2 Juan 1
1
Dios nas̈wangap iyacs̈ta'cway
1Ʉ̱ Juan tʉna'wayanu mit tʉtsʉ̱nap encarga̱tic mam cupʉcpajyat. Tʉnja'jyap ayé hermana mit iwajyat jeme Dios icupiugʉs̈way. Ʉ̱ tʉnwangʉs̈p iyacs̈ta'cway mit caje' ʉ̱jyu, po iguiwangapey nu'pʉjʉn i-is̈capcanupay lo que iyacs̈ta'cway. 2Mijchat tʉwangʉs̈p ni'c incupʉjcapey lo que iyacs̈ta'cway, mit lo que iyacs̈ta'cway tanáj mit ʉjtsat pa siempre. 3Dios Nate̱jat mit iway el Señor Jesucristu pi is̈moygac favor, pi is̈-ayo̱wis̈cac mit pi is̈moygac paz, ni'c je'jat nas̈wangap iyacs̈ta'cway.
4Ji'go'c tʉnjo̱jt ni'c tʉmpa̱tcʉs̈way una̱c inwajyat jeme yo'ygapay yacs̈ic as̈am Dios Nate̱jat nas̈manda̱tcau. 5Mit jinap, hermana, tʉnʉjmap ni'c naniwángʉjʉ nanu'pʉjʉjnat. Ʉ̱ tʉgaja'jyap tu'c namay mandamientu po tʉja'jyap ayé mandamientu na-aguepcaway desde nachú̱chigaj cupʉcpay. 6Mit naniwangʉjʉp cuandu nayo'yga as̈am Dios imanda̱t. Ayʉ̱́j ayé lo que imanda̱tpay ni'c naniwángʉjʉ nanu'pʉjʉjnat as̈am nas̈máraugaj desde nachú̱chigaj cupʉcpay.
We̱tpayna'jat
7Jinap mayo'c we̱tpajyat ipíchinga en ayʉ̱́j mundu. Je'jat inʉmgap ni'c Jesucristu cajátu jayau yam. Mit jeme inʉmpay we'n, ayé tu'c we̱tpay, mit ayé Cristu imutsuguin. 8Nicuida̱tcʉjʉ mijchat pa magapichin jalmanu nawatcapay pa Dios, ni'c más oy napʉctsóuga nu'tsic ayé premiu nas̈moygámpay Dios.
9Jeme itunitʉgʉjyʉpay jatu'c ama̱s̈an mit igamutamp Cristu i-ama̱s̈an, ayé igamutʉgʉyp Dios. Po jeme imutampay Cristu i-ama̱s̈an, ayé imutʉgʉyway Dios Nate̱jat mit iway Jesucristu. 10Te tu'c jayau mimp is̈tʉcyo'ygap mam inyi-apʉcmújcʉjʉ, mit te iga-ajque's̈ap Cristu i-ama̱s̈an, campʉctsouga ne camnʉmgaja ni'c oyo'gu icojy. 11Ni'c jeme inʉjmámpay ni'c oyo'gu icojy, imunimojtʉp nu'pʉjʉn mal imuyo'ypay.
Ultimu saludu
12Tʉnaguep mayo'c cosa pa tʉnʉmgʉs̈awa'n, po tʉngawamp tʉmucotscʉs̈wa'n mayo'c ja'yic nocni'c. Ʉ̱ tʉnatsʉ̱nap pa tʉnʉs̈wa'n mam intsʉ̱nga, mit tʉmu-ampiugʉs̈áj pa ma ji'cta'c najo̱jtat iyacs̈ta'cway. 13Is̈saluda̱tcap inhermana iwajyat jeme Dios icupiugʉs̈way. Yam icʉs̈ lo que tʉnʉmgʉs̈apay.
Currently Selected:
2 Juan 1: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
