Hebreos 3
3
Jesús más mʉjninʉmic que Moisés
1Hermanujat, Dios is̈aparta̱tcaway pa je', mit is̈ya̱s̈cau pa intsʉ̱ngawa'n mit je' tsajpni'c. Jemni'c watca cuenta Cristu Jesús jeme Dios i-ajyu'tway, mit je' meru mʉjpa̱nij ni'c nas̈yajcajau lo que nacupʉjcapay. 2Mit je' icumplia̱jtau nu'pʉjʉn ni'c je' Dios iguiyac pa ma iguiservia̱jtac, mit we'ney Moisés icumplia̱t ni'c iservia̱tcʉs̈awey Dios ijayajwat. 3Mit Jesús más mʉjninʉmic que Moisés, ni'c tu'c tʉcwatpay más mʉjninʉmic que tu'c tʉjcuida̱tpay. 4Nu'pʉjʉn tʉjc itp pʉn iguiwatway, po nu'pʉjʉn cosa itpay ayé Dios iwat. 5Iyacs̈ta'cway Moisés as̈am mozo icumplia̱t nu'pʉjʉn ni'c iservia̱tcʉs̈au Dios ijayajwat, mit i-ajque's̈cʉs̈au nu'pʉjʉn lo que inʉmámpay Dios. 6Po Cristu más cumplia̱tp pa iguiservia̱tcʉs̈awa'n Dios ijayajwat ni'c je' Dios iway, mit ʉjtsat Dios nas̈jayajwat te nasiguia̱tcap mʉgʉc naconfia̱tca hasta nas̈-e'pcawa'n je', mit ji'cp najo̱jtat ni'c na-atsʉ̱ngap je'.
Dios iyac mam napo'cs̈cawa'n
7Mit Espíritu Santu inʉm Dios ilibruni'c:
Te inmaraugajap jinap Dios ipalabra,
8camcopacmʉgʉcwátca as̈am iguiwátcaj inte̱jtat ámbanu,
cuandu tʉs̈ac-awa'nigau, ni'c iwangau tʉs̈proba̱tcáj mam igatsʉ̱na nepʉn.
9Mit jem tʉs̈proba̱tcau inte̱jtat ámbanu,
mit i-is̈cau ni'c cuarenta s̈iwit tʉnwatcʉs̈au oy.
10Mit jemni'c tʉnmu-awa'nigʉs̈ ayé jayajwat,
mit cʉs̈ tnyʉm: “Siempre je'jat pensa̱tcap pa icunʉs̈igawa'n,
mit iga-is̈capcawu ayé to̱u tʉnmoygʉs̈way.”
11Mit tʉnmu-awa'nigʉs̈, jemni'c tʉs̈jura̱jt ni'c cacoygáj mam tʉs̈acpo'cs̈cʉs̈wa'n.
12Hermanujat, jinap nicuidá̱tcʉjʉ, pigaduda̱tca mit is̈watcawa'n mal cosajat. Te inwatcap we'n, oyáj is̈cuyaguiga ayé Dios jeme tsʉ̱napay pa siempre. 13Más oy pi nitsawigʉjʉ cada s̈ʉjw, pa pi aprovecha̱tca jinapay tiempu, mit nepʉn mam mijchat magacopacmʉgʉcwát, mit iniwe̱jtʉwa'n mit mal cosajat. 14Ni'c natsʉ̱ngáj mit Cristu te naconfia̱tcap mʉgʉc. As̈am nachú̱chigaj naconfiá̱tca, we'n nasiguiá̱tca hasta te nagacoygap mam je' itsʉ̱na. 15Ni'c we'n iguinʉjm Dios ilibruni'c:
Te inmaraugajap jinap tʉmpalabra,
camcopacmʉgʉcwátca, as̈am tʉs̈ac-awa'nigau inte̱jtat ámbanuway.
16¿Pʉjnat ayé imaraugaway Dios mit cʉs̈ igui-ac-awa'nigau? Igui-ac-awa'nigau nu'pʉjʉn ayé jayajwat jeme Moisés i-acpichingʉs̈way Egiptojway na̱s̈. 17¿Mit pʉjnat Dios imu-awa'nigʉs̈ cuarenta s̈iwit? Imu-awa'nigʉs̈ jeme iwatcaway mal, mit aye'jat jemu i-o'jcaj mam igatsʉ̱na nepʉn. 18¿Mit pʉjnat inʉmgʉs̈au Dios ni'c cacoygáj mam ipo'cs̈cawa'n? Inʉmgʉs̈au ayé jeme cajayaumaygaway. 19Mit najawigap ni'c ca-oyawu icoyga ni'c cacupʉjcawu iyacs̈ta'cway.
Currently Selected:
Hebreos 3: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
Hebreos 3
3
Jesús más mʉjninʉmic que Moisés
1Hermanujat, Dios is̈aparta̱tcaway pa je', mit is̈ya̱s̈cau pa intsʉ̱ngawa'n mit je' tsajpni'c. Jemni'c watca cuenta Cristu Jesús jeme Dios i-ajyu'tway, mit je' meru mʉjpa̱nij ni'c nas̈yajcajau lo que nacupʉjcapay. 2Mit je' icumplia̱jtau nu'pʉjʉn ni'c je' Dios iguiyac pa ma iguiservia̱jtac, mit we'ney Moisés icumplia̱t ni'c iservia̱tcʉs̈awey Dios ijayajwat. 3Mit Jesús más mʉjninʉmic que Moisés, ni'c tu'c tʉcwatpay más mʉjninʉmic que tu'c tʉjcuida̱tpay. 4Nu'pʉjʉn tʉjc itp pʉn iguiwatway, po nu'pʉjʉn cosa itpay ayé Dios iwat. 5Iyacs̈ta'cway Moisés as̈am mozo icumplia̱t nu'pʉjʉn ni'c iservia̱tcʉs̈au Dios ijayajwat, mit i-ajque's̈cʉs̈au nu'pʉjʉn lo que inʉmámpay Dios. 6Po Cristu más cumplia̱tp pa iguiservia̱tcʉs̈awa'n Dios ijayajwat ni'c je' Dios iway, mit ʉjtsat Dios nas̈jayajwat te nasiguia̱tcap mʉgʉc naconfia̱tca hasta nas̈-e'pcawa'n je', mit ji'cp najo̱jtat ni'c na-atsʉ̱ngap je'.
Dios iyac mam napo'cs̈cawa'n
7Mit Espíritu Santu inʉm Dios ilibruni'c:
Te inmaraugajap jinap Dios ipalabra,
8camcopacmʉgʉcwátca as̈am iguiwátcaj inte̱jtat ámbanu,
cuandu tʉs̈ac-awa'nigau, ni'c iwangau tʉs̈proba̱tcáj mam igatsʉ̱na nepʉn.
9Mit jem tʉs̈proba̱tcau inte̱jtat ámbanu,
mit i-is̈cau ni'c cuarenta s̈iwit tʉnwatcʉs̈au oy.
10Mit jemni'c tʉnmu-awa'nigʉs̈ ayé jayajwat,
mit cʉs̈ tnyʉm: “Siempre je'jat pensa̱tcap pa icunʉs̈igawa'n,
mit iga-is̈capcawu ayé to̱u tʉnmoygʉs̈way.”
11Mit tʉnmu-awa'nigʉs̈, jemni'c tʉs̈jura̱jt ni'c cacoygáj mam tʉs̈acpo'cs̈cʉs̈wa'n.
12Hermanujat, jinap nicuidá̱tcʉjʉ, pigaduda̱tca mit is̈watcawa'n mal cosajat. Te inwatcap we'n, oyáj is̈cuyaguiga ayé Dios jeme tsʉ̱napay pa siempre. 13Más oy pi nitsawigʉjʉ cada s̈ʉjw, pa pi aprovecha̱tca jinapay tiempu, mit nepʉn mam mijchat magacopacmʉgʉcwát, mit iniwe̱jtʉwa'n mit mal cosajat. 14Ni'c natsʉ̱ngáj mit Cristu te naconfia̱tcap mʉgʉc. As̈am nachú̱chigaj naconfiá̱tca, we'n nasiguiá̱tca hasta te nagacoygap mam je' itsʉ̱na. 15Ni'c we'n iguinʉjm Dios ilibruni'c:
Te inmaraugajap jinap tʉmpalabra,
camcopacmʉgʉcwátca, as̈am tʉs̈ac-awa'nigau inte̱jtat ámbanuway.
16¿Pʉjnat ayé imaraugaway Dios mit cʉs̈ igui-ac-awa'nigau? Igui-ac-awa'nigau nu'pʉjʉn ayé jayajwat jeme Moisés i-acpichingʉs̈way Egiptojway na̱s̈. 17¿Mit pʉjnat Dios imu-awa'nigʉs̈ cuarenta s̈iwit? Imu-awa'nigʉs̈ jeme iwatcaway mal, mit aye'jat jemu i-o'jcaj mam igatsʉ̱na nepʉn. 18¿Mit pʉjnat inʉmgʉs̈au Dios ni'c cacoygáj mam ipo'cs̈cawa'n? Inʉmgʉs̈au ayé jeme cajayaumaygaway. 19Mit najawigap ni'c ca-oyawu icoyga ni'c cacupʉjcawu iyacs̈ta'cway.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].