Eòin 14
14
LAOIDH 42
Eòin 14.1-7
1-7Uaibh fògraibh eagal 's iomagain cridh
's na biodh ur dòchas fann;
Earbaibh à freastal Dhè a ghnàth,
's am ghràdh‑sa gach aon àm.
2 Gu àros m' Athar tillidh mi,
ann 's lìonmhor ionad tàimh:
'S is deàlrach glòir na rìoghachd sin,
ga lìonadh air gach làimh.
3 Mur biodh na nithean seo mar seo,
dhuibh dh'innsinn sin o thùs;
Cha mheallainn sibh le dòchas baoth,
no muinighin fhaoin mun chùis.
4 Roimhibh thèid mise chum, nur n‑ainm
gun gabhainn sealbh air nèamh;
'S gun ullaichinn am rìoghachd dhuibh
gu sìorraidh àite tàimh.
5 Ach tillidh mi air m' ais a‑rithist,
is bheir mi sibhse leam;
An sin cha dealaich sinn nas motha,
's cha bhi sibh brònach trom.
6 A' bheatha, 'n fhìrinn, is an ròd
a threòraicheas gu nèamh.
Is mise sin; 's na leanas mi,
gu sonas bheir mi iad.
LAOIDH 43
Eòin 14.25-28
25-28 Mo ghuth cha chluinn sibh tuilleadh nis,
ghairm m' Athair mi chum nèimh,
On tig an Cofhurtair gun dàil,
an Spiorad gràsmhor naomh.
2 Nam ainm‑sa cuiridh 'n t‑Athair e,
a dhèanamh dhuibh an iùil;
A thoirt na chuala sibh nur cuimhn',
's a dh'fhoillseachadh gach cùis.
3 Mo shìth mar bheannachd dealachaidh,
's mar dhìleab gheibh sibh 'n tràth s';
Mo shìth bheir dhuibh làn‑chofhurtachd,
nur beatha is nur bàs.
4 A rèir droch nòis#14.25-28 nòis cleachdadh an t‑saoghail chlaoin,
cha mheall mi sibh gun cheist
Is gealladh gun a choileanadh
cha toir mi dhuibh am feast.
5 Nad ghealladh, Thriath, nì sinne bun,
rè fad ar turais fhaoin;
'S ar n‑earbsa làidir bidh nad ghràdh,
ri fàgail dhuinn an t‑saogh'l.
Currently Selected:
Eòin 14: LSN1987
Highlight
Copy
Compare
Share
Want to have your highlights saved across all your devices? Sign up or sign in
© Comann Bhìoball na h‑Alba 1826, 1987
© Scottish Bible Society 1826, 1987
