Horiso 63
63
Rơhing kơ Kră Yang 'Bok Kei-Dei
Tơdrong hơri Đawit pơm, kơplah sư oei lăm tơmăn glă Juđa.
1Ơ Kră Yang 'Bok Kei-Dei Ih boih Kră Yang 'Bok Kei-Dei inh, inh krao chă Ih;
thoi teh hrĕng kro, hơđang, ưh kơ đei đak.
Bơhngol inh rơhing kơ Ih.
Akâu jăn inh hơpơi kơ Ih.
2'Bôh tơdrong mơyang păng, tơdrong ư-ang Ih.
Thoi inh 'bôh Ih lăm anih rơgoh.
3Yua kơ tơdrong 'mêm Ih,
Gĭt hloh kơ tơdrong arih;
Hơkŭng inh bơnê ư-ang kơ Ih.
4Thoi noh, inh gô hơri bơnê kơ Ih đĭ chăl arih inh;
Hăm anăn Ih inh gô yơ̆r ti krao khan.
5Bơhngol inh phĭ thoi lĕ sa 'ngăl păng rơmă.
'Bơ̆r inh gô ư-ang hăm hơkŭng hơri bơnê kơ Ih.
6Kơplah inh 'bĭch kơpal giơng inh 'blŏk kơ Ih.
Na inh kral gak prăt măng tơchĕng kơ Ih ling-lang
7Yua kơ Ih đei tơgŭm inh boih,
Ala yơ̆p pơnăr Ih na inh gô hơri chơt hiôk.
8Bơhngol inh oei kơjăp lăm Ih, ti 'ma Ih tơgŭm tơiung inh.
9Lu đe bu chă wă pơrăm tơdrong arih inh.
Gô jur tơ jrŭ ala teha sŭng.
10Lu sư noh gô jao kơ đe koh sư hăm đao gưm wă pơm 'nhĕm ăn kơ kŏ bri sa.
11Mă-lei pơtao gô chơt hiôk lăm Kră Yang 'Bok Kei-Dei.
Bu pơkă hăm anăn Kră Yang gô pôk pơư kơ Kră Yang;
Yua kơ Sư gô chĭt lê̆ 'bơ̆r lu bơngai pơma plêl.
Currently Selected:
Horiso 63: bdq
Highlight
Share
Copy
Want to have your highlights saved across all your devices? Sign up or sign in
©Bahnar Bible Association. All rights reserved.
