1 Corintios 8
8
Comichʌqui's wyi'naŋdʌjqui ñʌ'aŋguejyajupʌ cu'tcuy
1Y yʌtij ndzamba'ʌs te' yajca'yajpapʌ tiyʌ comichʌqui's ñʌquiʌsi. Muspatʌ que mumu tʌ nʌ'ijtu mujsoquiuy yʌ'šejta'mbʌ tiyʌcʌsi. Na' mujsoquiu'yis yajte'ngui'mbatʌ, pero našunʌtʌjcu'yis pyaquitzi'japya tʌ ndzocoy. 2Juca iwʌjutiwʌ's quiomʌ'pya que myuspa tiyʌ'iwʌ, ja'nmaj myusi pyʌcpaše'ŋ wa'y myujsoyu. 3Y juca iwʌjutiwʌ's šunba Dios, te'wʌ ispʌcpa Diojsis.
4Ndzamba'ʌs jeque juca muspatʌ ŋgʌ'su te' yajca'yajpapʌ copʌn comichʌqui's ñʌquiʌsi. Muspatʌs que te' comichʌqui yajtiyʌte' najsacopajcʌsi, y que solo tumʌtij ijtu Dios. 5Porque ñempe itʌ ñʌjayajpapʌ diosta'm juca tzajpojmo o juca najsacopajcʌsi, y wiyuŋšej sone ijtyaju diosta'm y sone comita'm. 6Pero tʌcotoyata'm tumʌtij ijtu te' Dios, y ja'ndiyʌ eyapʌ. Yʌ'wʌ te' Tataj, te' chʌjcupʌ's mumutiyʌ, y tʌta'm ittamutʌ ñe'cʌcotoya. Y tumʌtij ijtu tʌ Ngomi Jesucristo, y ñe'cʌpit ijtu mumutiyʌ, y tʌta'm ittamutʌ ñe'cʌpit.
7Pero ja'ndiyʌ yʌ'šejpʌ mujsoquiuy mumu pʌ'nojmo. Porque hasta como yʌtij ijtu quipsoyajpapʌ comichʌquicʌsi quiʌ'šejpa'c te' yajca'yajupʌ tiyʌ comichʌqui's ñʌquiʌsi. Y ñi'aŋba'tyajpa te' quipsoquiu'yis porque mochita'mbʌte' choco'yojmo. 8Cu'tcu'yis ja'ndʌ nitza'mʌy Dioscʌsi. Ngu'tʌtʌ y jana ŋgu'tʌtʌ, ja'ndʌ ya'oya'e ni ja'ndʌ nyajtocoye. 9Pero coquendamʌ cuenta yʌ' mista'm libre'ajcuy umis nyajnepcʌschʌmdamu te' mochita'mbʌ's wyʌ'aŋjamʌtʌjcuy mista'm libre'ajcupyit. 10Muspamis yʌ'šejta'mbʌ tiyʌ, y juca maŋbamij mbyocsu mesa'ojmo ijtyajumʌy comichʌqui, y ŋguienbamij iwʌjutiwʌ's, nʌmaj jyopi'tupʌ's choco'yo'c quipsoquiuy, ¿ja'nsʌ'ŋ quiengʌspʌqui wa'y maŋu quiʌ'su yajca'yajupʌ tiyʌ comichʌqui's ñʌquiʌsi? 11Y misyʌ' mujsoquiupyit maŋba tyocoyu te' jopi'tupʌ atzi, te' Cristo's quioca'upʌ. 12Yʌ'šejta'mbʌ tiyʌpit, jeque, ŋguiowapa'ttambamij contra miste' atzi. Y nyajopi'ttambamis te' mochipʌ atzi choco'yojmo. Te'šejmis ndzʌctamba'c ŋguiowapa'ttambamij contra Cristo. 13Te'wʌcotoya juca te' cu'tcupyit nyajnepcʌschʌmba te' atzi, ja'na'mʌs ŋgʌ'sque'temaj sis, u'yʌs nyajnepcʌschʌmu'ŋmʌjcʌ ʌs atzi.
Currently Selected:
1 Corintios 8: ZCNT
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.
1 Corintios 8
8
Comichʌqui's wyi'naŋdʌjqui ñʌ'aŋguejyajupʌ cu'tcuy
1Y yʌtij ndzamba'ʌs te' yajca'yajpapʌ tiyʌ comichʌqui's ñʌquiʌsi. Muspatʌ que mumu tʌ nʌ'ijtu mujsoquiuy yʌ'šejta'mbʌ tiyʌcʌsi. Na' mujsoquiu'yis yajte'ngui'mbatʌ, pero našunʌtʌjcu'yis pyaquitzi'japya tʌ ndzocoy. 2Juca iwʌjutiwʌ's quiomʌ'pya que myuspa tiyʌ'iwʌ, ja'nmaj myusi pyʌcpaše'ŋ wa'y myujsoyu. 3Y juca iwʌjutiwʌ's šunba Dios, te'wʌ ispʌcpa Diojsis.
4Ndzamba'ʌs jeque juca muspatʌ ŋgʌ'su te' yajca'yajpapʌ copʌn comichʌqui's ñʌquiʌsi. Muspatʌs que te' comichʌqui yajtiyʌte' najsacopajcʌsi, y que solo tumʌtij ijtu Dios. 5Porque ñempe itʌ ñʌjayajpapʌ diosta'm juca tzajpojmo o juca najsacopajcʌsi, y wiyuŋšej sone ijtyaju diosta'm y sone comita'm. 6Pero tʌcotoyata'm tumʌtij ijtu te' Dios, y ja'ndiyʌ eyapʌ. Yʌ'wʌ te' Tataj, te' chʌjcupʌ's mumutiyʌ, y tʌta'm ittamutʌ ñe'cʌcotoya. Y tumʌtij ijtu tʌ Ngomi Jesucristo, y ñe'cʌpit ijtu mumutiyʌ, y tʌta'm ittamutʌ ñe'cʌpit.
7Pero ja'ndiyʌ yʌ'šejpʌ mujsoquiuy mumu pʌ'nojmo. Porque hasta como yʌtij ijtu quipsoyajpapʌ comichʌquicʌsi quiʌ'šejpa'c te' yajca'yajupʌ tiyʌ comichʌqui's ñʌquiʌsi. Y ñi'aŋba'tyajpa te' quipsoquiu'yis porque mochita'mbʌte' choco'yojmo. 8Cu'tcu'yis ja'ndʌ nitza'mʌy Dioscʌsi. Ngu'tʌtʌ y jana ŋgu'tʌtʌ, ja'ndʌ ya'oya'e ni ja'ndʌ nyajtocoye. 9Pero coquendamʌ cuenta yʌ' mista'm libre'ajcuy umis nyajnepcʌschʌmdamu te' mochita'mbʌ's wyʌ'aŋjamʌtʌjcuy mista'm libre'ajcupyit. 10Muspamis yʌ'šejta'mbʌ tiyʌ, y juca maŋbamij mbyocsu mesa'ojmo ijtyajumʌy comichʌqui, y ŋguienbamij iwʌjutiwʌ's, nʌmaj jyopi'tupʌ's choco'yo'c quipsoquiuy, ¿ja'nsʌ'ŋ quiengʌspʌqui wa'y maŋu quiʌ'su yajca'yajupʌ tiyʌ comichʌqui's ñʌquiʌsi? 11Y misyʌ' mujsoquiupyit maŋba tyocoyu te' jopi'tupʌ atzi, te' Cristo's quioca'upʌ. 12Yʌ'šejta'mbʌ tiyʌpit, jeque, ŋguiowapa'ttambamij contra miste' atzi. Y nyajopi'ttambamis te' mochipʌ atzi choco'yojmo. Te'šejmis ndzʌctamba'c ŋguiowapa'ttambamij contra Cristo. 13Te'wʌcotoya juca te' cu'tcupyit nyajnepcʌschʌmba te' atzi, ja'na'mʌs ŋgʌ'sque'temaj sis, u'yʌs nyajnepcʌschʌmu'ŋmʌjcʌ ʌs atzi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nuevo Testamento en Zoque Copainalá © Sociedad Bíblica de México, A.C. 1967.