Jeremías 31
31
15Iroka ikantzi Pawa:
Ikimaitaki Tonkaironiitoniki antaro iraajiita-chari.
Irootaki osaro-payi kaminkaroni Raquel iraakotariri intsiti-payi.
Tima tikatsi mataironi yoimosirinka-jyaaro, tima ithonka iwamai-tzitai-takiro iinchaaniti-payi.
Owakirari ikasiyakaitani
31Ikantzi Pawa:
Paminiro onkarati awisatsini apaata,
Tzimatsi owakira nonkasiya-kaajiriri Judá-iti,
aritaki nomatajiro nasitakaa-jyaari maaroni Israel-iiti.
32Airo okimitaaro nokasiya-kaakiri iwaisatzitini.
Tima pairani nokimita-kaantaari nakathata-tyiirimi,
Naaka jiwatairiri nomisitowan-taariri Apitantoniki.
Ti imonkara-tzimaityaaro nokasiya-kaariri.
Ari nosaika-witaka naaka nokimiwaitakari naakami iimi.
Ari ikantaki iñaawaitaki Pawa. 33Yapiitakiro iñaawaitaki, ikantzi:
Iroka owakirari nokasiya-kaakiriri apaata incharinita-jyaari Israel:
Ari noyosirita-kaayitajiri kamiithari onkarati yantayitairi.
Onkimiwaityaaro nosankina-siritaa-tyiinirimi Nokanta-kaantani,
Naaka inkimita-kaantai Iwawani,
Iriiyitaki nasitajyaari Naaka.
34Ti onkowa-jaantajyaa iyomitaa-wakaa-waitajyaa,
Apatziro ikantayitairi ishininka: Piyosiri-pirotairi Awinkathariti.
Tima maaroni iyotaitajina.
Ari iyoyitajina iriipiroriiti aajatzi asinonkain-kariiti, maaroni.
Oshiki naripirotajiri ikaaripiro-siri-yiwitaka,
Ari nompyaakota-jiniri.
Currently Selected:
Jeremías 31: prq
Highlight
Share
Compare
Copy
Want to have your highlights saved across all your devices? Sign up or sign in
© 2015, Wycliffe Bible Translators, Inc
