Nam 1

1 # Yith 10:5-34; 14:24-27; Dhep 2:13-15. Jam kï, jam ë bɔ̈ në biäk de wun cɔl Ninebe. Jam ë tïŋ ë Naɣum, raan wun Elekoc ke ye nyuuth.

Agönh de Bɛ̈nydït kekë Ninebe

2Bɛ̈nydït ee Nhialic amantil, ee kɔc reec En luöi këtuc.

Bɛ̈nydït ee gɔ̈th arëët, ku guur këde nɔm.

Ee këde guöör në kɔc ke aterde, ku muk keek ater.

3Bɛ̈nydït acie dap gɔ̈th

ku aril arëët.

Ku acïï kɔc de gup gääk bï pɔ̈l ke ke kën luöi këtuc.

Ee cath kekë amaŋ, ku yom de kɔɔr.

Ku luät kek aye tɔr de Yen cök!

4Ee wɛ̈ɛ̈r rɛ̈l ago dëu!

Ku tɔ kiɛɛr dëu kedhie.

Ku biɔɔr këtɔ̈c ëbɛ̈n tɔ̈u piny ë Bacan

kekë kuur ë Karmel,

ku lööny gaak de wal ke Lebanɔn wei.

5Kur ayek röt nieeŋ në Yenɔm,

ku lɛ̈ɛ̈ŋ kur kor.

Piny aye lath të tɔ̈u En thïn,

ayï kɔc cieŋ pinynɔm kedhie aye keek lath aya.

6Eeŋa duëër agönhde guum?

Eeŋa duëër abiɔ̈r de ŋeenyde lëu në guöm?

Ee agönhde luööŋ piny cït man ë mac,

ku kur ayek röt mot në Yenɔm.

7Bɛ̈nydït apiɛth,

ee kɔcke gël në akööl ke kërac,

ee kɔc ŋäth En döt apiɛth.

8Ku abï kɔc ke aterde riɔ̈ɔ̈k në amooldït riŋ aläl,#1:8: Gäär thɛɛr däŋ kɔc ke aterde; Ɣeberuu kɔcke.

ku cop ke cök paan ë thuɔɔu.

9Eeŋö ya wek Bɛ̈nydït luöi kiɛɛr rac?

Abï we riɔ̈ɔ̈k raantök taitai.

Acïï riääkde ee tɔ ye yic rou.

10Na wek cak röt duut cït rɔŋ de kou,

ku ciëtkï kɔc ye mɔ̈u wit, ka bï we nyuɔp piny cït ayän cï riɛl!

11Raan ë lui Bɛ̈nydït kiɛɛr rac aa bɔ̈ bei në yïyic, yïn wundïït cɔl Ninebe, raan de kiɛɛr ke riääk. 12Kë ye Bɛ̈nydït lueel kï an, “Na cakaa nɔn juëc ë kɔc ke Athiriya, ku rilkï, abä ke riɔ̈ɔ̈r nyïïn ka bïk liu. Na cakaa nɔn cän week luöi këtuc wek kɔckï, wek cä keek bï bɛ nyɔk ë luöi Ɛn week këtuc. 13Wek bä waar yiëth në ciɛɛŋ cieŋ Athiriya week, ku tɛɛm wïïn cïï ke we duut kɔ̈ɔ̈th.

14Bɛ̈nydït ë löŋ tääu piny në biäkdu yïn Ninebe, acï lueel an, “Acïn mïth bï rinkun bɛ lɔ̈ɔ̈k cäk. Ku Yɛn bï yiëthkuön cäk looi riɔ̈ɔ̈k ɣönduön ë yiëth. Ku Yɛn bï rɛ̈ŋkun kiëët, në luɔi ya wek kɔc ee karɛc looi.

15 # Yith 52:7. Tiëŋkï kuur nɔm, ade tuny bɔ̈ ke wëlpiɛth ke mät! Acath kueer ke bï wël ke tiëm bɛ̈n caal! Loi dhuëŋku yïn Juda, loi ka ɣɔn cï yïn ke kuëŋ lueel. Kɔc rac abï ke riɔ̈ɔ̈k taitai, ka cïkï yïn bï bɛ yiɛ̈n tɔŋ ananden.

Currently Selected:

Nam 1: dip-JPB

Highlight

Copy

Compare