2 Corintios 10
10
Nat imanda̱t apóstol Pablo
1Ʉ̱ Pablo tʉmucotscʉs̈p jo̱toy as̈am te Cristu is̈mucotscap ni'c je' oyjayawo'c mit jayawano'cp. Inʉmgap tʉnmutsuguijnat ni'c cuandu tʉtsʉ̱na mit mijchat tʉniwajtʉp oyjayawo'c, po cuandu tʉtsʉ̱na jatu'c laj tʉniwajtʉp valiente. 2Po tʉtsʉ̱nawa'n mit mijchat oyapey tʉ-awa'ni mit tʉnche'cta̱jcʉs̈áj cʉjtu'c jeme inʉmgapay ni'c tʉyo'ygap as̈am jayajwat ayʉ̱́j mundujway. Tʉyo'tcʉs̈ap is̈ca-ac-awa'nigáj wename mit mijchat. 3Ni'c maja tʉyo'ygawa'naj en ayʉ̱́j mundu, tʉgalucha̱tcap as̈am jayajwat iwangapay ayʉ̱́j mundu. 4Ni'c tʉgalucha̱tcap mit ayé arma jayajwat itulucha̱tcapay po tʉn-ármajat ayé poder iyacpay Dios pa tʉs̈vencia̱tcawa'n nu'pʉjʉn tsʉ̱ngapay contra Dios. 5Tʉnatujcap nu'pʉjʉn ipensa̱tcapay jayajwat, mit tʉmvencia̱tcap nu'pʉjʉn nimʉjninʉmgʉjʉpay ni'c je'jat igawangap igui-is̈capcawa'n Dios, mit nu'pʉjʉn jayajwat tʉnactujayaumaygap Cristu. 6Mit tʉtsʉ̱ngap listu pa tʉs̈castiga̱tcawa'n nu'pʉjʉn cajayaumaygapay po tʉmojyʉ'jcáj jas̈ʉ̱n tiempu hasta injayaumaygawa'n.
7In-e'pcap nu'pʉjʉn cosa as̈amu ique's̈ iyucuinm. Te tu'c jayau confia̱tp ni'c je' imutʉgʉyway Cristu, je' ma jawi ni'c as̈am je' iguimutʉgʉy Cristu, wename-ey ʉjtsat tʉs̈mutʉgʉyga Cristu. 8Ni'c te tʉni-oyninʉjmʉp más ni'c tʉmanda̱tp, tʉgawinchu̱gap. Ni'c el Señor tʉs̈yajcau tʉmandá̱tca pa pi pʉjca maj mit je', mit caje' pa intogoygawa'n. 9Mit nepʉn maganʉm ni'c tʉja'ygʉs̈ap ayé noc pa tʉ-apʉ̱tigʉs̈wa'n. 10Mit cʉjtu'c inʉmgap ni'c ayé noc tʉnja'ypay mʉgʉc tʉtsawi mit bien ja'yic, po inʉmgapey ni'c tʉga-oyque's̈p mit nes̈ʉ̱n ca-oyap tʉcots. 11Ayé jayau inʉmpay wename ma jawi ni'c as̈am tʉs̈ja'yga nocni'c cuandu tʉgatsʉ̱́nga mit mijchat, wename-ey tʉs̈watcawa'n cuandu tʉtsʉ̱ngawa'n mit mijchat.
12Ʉjtsat tʉgaje'jat as̈am ayé jayajwat nimʉjninʉmgʉjʉpay je'jatu, ni'c je'jatu inʉmgap ni'c más oy jayajwat que japu̱jtat, mit inʉmgapey ni'c más i-is̈capcap. Ayé jayajwat igajawigap neti. 13Ʉjtsat tʉganimʉjninʉmgʉjʉp demás po tʉnwatcáj solamente jeme Dios tʉs̈moygaway tʉwátca, mit je' tʉs̈ajcoygau hasta mam mijchat. 14Ni'c ʉjtsat Dios tʉs̈ajyu'tcau pa tʉcoygawa'n mam mijchat, tʉganimanda̱tcʉjʉwu ʉjtsatu. Mit tʉcojyʉ'jcau mam mijchat pa tʉs̈nʉmdacyo'ygawa'n Cristu i-oyway noticia. 15Tʉganimʉjninʉmgʉjʉp mit ayé yos̈ iwatcaway jatu'c jayajwat, solo tʉyos̈watcap as̈am Dios tʉs̈manda̱tcau. Mit tʉnwangap pi cupʉjca más, pa tʉyos̈watcawa'n más mit mijchat as̈am Dios tʉs̈manda̱tcau. 16Pa we'n oyáj tʉs̈nʉmdacyo'yga Cristu i-oyway noticia en ayé lugajrat itpay más yajyʉ'n de mijchat, mit we'n tʉganimʉjninʉmgʉjʉ̱́j mit tu'c yos̈ itnupay watic.
17Po jeme nimʉjninʉjmʉpay, más oy ma mʉjninʉm el Señor. 18Ni'c capichináj oy tu'c jayau ni-oyinʉjmʉpay je'yu. Pichináj oy ayé jayau jeme Dios igui-oyninʉmámpay.
Currently Selected:
2 Corintios 10: PSNT
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].
2 Corintios 10
10
Nat imanda̱t apóstol Pablo
1Ʉ̱ Pablo tʉmucotscʉs̈p jo̱toy as̈am te Cristu is̈mucotscap ni'c je' oyjayawo'c mit jayawano'cp. Inʉmgap tʉnmutsuguijnat ni'c cuandu tʉtsʉ̱na mit mijchat tʉniwajtʉp oyjayawo'c, po cuandu tʉtsʉ̱na jatu'c laj tʉniwajtʉp valiente. 2Po tʉtsʉ̱nawa'n mit mijchat oyapey tʉ-awa'ni mit tʉnche'cta̱jcʉs̈áj cʉjtu'c jeme inʉmgapay ni'c tʉyo'ygap as̈am jayajwat ayʉ̱́j mundujway. Tʉyo'tcʉs̈ap is̈ca-ac-awa'nigáj wename mit mijchat. 3Ni'c maja tʉyo'ygawa'naj en ayʉ̱́j mundu, tʉgalucha̱tcap as̈am jayajwat iwangapay ayʉ̱́j mundu. 4Ni'c tʉgalucha̱tcap mit ayé arma jayajwat itulucha̱tcapay po tʉn-ármajat ayé poder iyacpay Dios pa tʉs̈vencia̱tcawa'n nu'pʉjʉn tsʉ̱ngapay contra Dios. 5Tʉnatujcap nu'pʉjʉn ipensa̱tcapay jayajwat, mit tʉmvencia̱tcap nu'pʉjʉn nimʉjninʉmgʉjʉpay ni'c je'jat igawangap igui-is̈capcawa'n Dios, mit nu'pʉjʉn jayajwat tʉnactujayaumaygap Cristu. 6Mit tʉtsʉ̱ngap listu pa tʉs̈castiga̱tcawa'n nu'pʉjʉn cajayaumaygapay po tʉmojyʉ'jcáj jas̈ʉ̱n tiempu hasta injayaumaygawa'n.
7In-e'pcap nu'pʉjʉn cosa as̈amu ique's̈ iyucuinm. Te tu'c jayau confia̱tp ni'c je' imutʉgʉyway Cristu, je' ma jawi ni'c as̈am je' iguimutʉgʉy Cristu, wename-ey ʉjtsat tʉs̈mutʉgʉyga Cristu. 8Ni'c te tʉni-oyninʉjmʉp más ni'c tʉmanda̱tp, tʉgawinchu̱gap. Ni'c el Señor tʉs̈yajcau tʉmandá̱tca pa pi pʉjca maj mit je', mit caje' pa intogoygawa'n. 9Mit nepʉn maganʉm ni'c tʉja'ygʉs̈ap ayé noc pa tʉ-apʉ̱tigʉs̈wa'n. 10Mit cʉjtu'c inʉmgap ni'c ayé noc tʉnja'ypay mʉgʉc tʉtsawi mit bien ja'yic, po inʉmgapey ni'c tʉga-oyque's̈p mit nes̈ʉ̱n ca-oyap tʉcots. 11Ayé jayau inʉmpay wename ma jawi ni'c as̈am tʉs̈ja'yga nocni'c cuandu tʉgatsʉ̱́nga mit mijchat, wename-ey tʉs̈watcawa'n cuandu tʉtsʉ̱ngawa'n mit mijchat.
12Ʉjtsat tʉgaje'jat as̈am ayé jayajwat nimʉjninʉmgʉjʉpay je'jatu, ni'c je'jatu inʉmgap ni'c más oy jayajwat que japu̱jtat, mit inʉmgapey ni'c más i-is̈capcap. Ayé jayajwat igajawigap neti. 13Ʉjtsat tʉganimʉjninʉmgʉjʉp demás po tʉnwatcáj solamente jeme Dios tʉs̈moygaway tʉwátca, mit je' tʉs̈ajcoygau hasta mam mijchat. 14Ni'c ʉjtsat Dios tʉs̈ajyu'tcau pa tʉcoygawa'n mam mijchat, tʉganimanda̱tcʉjʉwu ʉjtsatu. Mit tʉcojyʉ'jcau mam mijchat pa tʉs̈nʉmdacyo'ygawa'n Cristu i-oyway noticia. 15Tʉganimʉjninʉmgʉjʉp mit ayé yos̈ iwatcaway jatu'c jayajwat, solo tʉyos̈watcap as̈am Dios tʉs̈manda̱tcau. Mit tʉnwangap pi cupʉjca más, pa tʉyos̈watcawa'n más mit mijchat as̈am Dios tʉs̈manda̱tcau. 16Pa we'n oyáj tʉs̈nʉmdacyo'yga Cristu i-oyway noticia en ayé lugajrat itpay más yajyʉ'n de mijchat, mit we'n tʉganimʉjninʉmgʉjʉ̱́j mit tu'c yos̈ itnupay watic.
17Po jeme nimʉjninʉjmʉpay, más oy ma mʉjninʉm el Señor. 18Ni'c capichináj oy tu'c jayau ni-oyinʉjmʉpay je'yu. Pichináj oy ayé jayau jeme Dios igui-oyninʉmámpay.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nuevo Testamento en Popoluca de Sayula © Sociedad Bíblica de México, [1969].