Horiso 64
64
Krao apinh Kră Yang 'Bok Kei-Dei pơklaih đơ̆ng lu ayăt hlơp
Tơdrong hơri Đawit pơm. Ăn kơ lu thây bơtho hơri.
1Ơ Kră Yang 'Bok Kei-Dei, apinh Ih mơ̆ng nơ̆r inh ôr krao.
Wei tơdrong arih inh huay kơ hli kơ lu ayăt.
2Ôn inh hlơp đơ̆ng lu bơngai kơnê̆ chă đon noh.
Păng đơ̆ng lu bơngai tơpôl pơm kơnê̆.
3Lu sư pat hơpiĕt thoi pat đao.
Lu sư prah 'brơ̆m wă khan nơ̆r
pơma jĭ.
4Đơ̆ng anih hlơp noh, lu sư prah klĕnh tơ lu bơngai tơpăt 'lơ̆ng:
'Bôh 'băi blư lu sư prah ưh pă hli kơ kiơ.
5Lu sư pơtơm băl pơm tơdrong kơnê̆ lu sư.
Pơđâu băl wă hơ'năk hơđong hlơp,
Na khan: “Bu 'bôh 'băi bơ̆n.”
6Lu sư chă wă pơm tơdrong kơnê̆;
Lu sư khan: “Lu bơ̆n pơđâu boih wă pơm.”
Đon tơchĕng păng jơhngơ̆m kon bơngai kơnê̆ tơpă.
7Mă-lei Kră Yang 'Bok Kei-Dei gô prah lu sư.
'Bôh 'băi lu sư đei rơka đơ̆ng 'brơ̆m.
8Kră Yang gô pơlôch lu sư, hơpiĕt lu sư gô blah plơ̆ lu sư kơdih;
Đĭ-đăng lu bơngai 'bôh lu sư gô tơtreh kơ̆l.
9Đĭ-đăng kon bơngai gô hli;
Lu sư gô ră roi tơdrong Kră Yang 'Bok Kei-Dei pơm boih.
10Lu bơngai tơpăt gô chơt hiôk lăm Kră Yang păng kơ'nơp tơ lăm Sư;
Đĭ-đăng lu bơngai đei jơhngơ̆m tơpăt lu sư gô hơri ư-ang kơ sư.
Currently Selected:
Horiso 64: bdq
Highlight
Share
Copy
Want to have your highlights saved across all your devices? Sign up or sign in
©Bahnar Bible Association. All rights reserved.
