2 Corintios 9
9
Tu'c ofrenda pa hermanujat
1Ca-itp ti tʉja'ygʉs̈awa'n pa pi majyiga Dios ijayajwat, 2tʉnjawip ni'c inwangap is̈watcawa'n ayé. Jemni'c tʉnyʉmgʉs̈au Macedoniajatway ni'c mi-oyjayawo'jcat, mit tʉnyʉmgʉs̈au ni'c mijchat mitsʉ̱ngapay Acayajway na̱s̈ mitsʉ̱ngap listu pa inmajyigawa'n mit ofrenda desde s̈iwit nas̈way, mit mayo'gap is̈animá̱tca ni'c we'n is̈wátca. 3Mit tʉnajyu'tcʉs̈ ayé hermanujat pa tʉga-oyninʉmgawa'n jalmanu en ayʉ̱́j asuntu, pa pi tsʉ̱nga listu as̈am tʉs̈nʉmgʉ́s̈aj. 4Magaminga mit ʉ̱ hermanujat Macedoniajatway mit is̈pa̱tcáj migatsʉ̱ngap listu, mit cʉs̈wa'n tʉwinchu̱cta̱jcáj ʉjtsat mit mijchat we'ney ni'c tʉconfia̱tcau mit mijchat. 5Jemni'c tʉs̈pensa̱jt ni'c itp ti tʉs̈tsawigʉs̈wa'n hermanujat ma nʉs̈ʉ'jca mam mijchat ma oyajca ayé ofrenda imprometia̱tcaway, pa ayé ofrenda ma tsʉ̱na listu, pa ma jawiga nu'pʉjʉn ni'c mi-oyjayawo'jcat ni'c inyajcap ayé ofrenda ingustuni'jcat, caje' ni'c tʉ-afuerza̱tcau.
6Oy pi nijawiga ni'c jeme ini̱pay s̈ʉ̱nu, ichigámpey s̈ʉ̱nu. Mit jeme ini̱pay may, ichigámpey may. 7Cada jayau ma yac i-ofrenda pʉjʉn iguipensa̱t, mit magatu'n ijo̱jt, mit magapensa̱t ni'c obliga̱tic iguiyacwa'n, ni'c Dios iwano'cp jeme ji'cpay ijo̱jt iguiyac. 8Mit Dios oyap is̈acmingajap may nu'pʉjʉn favor pa is̈aguepcawa'n nu'pʉjʉn inyesita̱tcapay, pa we'n oyáj is̈majyiga nu'pʉjʉn jeme nesitá̱tijcatway. 9As̈am itsʉ̱na ja'yic Dios ilibruni'c:
May iguimoygʉs̈ pro̱wijwájat,
mit ayé oy iwatway tan pa siempre.
10Dios imoyp semilla ni̱payna' mit imoypey cayan pa iguicaywa'n, mit como Dios iyacp ayé semilla, i-acmayiyámpey lo que inyi̱pcapay, mit is̈majyigáj pa más is̈watcawa'n cosa oyway. 11Mit Dios is̈moygáj may nu'pʉjʉn cosa pa mijchat oyámpey is̈yajca may, mit we'n hermanujat inʉmgajáj Dios ni'ctiyu̱s̈ cuandu tʉs̈-entrega̱tcajawa'n inofrendajat. 12Ni'c te wename is̈májyiga Dios ijayajwat, inacnu'tscajáj iguitogoygapay, mit we'ney je'jat inʉmgajáj Dios ni'ctiyu̱s̈ may veces. 13Ijawigáj ni'c micupʉjcap iyacs̈ta'cway ni'c inmajyigap ayé hermanujat mit jemni'c i-oyninʉmgáj Dios. Inactujawigámpey ni'c inwangajap Cristu i-oyway noticia ni'c injayaumaygap nu'pʉjʉn inʉmpay Dios. Mit i-oyninʉmgáj Dios ni'c inwangap is̈yajcawa'n may ayuda pa je'jat mit pa nu'pʉjʉn hermanujat. 14We'ney je'jat ora̱tcap pa mijchat, mit je'jat is̈wangap ni'c Dios is̈moygau mayo'c favor. 15Nanʉ́mgaja Dios ni'ctiyu̱s̈ ni'c nas̈moygap mayo'c favor hasta ca-oyap nas̈jawi tini'c nas̈moygap may favor.
Currently Selected:
2 Corintios 9: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
2 Corintios 9
9
Tu'c ofrenda pa hermanujat
1Ca-itp ti tʉja'ygʉs̈awa'n pa pi majyiga Dios ijayajwat, 2tʉnjawip ni'c inwangap is̈watcawa'n ayé. Jemni'c tʉnyʉmgʉs̈au Macedoniajatway ni'c mi-oyjayawo'jcat, mit tʉnyʉmgʉs̈au ni'c mijchat mitsʉ̱ngapay Acayajway na̱s̈ mitsʉ̱ngap listu pa inmajyigawa'n mit ofrenda desde s̈iwit nas̈way, mit mayo'gap is̈animá̱tca ni'c we'n is̈wátca. 3Mit tʉnajyu'tcʉs̈ ayé hermanujat pa tʉga-oyninʉmgawa'n jalmanu en ayʉ̱́j asuntu, pa pi tsʉ̱nga listu as̈am tʉs̈nʉmgʉ́s̈aj. 4Magaminga mit ʉ̱ hermanujat Macedoniajatway mit is̈pa̱tcáj migatsʉ̱ngap listu, mit cʉs̈wa'n tʉwinchu̱cta̱jcáj ʉjtsat mit mijchat we'ney ni'c tʉconfia̱tcau mit mijchat. 5Jemni'c tʉs̈pensa̱jt ni'c itp ti tʉs̈tsawigʉs̈wa'n hermanujat ma nʉs̈ʉ'jca mam mijchat ma oyajca ayé ofrenda imprometia̱tcaway, pa ayé ofrenda ma tsʉ̱na listu, pa ma jawiga nu'pʉjʉn ni'c mi-oyjayawo'jcat ni'c inyajcap ayé ofrenda ingustuni'jcat, caje' ni'c tʉ-afuerza̱tcau.
6Oy pi nijawiga ni'c jeme ini̱pay s̈ʉ̱nu, ichigámpey s̈ʉ̱nu. Mit jeme ini̱pay may, ichigámpey may. 7Cada jayau ma yac i-ofrenda pʉjʉn iguipensa̱t, mit magatu'n ijo̱jt, mit magapensa̱t ni'c obliga̱tic iguiyacwa'n, ni'c Dios iwano'cp jeme ji'cpay ijo̱jt iguiyac. 8Mit Dios oyap is̈acmingajap may nu'pʉjʉn favor pa is̈aguepcawa'n nu'pʉjʉn inyesita̱tcapay, pa we'n oyáj is̈majyiga nu'pʉjʉn jeme nesitá̱tijcatway. 9As̈am itsʉ̱na ja'yic Dios ilibruni'c:
May iguimoygʉs̈ pro̱wijwájat,
mit ayé oy iwatway tan pa siempre.
10Dios imoyp semilla ni̱payna' mit imoypey cayan pa iguicaywa'n, mit como Dios iyacp ayé semilla, i-acmayiyámpey lo que inyi̱pcapay, mit is̈majyigáj pa más is̈watcawa'n cosa oyway. 11Mit Dios is̈moygáj may nu'pʉjʉn cosa pa mijchat oyámpey is̈yajca may, mit we'n hermanujat inʉmgajáj Dios ni'ctiyu̱s̈ cuandu tʉs̈-entrega̱tcajawa'n inofrendajat. 12Ni'c te wename is̈májyiga Dios ijayajwat, inacnu'tscajáj iguitogoygapay, mit we'ney je'jat inʉmgajáj Dios ni'ctiyu̱s̈ may veces. 13Ijawigáj ni'c micupʉjcap iyacs̈ta'cway ni'c inmajyigap ayé hermanujat mit jemni'c i-oyninʉmgáj Dios. Inactujawigámpey ni'c inwangajap Cristu i-oyway noticia ni'c injayaumaygap nu'pʉjʉn inʉmpay Dios. Mit i-oyninʉmgáj Dios ni'c inwangap is̈yajcawa'n may ayuda pa je'jat mit pa nu'pʉjʉn hermanujat. 14We'ney je'jat ora̱tcap pa mijchat, mit je'jat is̈wangap ni'c Dios is̈moygau mayo'c favor. 15Nanʉ́mgaja Dios ni'ctiyu̱s̈ ni'c nas̈moygap mayo'c favor hasta ca-oyap nas̈jawi tini'c nas̈moygap may favor.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].