2 Pedro 2
2
We̱tpay profetajat mit we̱tpay ajque's̈pajyat
1Po ampay tiempu itey we̱tpay profetajat mam Dios ijayajwat, mit jinap itámpey mam mijchat we̱tpay ajque's̈pajyat, mit aye'jat i-acchu̱chigáj anu'mu ma̱lway ama̱s̈an jeme nas̈actogoypay mit hasta inega̱tcáj el Señor jeme itso̱cway ima̱jlat, mit jeme iwatcapay wename togoygáj de repente. 2Mit je'jat iwatcada̱jcáj tigapa'tu mit mayo'c iwatcáj ni-as̈amu, mit jemni'c jayajwat imalninʉmgáj ayé to̱u iyacs̈ta'cway. 3Je'jat iwano'jcap tumi̱n mit is̈ajque's̈cajáj tu'c we̱t solo pa is̈chi'tcajáj tumi̱n. Dios inʉm ámbanu ni'c tsʉ̱ngáj condena̱tic mit ayé itp ti ijatwa'n, mit cajati pa itogoygawa'n. 4Dios igaperdona̱tcʉs̈u ayé ángejlat jeme iwatcaway mal, po je' ica'tstʉgʉygʉs̈ jʉngʉtʉm, mit iyajcʉs̈ as̈am presujat chitimicni'c pa iguijuzga̱tcʉs̈wa'n.
5Mit Dios igaperdona̱tcʉs̈u-ey ampay jayajwat, po i-acmin tu̱ mʉgʉcway pa ma o'jca nu'pʉjʉn ayé maljayajwat. Mit Dios isalva̱t Noé ni'c je' ja-imoygʉs̈ yacs̈icway to̱u ayé maljayajwat, mit Dios isalva̱tey jasiete jayajwat. 6Mit Dios icondena̱tcʉs̈ ma togoyga ayé jayajwat tsʉ̱ngaway nʉ'jcopac Sodoma mit Gomorra, mit toygau ayé nʉ'jcopajcat hasta neti catanu. Mit Dios iyac ayé pa ma pʉjca ejemplu jeme jinap iwatcapay mal. 7Mit Dios ilibra̱t Lot ni'c je' tu'c jayau yacs̈icway, ni'c Lot tu'no'c ijo̱jt mit awa'niu igui-is̈ nat iyo'ygaj mal nu'pʉjʉn ayé jayajwat. 8Lot tsʉ̱nau nije'yu nʉ'jcopac mam itsʉ̱nga ayé maljayajwat, mit como je' tu'c jayau yacs̈icway, je' itunas̈ mit tristeza cada s̈ʉjw ni'c je' i-is̈ mit imarau ayé mal iwatí̱jcaway ayé jayajwat. 9Mit te wename i-ijt, jinap el Señor oyap iguilibra̱tcʉs̈ ijayajwat jeme itunas̈capay, mit oyapey igui-aparta̱tcʉs̈ maljayajwat pa iguicastiga̱tcʉs̈wa'n en ayé s̈ʉjw itujuzga̱támpay.
10Dios icastiga̱tcʉs̈áj jeme iwatcapay ayé mal iyo'tpay ijo̱jtat, mit itunijingʉjʉp ayé ma̱jlat, mit iyajcap menus el Señor Dios jeme más manda̱tpay. Igapʉ̱tcap nepʉn mit tercujat, mit igapʉ̱tcap iguimalninʉ́mga manda̱tpajyat. 11Mit ángejlat más itcʉjʉp poder mit más manda̱tcap, mit igamalninʉmgap manda̱tpajyat mam itsʉ̱na Dios.
12Po ayé maljayajwat imalninʉmgap lo que igajawigapay. Je'jat as̈am aníma̱jtat capensa̱tcapay. Je'jat mingap en ayʉ̱́j mundu solo pa igui-actangáj mit pa igui-ago'jcáj, mit je'jat togoygáj as̈am aníma̱jtat. 13Itunas̈cáj mit ayé mal iwatcapay. Je'jat iwano'jcap iguiwatcawa'n tigapa'tu cada s̈ʉjw. Ayé maljayajwat ca-itcʉjʉp winchu̱jc mit jinic itsʉ̱nga mit ma̱jlat. Mit cuandu icáyga mit mijchat, ji'cp ijo̱jtat mit ayé ma̱jlat iwatcapay.
14Je'jat ipensa̱tí̱jcap pa ichajyo'ygawa'n, iwangap iguiwati̱jcawa'n mal, i-actuwatcap mal jeme canicupʉjcapay mʉgʉc. Je'jat yújijcat pa iguiwangawa'n jayje'. Maldiciona̱tic itsʉ̱nga. 15Icuyaguigaway to̱u yacs̈icway mit jinap nʉs̈cap togoyic. Je'jat isiguia̱tcajap ayé to̱u iyacway Balaam Beor iway, ni'c je' iwan igui-actsʉ̱nawa'n tumi̱n mit ma̱jlat. 16Ayé profeta Balaam iwat mal mit iguiche'cta̱c tu'c burru jeme cacotspay. Dios i-ajcots ayé burru, mit ichi'jtau itontería ayé profeta.
17Je'jat as̈am tu'c nʉ'cʉt tʉ'tsicway, mit as̈am wintuc icus̈ujipay s̈e'm, mit itp tu'c lugar mam i-it mayo'c chitimic guarda̱tic pa je'jat, mit jem iguitunas̈cawa'n pa nu'pʉjʉn tiempu. 18Je'jat iwangap ini-oyninʉmgʉjʉwa'n, mit jalmanu lo que inʉmgapay. Ayé maljayajwat iwatcap as̈am iguiyo't ijo̱jtat mit i-actuwatcapey ni-as̈amu japu̱t jayajwat, mit hasta jayajwat igajawatcapayate mal. 19Mit iguinʉmgajap ni'c te iguicupʉjcap je'jat, yo'ygáj libre. Po je'jat mismu cayo'ygap libre ni'c tsʉ̱ngap to'ctʉgʉyic mit ayé ma̱jlat. Ni'c tu'c jayau tsʉ̱nap to'ctʉgʉyic cuandu iguivencia̱tp ayé mal iwatpay. 20Nacuyaguigaway ma̱jlat itpay en ayʉ̱́j mundu mit na-is̈capcanup el Señor Jesucristu jeme nas̈salva̱tcapay. Po te natunitʉgʉygʉjʉpatu ma̱jlat mit te nas̈vencia̱tcap ayé mal, najatcáj más pior que as̈am natsʉ̱najʉ'jcaj. 21Ayé maljayajwat más oyate maga-is̈capca ayé yacs̈icway to̱u, ni'c te i-is̈capcap mit cʉs̈wa'n icuyaguigapatu ayé oyway mandamientu iyacway Dios, más mal ijatcawa'n. 22Po je'jat iguijatcau as̈am iguinʉjm ayé dichu: “Tu'c tac imechpajcaypatu i-ʉ'tspichinway, mit tu'c i̱chim chi'wicway mo'tsquitapatu.”
Currently Selected:
2 Pedro 2: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
2 Pedro 2
2
We̱tpay profetajat mit we̱tpay ajque's̈pajyat
1Po ampay tiempu itey we̱tpay profetajat mam Dios ijayajwat, mit jinap itámpey mam mijchat we̱tpay ajque's̈pajyat, mit aye'jat i-acchu̱chigáj anu'mu ma̱lway ama̱s̈an jeme nas̈actogoypay mit hasta inega̱tcáj el Señor jeme itso̱cway ima̱jlat, mit jeme iwatcapay wename togoygáj de repente. 2Mit je'jat iwatcada̱jcáj tigapa'tu mit mayo'c iwatcáj ni-as̈amu, mit jemni'c jayajwat imalninʉmgáj ayé to̱u iyacs̈ta'cway. 3Je'jat iwano'jcap tumi̱n mit is̈ajque's̈cajáj tu'c we̱t solo pa is̈chi'tcajáj tumi̱n. Dios inʉm ámbanu ni'c tsʉ̱ngáj condena̱tic mit ayé itp ti ijatwa'n, mit cajati pa itogoygawa'n. 4Dios igaperdona̱tcʉs̈u ayé ángejlat jeme iwatcaway mal, po je' ica'tstʉgʉygʉs̈ jʉngʉtʉm, mit iyajcʉs̈ as̈am presujat chitimicni'c pa iguijuzga̱tcʉs̈wa'n.
5Mit Dios igaperdona̱tcʉs̈u-ey ampay jayajwat, po i-acmin tu̱ mʉgʉcway pa ma o'jca nu'pʉjʉn ayé maljayajwat. Mit Dios isalva̱t Noé ni'c je' ja-imoygʉs̈ yacs̈icway to̱u ayé maljayajwat, mit Dios isalva̱tey jasiete jayajwat. 6Mit Dios icondena̱tcʉs̈ ma togoyga ayé jayajwat tsʉ̱ngaway nʉ'jcopac Sodoma mit Gomorra, mit toygau ayé nʉ'jcopajcat hasta neti catanu. Mit Dios iyac ayé pa ma pʉjca ejemplu jeme jinap iwatcapay mal. 7Mit Dios ilibra̱t Lot ni'c je' tu'c jayau yacs̈icway, ni'c Lot tu'no'c ijo̱jt mit awa'niu igui-is̈ nat iyo'ygaj mal nu'pʉjʉn ayé jayajwat. 8Lot tsʉ̱nau nije'yu nʉ'jcopac mam itsʉ̱nga ayé maljayajwat, mit como je' tu'c jayau yacs̈icway, je' itunas̈ mit tristeza cada s̈ʉjw ni'c je' i-is̈ mit imarau ayé mal iwatí̱jcaway ayé jayajwat. 9Mit te wename i-ijt, jinap el Señor oyap iguilibra̱tcʉs̈ ijayajwat jeme itunas̈capay, mit oyapey igui-aparta̱tcʉs̈ maljayajwat pa iguicastiga̱tcʉs̈wa'n en ayé s̈ʉjw itujuzga̱támpay.
10Dios icastiga̱tcʉs̈áj jeme iwatcapay ayé mal iyo'tpay ijo̱jtat, mit itunijingʉjʉp ayé ma̱jlat, mit iyajcap menus el Señor Dios jeme más manda̱tpay. Igapʉ̱tcap nepʉn mit tercujat, mit igapʉ̱tcap iguimalninʉ́mga manda̱tpajyat. 11Mit ángejlat más itcʉjʉp poder mit más manda̱tcap, mit igamalninʉmgap manda̱tpajyat mam itsʉ̱na Dios.
12Po ayé maljayajwat imalninʉmgap lo que igajawigapay. Je'jat as̈am aníma̱jtat capensa̱tcapay. Je'jat mingap en ayʉ̱́j mundu solo pa igui-actangáj mit pa igui-ago'jcáj, mit je'jat togoygáj as̈am aníma̱jtat. 13Itunas̈cáj mit ayé mal iwatcapay. Je'jat iwano'jcap iguiwatcawa'n tigapa'tu cada s̈ʉjw. Ayé maljayajwat ca-itcʉjʉp winchu̱jc mit jinic itsʉ̱nga mit ma̱jlat. Mit cuandu icáyga mit mijchat, ji'cp ijo̱jtat mit ayé ma̱jlat iwatcapay.
14Je'jat ipensa̱tí̱jcap pa ichajyo'ygawa'n, iwangap iguiwati̱jcawa'n mal, i-actuwatcap mal jeme canicupʉjcapay mʉgʉc. Je'jat yújijcat pa iguiwangawa'n jayje'. Maldiciona̱tic itsʉ̱nga. 15Icuyaguigaway to̱u yacs̈icway mit jinap nʉs̈cap togoyic. Je'jat isiguia̱tcajap ayé to̱u iyacway Balaam Beor iway, ni'c je' iwan igui-actsʉ̱nawa'n tumi̱n mit ma̱jlat. 16Ayé profeta Balaam iwat mal mit iguiche'cta̱c tu'c burru jeme cacotspay. Dios i-ajcots ayé burru, mit ichi'jtau itontería ayé profeta.
17Je'jat as̈am tu'c nʉ'cʉt tʉ'tsicway, mit as̈am wintuc icus̈ujipay s̈e'm, mit itp tu'c lugar mam i-it mayo'c chitimic guarda̱tic pa je'jat, mit jem iguitunas̈cawa'n pa nu'pʉjʉn tiempu. 18Je'jat iwangap ini-oyninʉmgʉjʉwa'n, mit jalmanu lo que inʉmgapay. Ayé maljayajwat iwatcap as̈am iguiyo't ijo̱jtat mit i-actuwatcapey ni-as̈amu japu̱t jayajwat, mit hasta jayajwat igajawatcapayate mal. 19Mit iguinʉmgajap ni'c te iguicupʉjcap je'jat, yo'ygáj libre. Po je'jat mismu cayo'ygap libre ni'c tsʉ̱ngap to'ctʉgʉyic mit ayé ma̱jlat. Ni'c tu'c jayau tsʉ̱nap to'ctʉgʉyic cuandu iguivencia̱tp ayé mal iwatpay. 20Nacuyaguigaway ma̱jlat itpay en ayʉ̱́j mundu mit na-is̈capcanup el Señor Jesucristu jeme nas̈salva̱tcapay. Po te natunitʉgʉygʉjʉpatu ma̱jlat mit te nas̈vencia̱tcap ayé mal, najatcáj más pior que as̈am natsʉ̱najʉ'jcaj. 21Ayé maljayajwat más oyate maga-is̈capca ayé yacs̈icway to̱u, ni'c te i-is̈capcap mit cʉs̈wa'n icuyaguigapatu ayé oyway mandamientu iyacway Dios, más mal ijatcawa'n. 22Po je'jat iguijatcau as̈am iguinʉjm ayé dichu: “Tu'c tac imechpajcaypatu i-ʉ'tspichinway, mit tu'c i̱chim chi'wicway mo'tsquitapatu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].