Ɣab 3
3
Lɔ̈ŋ de Ɣabakuk
1Go tiët Ɣabakuk lɔ̈ŋ në ee lɔ̈ŋë an,#3:1: Ɣeberuu ade cöök cï tääu, ku kë lueel acie yökic.
2“Bɛ̈nydït, yɛn cï ka ɣɔn cï kɔn looi piŋ,
ka yɛn ee riɔ̈ɔ̈c dɔm.
Ku ënɔɔnë nyɔk kadït ɣɔn cï kɔn looi
në aköölkuɔnkë yiic.
Ayï agönhdun yic we wook, ke Yï pɛ̈l Yï piɔ̈u piny ku nyuöthë wook kokdepiɔ̈ndu.
3Nhialic aa nyɔk bɛ̈n në Teman,
Nhialic ɣeric abɔ̈ në kur ke Paran nïïm.
Ka dhuëëŋde ë dït, të nhial
ku piny ë thiäŋ ke lɛc de.
4Të cï Yen bɛ̈n ee riau cït man ë mac
ayï ciinde ee lɔ bërët,
yen të cï Yen riɛlde thiaan ka.
5Ee jɔɔk tuɔɔc ë Yenɔm tueŋ,
ku yöök thuɔɔu bïï Ye kuany cök.
6Të jɔt En rɔt ciɛth, piny aye lath,
të cï Yen E nyin cuat, kɔc juöör aye ke lath.
Ee kur ɣɔn thɛɛr tɔ lɔ thorthor abïk wɛɛr,
ku tɔ kur kor cur piny
kur wään Yen cath thïn ɣɔn thɛɛr.
7Yɛn aa tïŋ kɔc ke Kucan rɛ̈ɛ̈r në kɛ̈ɛ̈t yiic ke ke cï riɔ̈ɔ̈c,
ku lɛthë kɔc ke piny de Midian në ɣööt yiic.
8Ee kiɛɛr kek tɔ Yïn göth aläl Bɛ̈nydït?
Ku ee wɛ̈ɛ̈r yen tɔ Yï diu piɔ̈u?
Yïn ë kɛɛc në amaŋ de luäät kɔ̈ɔ̈th
abïk ciët jöŋgöör ke tɔŋ
ku tɔ kɔcku tiëm.
9Yïn ë wiɛth ke dhaŋdu coc,
ke kɔɔr bä kaku mɔc.#3:9: Këcïgɔ̈ɔ̈r akɔɔr bïï weet moc; Acie yökic në Ɣeberuu.
Wildu abï piny ɣaar yic ku looi wɛ̈ɛ̈r
10Të cïï kur Yïn tïŋ aye ke lath,
Yïn ë pïïu wäl piny nhial.
Piääu dït riŋ piny ayek roor,
ku moc apiöŋ ë wɛ̈ɛ̈r rɔ nhial ya.
11Të moc ë winh ë dhaŋduön ŋic riŋ
ku ariauriau de tɔŋduön ee lɔ bërët,
akɔ̈l kekë pɛɛi ayek kɔ̈ɔ̈c ke ke cïï cath.
12Yïn ee piny käc aläl në agɔ̈th të ciɛth Yïn ë yenɔm,
ku dum juöör yiic të cïï Yïn piɔ̈u diu.
13Yïn ë lɔ biic lɔ kɔcku kony,
lɔ melikduön cï lɔc kony.
Yïn ë bäny ke kɔc ee karɛc looi dhiac nïïm
ayï kɔckɛn ee keek kuany cök.#3:13: Këcïgɔ̈ɔ̈r taitai...kuany cök; Acie yökic në Ɣeberuu.
14Wiɛthku acïk bɛ̈ny de remdɛn ë tɔŋ thɔ̈ɔ̈ric
wën bïï tɔŋden ke riŋ cït man ë kɔɔr an, bïk wo bɛ̈n thiäi piny,
amitkï piɔ̈ɔ̈th cï kɔc bï kɔc kuanynyïïn cam në cuëër.#3:14: Cöök 14 acie yökic në Ɣeberuu.
15Yïn aa ciɛɛth pïïu nïïm ë jöŋgöörku,
ago wɛ̈ɛ̈r dït piëëuke thɔɔc nïïm.
16Yɛn ëbɛ̈n lath yäc wën piɛŋ ɛn ee kënë ëbɛ̈n,
yɛn cï bɛ̈n lath röl në riɔ̈ɔ̈c.
Guɔ guöp lɔ bath,
ku lɛthë yacök#3:16: Këcïgɔ̈ɔ̈r guɔ kɔ̈th në yacök; Ɣeberuu Yɛn cï piɔ̈u miɛt, në biäk. të wën kääc ɛn.
Yɛn bï tïït ë lik në bɛ̈n
bïï ë kööl bïï ë Nhialic kɔc ee wook mak bɛ̈n luöi këtuc.
17Na cak ŋaap ku olip nïïm ciën mïth
ku cïn duum yiic rap cam,
ke yɛn bï ŋoot ke ya mit piɔ̈u në biäk de Bɛ̈nydït,
ku na cak thök thou ëbɛ̈n
ku cïn ɣɔ̈k nu ë luɛ̈k yiic,
18ke yɛn bï ŋoot ke ya mit piɔ̈u
në biäk konyë Nhialic ɛn.
19 #
2 Tham 22:34; Diɛt 18:33. Nhialic Bɛ̈nydït ee ya gäm riɛl.
Abï ya gäm cök cie rieth cït man ë ŋɛɛr
ku ɣeet ɛn ë kur nïïm ke cïn kërɛɛc nu.
Currently Selected:
Ɣab 3: dip-JPB
Highlight
Copy
Compare
Share
Want to have your highlights saved across all your devices? Sign up or sign in
The Bible in Jieeng de Padang © The Bible Society in South Sudan, 2011.
