋ tök në nyök amɛ̈l kor kë. 11Ayadäŋ gamkï nyɔɔŋ bou ke ye miɔ̈c de kërac, matkï në miɔ̈c de awäc bïï ë kɔc teem gup, ku miɔ̈c ye nyop ëbɛ̈n de aköölnyïïn ku miɔ̈cdɛn ë rap ku lɔ miɔ̈cdɛn ye dek.
Miɔ̈c de Dhuëëŋ ë Kɛ̈ɛ̈t
(Leb 23:33-44)
12 #
Leb 23:34; Nyöŋ 16:13-15. Matkï we nïïm në lɔ̈ŋ ɣeric yic në kööl ye pɛɛi de dhorou thok thiëër ku dhïc. Luöikï Bɛ̈nydït dhuëëŋ në nïn kadhorouwiic kë cïn raan lui. 13Gɔl në kööl tueŋ de ee köölë, wek bï Bɛ̈nydït gäm miɔ̈c ye nyop ëbɛ̈n, miɔ̈c ye awäude Ye miëët piɔ̈u: Miöör kathiëër ku diäk ku nyök ke amɛ̈ldït kaarou, ku nyök ke amɛ̈lkor ee ruöön tök, kathiëër ku ŋuan, ke ke cïn gup tëdak kedhie. 14Gamkï miɔ̈c ë rap rɔ̈ŋ kekë aɣar piɛth lɔ mot cï liääp ke miök de olip, kilɔ kadiäk de aɣaar në miɔɔr tök, ku kilɔ kaarou në nyɔɔŋ amääl tök, 15ku kilɔ tök në nyɔɔŋ tök në nyök amɛ̈l korkë, ku lɔ miɔ̈c ye dek kɔɔr rɔt. 16Ayadäŋ gamkï nyɔɔŋ bou tök ke ye miɔ̈c de kërac, matkï në miɔ̈c de aköölnyïïn ye nyop, ku miɔ̈cdɛn ë rap, ku miɔ̈c ye dek.
17Në kööl ë rou gamkï miöör kathiëër ku rou ke ke ye miɔ̈c, ku nyök ke amɛ̈ldït kaarou, ku nyök ke amɛ̈lkor ee ruöön tök kathiëër ku ŋuan ke ke cïn gup tëdak kedhie. 18Në miɔ̈c ë rap, ku miɔ̈c ye dek në miöör, ku nyök ke amɛ̈ldït, ku nyök ke amɛ̈lkor kedhie, në miɔ̈c kɔ̈kë ee röt kɔɔr cït miɔ̈c ë kööl tueŋ. 19Gamkï nyɔɔŋ bou tök ke ye miɔ̈c de kërac, matkï miɔ̈c de aköölnyïïn ye nyop, ku miɔ̈c ë rap, ku miɔ̈c ye dek.
20Në kööl ë diäk gamkï miöör kathiëër ku tök ke ke ye miɔ̈c, ku nyök ke amɛ̈ldït kaarou, ku nyök ke amɛ̈lkor ee ruöön tök kathiëër ku ŋuan, ke ke cïn gup tëdak kedhie. 21Në miɔ̈c ë rap, ku miɔ̈c ye dek në miöör, ku nyök ke amɛ̈ldït, ku nyök ke amɛ̈lkor kedhie, në miɔ̈c kɔ̈kë ee röt kɔɔr cït miɔ̈c ë kööl tueŋ. 22Gamkï nyɔɔŋ bou tök ke ye miɔ̈c de kërac, matkï në miɔ̈c de aköölnyïïn ye nyop, ku miɔ̈c ë rap, ku miɔ̈c ye dek.
23Në kööl ë ŋuan gamkï miöör kathiëër ke ke ye miɔ̈c, nyök ke amɛ̈ldït kaarou, ku nyök ke amɛ̈l kor ee ruöön tök, kathiëër ku ŋuan ke ke cïn gup tëdak kedhie, 24Në miɔ̈c ë rap, ku miɔ̈c ye dek në miöör, ku nyök ke amɛ̈ldït, ku nyök ke amɛ̈lkor kedhie, në miɔ̈c kɔ̈kë ee röt kɔɔr cït miɔ̈c ë kööl tueŋ. 25Gamkï nyɔɔŋ bou tök ke ye miɔ̈c de kërac, matkï miɔ̈c de aköölnyïïn ye nyop, ku miɔ̈c ë rap, ku miɔ̈c ye dek.
26Në kööl ë dhïc gamkï miöör ka dhoŋuan ke ke ye miɔ̈c, ku nyök ke amɛ̈ldït kaarou, ku nyök ke amɛ̈lkor ee ruöön tök kathiëër ku ŋuan, ke ke cïn gup tëdak kedhie, 27Në miɔ̈c ë rap, ku miɔ̈c ye dek në miöör, ku nyök ke amɛ̈ldït, ku nyök ke amɛ̈lkor kedhie, në miɔ̈c kɔ̈kë ee röt kɔɔr cït miɔ̈c ë kööl tueŋ. 28Gamkï nyɔɔŋ bou tök ke ye miɔ̈c de kërac, matkï miɔ̈c de aköölnyïïn ye nyop, ku miɔ̈c ë rap, ku miɔ̈c ye dek.
29Në kööl ë dhetem gamkï miöör kabɛ̈t ke ke ye miɔ̈c, ku nyök ke ke amɛ̈ldït kaarou, ku nyök ke amɛ̈lkor ee ruöön tök kathiëër ku ŋuan, ke ke cïn gup tëdak kedhie, 30Në miɔ̈c ë rap, ku miɔ̈c ye dek në miöör, ku nyök ke amɛ̈ldït, ku nyök ke amɛ̈lkor kedhie, në miɔ̈c kɔ̈kë ee röt kɔɔr cït miɔ̈c ë kööl tueŋ. 31Gamkï nyɔɔŋ bou tök ke ye miɔ̈c de kërac, matkï miɔ̈c de aköölnyïïn ye nyop, ku miɔ̈c ë rap, ku miɔ̈c ye dek.
32Në kööl ë dhorou gamkï miöör kadhorou ke ke ye miɔ̈c, ku nyök ke amɛ̈ldït kaarou, ku nyök ke amɛ̈lkor ee ruöön tök kathiëër ku ŋuan, ke ke cïn gup tëdak kedhie, 33Në miɔ̈c ë rap, ku miɔ̈c ye dek në miöör, ku nyök ke amɛ̈ldït, ku nyök ke amɛ̈lkor kedhie, në miɔ̈c kɔ̈kë ee röt kɔɔr cït miɔ̈c ë kööl tueŋ. 34Gamkï nyɔɔŋ bou tök ke ye miɔ̈c de kërac, matkï miɔ̈c de aköölnyïïn ye nyop, ku miɔ̈c ë rap, ku miɔ̈c ye dek.
35Në kööl ë bɛ̈t we bï amatnɔm de lɔ̈ŋ looi, ku cïn raan lui. 36Wek bï Bɛ̈nydït gäm miɔ̈c ye nyop ëbɛ̈n, ye awäude Ye miëët piɔ̈u: miɔɔr tök ku nyɔɔŋ amääl tök, ku nyök ke amɛ̈lkor ee ruöön tök kadhorou, ke ke cïn gup tëdak kedhie. 37Në miɔ̈c ë rap, ku miɔ̈c ye dek në miöör, ku nyök ke amɛ̈ldït, ku nyök ke amɛ̈lkor kedhie, në miɔ̈c kɔ̈kë ee röt kɔɔr cït miɔ̈c ë kööl tueŋ. 38Gamkï nyɔɔŋ bou tök ke ye miɔ̈c de kërac, matkï në miɔ̈c de aköölnyïïn ye nyop, ku miɔ̈c ë rap, ku miɔ̈c ye dek.
39Kakë ayek lööŋ cï mac në biäk de miɔ̈c bäk aa gäm Bɛ̈nydït, miɔ̈c ye nyop ëbɛ̈n ku miɔ̈c ë rap ku miɔ̈c ye dek ku miɔ̈c de mät bäk aa gam në akööl ke dhuëŋ ke ruöön thok ëbɛ̈n. Kakë abïk mɛt në miɔ̈c yak gam nyïïn: miɔ̈c de kuëŋ ku miɔ̈c de miɛtëpiɔ̈u.
40Go Mothe kɔc ke Yithriɛl lɛ̈k ka cïï Bɛ̈nydït ke ye yɔ̈ɔ̈k ëbɛ̈n.
Currently Selected:
Kuɛ̈n 29: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
