Masatarangana 10
10
Ashiriya, na kamanchintspa yuwaatsshat Israelchich tputs tsapoo machee kasarangusin, piyamsha naatarangana anootsi
33Israelchich tputs Sinaymand mach káyarandsin, tuchip zar naayintarashin ashkusin, Apanllee kajonarini yamazarsin kukutssin ashiranganaya. ¿Yapeeja taayamchich? atusin, ashiranganaya. 34Uwshtisin ngootsish naa ashkusin, msassha tputsimun iwaz zaree kámanarangiya. Ichingaru zar ashirangiya. 35Uru Apanllee wizpurirni kajon tinamaa yusur kuyarusin, naakchusin, anush Móysissha;
Apaa, shiysha iyaa yamazangcha.
Na iyaa machingcha.
Sheerush, kundarareetsish tpachingayarush ksangi,
yuwamand shiyaa natsakana anumanda,
tárangiya.
36Msassha yusur karuwataraa ashirangu, kajoneetssha yusur tsapush wayaranganaya. Sheersin, Móysissha;
Ashiri natunaa Apaa, ningtam kanapungcha.
Israelchichee tputs urutamari ksutangcha,
tárangiya.
Ashiriya, na kamaneena, yuwaa Apanll yusur msasee Israelchicheem zanganirangu anootsi.
Currently Selected:
Masatarangana 10: cbu
Highlight
Copy
Compare
Share
Want to have your highlights saved across all your devices? Sign up or sign in
© 2010, Wycliffe Bible Translators, Inc. All rights reserved.
