Jo SƠ̆P HLA BƠAR MĂ PUĂN MÔIS CHIH
SƠ̆P HLA BƠAR MĂ PUĂN MÔIS CHIH
KRAO SƠ̆P
JÔ̆ BƠNGAI
Bơngai chih
Môis
Chih layơ
Sơ̆p 'nâu đei chih lăm kơplah sơnăm 1445-1444 A.K, kơplah kon pơlei Isơrael lĕch đơ̆ng Êyiptơ năm tơ char Kanaan.
Đei chih roi kơ lu bơngai
Môis, Arôn, Miriam, Jôsuê, Kalep, Êlêasar, Kôrê, Balaam.
Sơ̆p 'nâu đei 35 chăl păng 1288 trong.
Roi tơbăt
Kơ̆l tơm lăm sơ̆p hla bơar “Jô̆ Bơngai kiơ̆ kơ lăm 'bar wơ̆t jô̆ kơ̆l kon bơngai đei chih lăm sơ̆p hla bơar chăl 1 păng chăl 26. Mă-lei kơ̆l tơm ưh kơ sĭ kơ tơdrong jô̆ kơ̆l kon bơngai mă-lei roi gah tơdrong kon pơlei adrĕch Isơrael yak năm 38 sơnăm lăm char glă. Pơtơm blŭng-a đơ̆ng kông Sinai truh tơ tơmăn glă Môap, hơmet wă pơtơm mơ̆t tơ lăm teh đak Đêl Pơka. Sơ̆p hla bơar asong đei pêng chăl.
1. Chăl blŭng-a (1:1-9:23) Kơplah kon Isơrael oei 'bơ̆t kông Sinai. Kră Yang 'Bok Kei-Dei athei Môis jô̆ kơ̆l kon bơngai păng bơtho sư gah tơdrong kon pơlei wă oei pơdơh pơm anih păng yuih anih kiơ̆ hơrĭ hơrĭ thoi yơ. Kră Yang kư̆m athei sư klah asong băl tơdrong jang ăn kơ rim adrĕch Lêwi. Đang kơ noh đĭ-đăng kon pơlei et sa năr Giĕng Năm Brih wơ̆t mă 'bar lu sư đei et sa blŭng-a kơplah lu sư oei lăm char Êyiptơ. Lu sư hơmet wă yak năm, lăm mơjĭt-puăn khei đơ̆ng rŏng kơ Kră Yang dŏng pơklaih lu sư hlôi đơ̆ng dêh Êyiptơ.
2. Chăl mă 'bar (10:1-21:35) chih jô̆ roi dôm tơdrong truh tơ rok trong wă mơ̆t tơ dêh char đei pơkă. Kon pơlei Isơrael truh tơ Kalbe Bania, noh trong wă mơ̆t tơ lăm dêh char Kanaan. Lu sư kơtơ̆ng roi gah lu bơngai tih kơjung lăm char noh na lu sư hli ưh kơ pơ̆n mơ̆t blah iŏk thoi Kră Yang đei athei yua kơ tơdrong yoch ưh kơ chu yom lăm jơhngơ̆m ưh kơ lui ngeh kơ Kră Yang 'Bok Kei-Dei, Kră Yang phak lu sư rok dăr char glă pêng-jĭt tơhngam sơnăm dĭng truh kơ đĭ-đăng adrĕch bơngai ưh kơ chu mă lĕch đơ̆ng dêh char Êyiptơ lôch đĭ lăm char glă ưh kơ đei bu gơh mơ̆t lăm dêh char đêl Kră Yang pơkă lăp kon sâu lu sư hơdai Jôsuê păng Kalep.
3. Chăl 3 chăl tơluch (22:1-36:13) đei chih dơ̆ng lu tơdrong truh gah hơlĕch kơ đak krong Jôrđăn. Kon pơlei Isơrael đei blah iŏk tơring teh đak hơdral Môap gah gơal truh kơ dơsĭ Galilê pah yă-nơ̆m. Lu sư pơm bơsŭn pơdơh lăm tơmăn glă Môap hơmet wă kơ tŏk đak krong Jôrđăn, mơ̆t iŏk dêh Kanaan. Kră Yang athei Môis jô̆ kơ̆l kon bơngai păng bơtho kơ sư dôm tơdrong juăt wă klah asong teh ăn kơ kon pơlei Isơrael kiơ̆ kơ adrĕch adrung lu sư. Đĭ lăm dôm tơdrong lu sư yak năm lăm pêng-jĭt tơhngam sơnăm kon pơlei Isơrael lơ dêh bơngai arăng kơ̆l ưh kơ lui gơnang sơngah kơ nơ̆r Kră Yang 'Bok Kei-Dei athei. Mă-lei Kră Yang oei hơnơ̆ng 'mêm mơnat, wei rong păng ăn tơdrong pŭn hiôk kơ lu sư mă khan Kră Yang kư̆m phak tơdrong yoch lu sư.
Kơ̆l tơm
1. Kon pơlei Isơrael wă weh đơ̆ng Kông Sinai 1:1-9:23
a. Jô̆ kơ̆l kon bơngai blŭng-a 1:1-4:49
b. Klah lê̆ pha adrĕch bơngai Lêwi 5:1-8:26
c. Lu sư et sa năr giĕng Năm Brih 9:1-232
Đơ̆ng Kông Sinai tơring Môap 10:1-21:35
a. Miriam păng Arôn 10:1-12:16
b. Chop lăng dêh Kanaan 13:1-33
c. Kon pơlei Isơrael iung blơ̆ 14:1-17:13
d. Rok trong truh tơ char Môap 18:1-21:353
Dôm tơdrong truh lăm char Môap 22:1-36:13
a. Kon pơlei Isơrael pơm yoch 22:1-25:18
b. Jô̆ kơ̆l kon bơngai 'bơ̆t mă 'bar 26:1-65
c. Hơmet kơ wă tŏk krong Jôrđăn 27:1-36:13
Currently Selected:
Jo SƠ̆P HLA BƠAR MĂ PUĂN MÔIS CHIH: bdq
Highlight
Copy
Compare
Share
Want to have your highlights saved across all your devices? Sign up or sign in
©Bahnar Bible Association. All rights reserved.